انا حساسه اوي وعايزه اعمل ايه علشان اكبر دماغي؟

Q: مخنوقة ومش عايزة اذاكر.. زهقانة مش عارفة أعمل إيه؟ 😓

انا بقالي فترة كبيرة مخنوقة ومش عايزة اذاكر ومش قادرة اعمل حاجة اصلا واليوم بيعدي من غير اي فايدة بصراحة ودي حاجة مضايقاني اوي وانا من النوع اللي انا بقعد افكر في كل حاجة دماغي مش بتبطل تفكير بجد تعبت وبجد انا زهقانة اوي مش عارفة اعمل اي ؟😓

Q: مش عارفة حدد شخصيتي وتعبت بجد

انا بجد مش عارفه احدد شخصيتي خالص مش عارفه انا مش بزعل بسرعه بس بزعل ومبهتمش بكلام حد بس بقعد افكر في كتير اوي مبعيطش اي كان الموقف أو اي الي حصل أو حد دايقني مبعيطش خالص ببقي عايزه اعيط عشان أخرج الي جوايا وبارده جدا يستفز الي قدامي ويبقي قاعده من غير اي رياكشن او اي حاجه مش عندي ثقه كبيره في نفسي دايما شايفه اي حد احسن مني حتي لو انا الي احسن انا بضحك كتير اوي اوي مبقولش مشاكلي لحد نفسي اطلع الي جوايا مش عارفه اعمل ايه تعبت بجد

Q: تعبت من تالتة ثانوي وضغط السنة وحاسس بضياع حلمي 😔💔

بصي انتي في البدايه كده لازم تحطي هدف وحلم قدامك وحاولي توصليله وان شاء الله تحققيه وتوصلي للي عاوزاه وحاولي تنظمي وقتك مابين المذاكرة والصلاه والراحه ومتضيعيش مجهود سنين علشان خاطر وقت قليل فاضل .. ان شاء الله تحققي حلمك وتفرحي اهلك ويكونوا فخورين بيكي يارب❤️

Question

جماعه اعمل في اني حساسه اوي ؟ 
انا عن نفسي مش عارفه انا حساسه اوي ولا عادي بس صحابي دايمًا يقولولي كدة واني قماصه و حاجات كتير انا مبحسهاش فنفسي بس مش عارفه انا فعلا باخد بالي من تفاصيل ومحتاجة اعرف اعمل اي واكبر دماغي ازاي علشاني لان الموضوع ده بيتعبني وبيدايقني اوي بجد برضو وبياخد من تفكيري كتير

Pineapple_52272 🇪🇬 · Accepted Answer

مش شرط يمكن الهزار دا مش حلو ومحتاج حد معندوش كرامه ودا حقك متقبليهوش، ولو فعلا الحاجات دي بسيطه فايمكن عشان انتي كتمتي كتير جواكي زمان وجيتي علي نفسك كتير واستحملتي إهانه كتير فا اقل حاجه بقت تأثر فيكي، وبقا عندك اوفر ثينكينج وبتفكري في كل كبيره وصغيره

Pear_52495 🇪🇬 · Answer

صحابك مش هيقولوا كدا غير ان اللي ظاهر منك يدل علي كده
حاولي تصلحي  منفسككك وتشوفي اي اللي بيتكلمو عليه و بينقضوه وتصلحيه
وحاولي تفكري ف افعالك و تشوفي افعللك بدل علي اي

Carrot_28547 🇪🇬 · Answer

الشخصية الحساسة اكبر تعب لصاحبها واحسن ميزة للناس شخص بيركز في تفصيل الي قدامة بيعرف يسمع وبيعرف يحس بمشاعر الي قدامة حتا لو متكلمش صاحب ميتعوضش للي حوالية لاكن هوا اكتر واحد تعبان ميزتة هيا عيبة بيلاحظ ادق التفاصيل في الكلام ممكن نظرة تضايقة دايما دماغة شغالة في اي موقف وابسط الكلام بيعرف يسمع بس مفيش حد بيسمعة فا بيعش جوا عقلة انتي بتختاري تشوفي نفسك من انهي جانب الاتنين جواكي

Carrot_28547 🇪🇬 · Answer

انتي شخص كويس للي حولية لاكن مش كل الي حواليكي كويسين ليكي

Avocado_51186 🇧🇭 · Answer

بصي طالما اصحابك قالولك انك شخصيه حساسه يبقي بعد كده خدي بالك من تصرفاتك معاهم ومع غيرهم واحسبي كويس اوي كلامك وتصرفاتك قبل ما تعمليها وطالما بتاخدي بالك من تفاصيل بتعمليها يبقي سهل تغيري من نفسك للأحسن علشان ماتتعبيش وتضايقي

Avocado_52493 🇪🇬 · Answer

لا هوا مش بيكون من الهزار هما كويسين معايا دايمًا بس لو مثلا نزلوا مره ومقالوليش بتدايق بس مبقولهمش او كنا قاعدين احنا التلاته ف ياخدوا بعض ويقوموا يعملوا حاجة ويرجعوا ميقولوش تعالي ينزلوا صورهم بس هيا فعلًا حاجات تافهه بس اكتر حاجة فيهم بتزعلني ان المواقف دي بتحسسني ان هما بيحبوا بعض اكتر مني بقعد اقول عادي ومش لازم يحبوني ومش هفرض نفسي والمهم هما كويسين بس برضو بتدايق لما ملاقيش نفس اللي بقدمو ..

Avocado_52493 🇪🇬 · Answer

الاول كنت اصلا عمري ما باخد بالي من الكلام ده ويمكن عمرها م اتقالتلي من اي حد من اللي حواليا الا من اربع سنين لما عرفت صحابي دول بالذات وبداوا يقولوا اني قماصه وحساسه اوي

Avocado_52493 🇪🇬 · Answer

باخد بالي بس المشكله اني بزعل منهم واتدايق

Pineapple_52272 🇪🇬 · Answer

مش تافهه علي فكره هما اقنعوكي ان الحاجات دي تافهه لما قالولك انتي قماصه وبتاع يعني بيقللو من غلطهم و اي حد بيحب صحابو وعملو معاه الحاجات دي لازم هيزعل، كدا غالبا هما عندك في مكانه اعلي من الي انتي فيها بالنسبالهم