أنا مش عايش… أنا فكرة ماتت من زمان ولسه متخزنة في جسم بيتحرك بالعادة. أنا مش شخص… أنا كومة تناقضات، شايف نفسي فوق الكل… وبمسح بيّا الأرض كل ليلة. أنا شايف الناس تافهة، ضحكة بتتكرر، ردود محفوظة، أرواح فاضية بتتنفس وخلاص. بس أنا إيه؟ أنا الفاضي اللي بيشاور عليهم ويضحك، وأنا أكتر واحد بيشبههم. أنا فاهم كل حاجة زيادة عن اللزوم، وده لعنة مش ميزة. بفهم ليه أنا تعبان… وبفهم إني السبب… وبرضو مش بعمل حاجة. أنا بحب نفسي لما بتألم… وبكرهها لما بتحاول تقوم. مش عايز أتبص، مش عايز أتحب، مش عايز أتعرف. أنا بس عايز أختفي… بس بطريقة تخلي الكل يحس إن في حاجة تقيلة نقصت من الدنيا. وده مش هيحصل… علشان أنا ولا حاجة.

7

0