خطوبتي اتفسخت وثقتي اتكسَرت

Mango_72230 🇪🇬

منذ أسبوع واحد

شعور فخور

موضوع:

هى ايه الخطوات اللى خلتكم اقوى بعد ما كنتوا ضايعيين

اول ما فسخت خطوبتي كنت حرفيا زي المجنونه ثقتي الي رمتها عليه ومكنش يستحقها كسر بقلبي و طلع اسراري وغيره خلاني في 7 ارض و الله مخرجت من المحنه دي غير برحمه من ربنا ربنا قواني وعرفت اخطائي في حين ان اهلي موقفوش جنبي

مشكلتي مع حب سنة ونص ومشاعر غير متبادلة

جماعة انا بحب واحده ومرتبطين بقالنا سنة ونص بس طول السنة ونص ديه انا الي بدي مشاعر وبعمل كل حاجة وحاسس ان مفيش مجهود من نحيتها من اي حته وهي نفسها اعترفت بالموضوع ده كذا مره وقالتلي انها مبتعرفش تبين حبها ولا تعمل الحجات ديه وحتى لما بتغلط ياما مبتعتزرش وبتغير الموضوع او بتقلب عليا الطرابيزه و كنت اخدت احونت الانستا بتاعها بشكل ما وشوفت شاتات مع ولاد كتير بس ده قبل ما تعرفني ولقيتها كانت مرتبطة بناس كتير وكان بتعمل معاهم الي بتعمله معايا وتقول لده بحبك وده مش عارف ايه بس مكنتش كملت مع ولا واحد فيهم عشان تقريباً محدش كان بيستحمل اسلوبها بس انا استحملت عشان كنت حبيتها بجد بس من بعد ما شفت الشاتات ديه وانا مش قادر اشوفها زي الاول ومبقتش عارف اعمل ايه ياريت تساعدوني افهم مشاعري الي حاسس بيها وحابب اسمع رايي البنات فالموضوع ده ...عرض المزيد

10 الدعم

2 نصيحة

وجع الصداقة الخائنة وتحمّل الثمن

أنا مش من النوع اللي بيحب يشكي، بس في وجع ساكن جوايا من زمان ومش عارفة أخرجه غير بالحكي. كنت فاكرة إن اللي بيني وبينها صداقة حقيقية… كنا دايمًا مع بعض، بنضحك، بنحلم، وبنحكي أسرارنا لبعض كأننا توأم روح. كنت بدافع عنها حتى قدام نفسي، وكنت بصدقها مهما عملت. في يوم كنت تعبانة جدًا، نفسيًا وجسديًا، وكل اللي كنت محتاجاه حضن وصوت يقول لي “أنا جنبك”. كلمتها، وقلت إني محتاجة أشوفها… قالتلي إنها مشغولة، وإنها هتكلم معايا بعدين. حاولت أكون متفهمة. بس بعدها بشوية شفتها على السوشيال ميديا، خارجة وبتضحك مع ناس أنا عارفة كويس إنهم كانوا بيتكلموا عني وبيسخروا مني. قلبي اتكسر… مش من الخروج، لكن من الكدب، ومن إني كنت آخر اهتماماتها. مش ده بس اللي وجعني، يوم عيد ميلادي كنت مستنياها، وعدتني إنها جاية. فضلت أبص على الباب، وأقول لنفسي: “أكيد هتدخل دلوقتي”، بس ماجتش. بعدها قالتلي إنها كانت نايمة، ولقيت صورها في حفلة تانية. كنت ببكي مش علشان نسيتني، لأ… كنت ببكي علشان فهمت الحقيقة. اكتشفت إنها كانت بتاخد مني كل حاجة، دعمي، وقتي، وحتى طاقتي… ولما كانت محتاجة حاجة، كنت أول واحدة بتروح لها. بس لما أنا كنت محتاجة… ماكنتش موجودة. دلوقتي؟ أنا لسه متأذية… كل مرة بحاول أكون كويسة، بفتكر كلامها الجارح، أو نظرتها اللي كانت فيها شماتة وأنا بعيط. بقيت بخاف أثق، بخاف أدي قلبي لحد تاني. بس عارفة؟ بالرغم من كل ده، أنا فخورة إني ماكنتش زيها… وفخورة إني حبيت بصدق، حتى لو الوجع كان الثمن ...عرض المزيد

14 الدعم

13 نصيحة