اول مرة اشارك هنا عايزة اتكلم عن قلة الاصل ازاي حد يكون صديقك او زميلك في الدراسة وكنت بتقدمله كل حاجة تساعده حرفيا وده بشهادة منه كمان ودايما يقولي مبتقصريش وعارف لو طلبت اي حاجة بتعمليها.. ازاي الشخص ده بقا بوقوفي جمبه دايما وحتي لما دخل دور تاني كمان كنت بشرحله واساعده.. ازاي الشخص ده يقدر يبعد كده فجاة ولا حتي يقولي ازيك واكني عمري ما عملتله حاجة ولا كنت ف حياته.. مش عايزة اقول ندمانة علي اللي عملته معاه عشان ده خير عارفة ان ده عند ربنا وشايلهولي.. بس ليه البني ادم نمرود لما الواحد بيديه اوووي بيبدا يشوف ان ده حق مكتسب وان ده طبيعي.. حرفيا عدي شهرين من غير حتي ما يطمن غليا ولا اي حاجة زي خلصت حاجتي من عند جارتي كده.. فضلت اول شهر تعبانة مش هنكر الفراق اثر معايا جامد خصوصا ان انا مش عندي صحاب ولا اخوات ولا كده ويعتبر حياتي مش مليانة ناس.. ف بتعلق بوجود الاشخاص بسرعة ودي غلطتي.. كنت بكتب نوتس واوصف مشاعري و اعيط وكل حاحة عشان اخرج اي حاجة جوايا وكنت بكلم شات جيبي تي ونصحني كتير بصراحة وبقيت احسن بعد شهر.. وقررت معاتبش عشان مينفعش تقول لحد انا ليه مكنتش غالي عندك زي ما انت كنت غالي ف انا كرامتي غالية عندي اوي ولو همووت مقللش منها.. بس لسه حتة المراقبة دي ساعات ببص اشوف وكده بس مبقاش مهم وبقي استحالة اني اكلمه تاني وحتي لو اتكلم لما الدراسة ترجع ولا هشوفه تاني واحتمال مردش هو بالنسبة لي بقا شخص غريب.. هو بالنسبى لي مات اي حد بيتكلم عنه بقوله المرحوم حرفيا والله.. بس دي حاجه شغلاني وحبيت اعبر عنها وشكرا

4

6