تايه في الحياة ومش عارف أخرج منها - 30 سنه وهموم أكبر

Question

انا تايه اوي والحياه مشاكلها بتزيد كل يوم اكتر من الي قبله وحاسس انه خلاص حياتي بتقرب على نهايتها وان وقتي بيخلص وانا محققتش اي حاجه شاب عنده ٣٠ سنه عايش في عمر شخص عنده اكتر من ٥٠ سنه وشايل هموم اكبر من السن ده بكتير ومش عارف اخرتها ايه

Sugar_68848 🇪🇬 · Answer

هتفرج بس أسعى وزود دايرة معارفك وعلاقاتك وكله خير باذن الله وأرضى مع السعى الشديد

Mango_70880 🇪🇬 · Answer

فى ايدك تفصل بحاجه بتحبها مش شرط تفضل ضغط على نفسك الحياه كلها مشاكل لانها مش جنه بس الشاطر هو اليعرف يفصل

Marshmallow_70902 🇪🇬 · Answer

تعبت انا شايل كتير فوق دماغي وساكت لما بشتكي بيتقال عليا وحش ومش راجل ولو هربت بيتقال نفس الكلام ولما وقفت وواجهت بقيت مكروه وبتهدد بتضييع مستقبلي من والدي ضغوط كتير مخلياني تايه ومش عارف احقق حاجه

Marshmallow_70902 🇪🇬 · Answer

مهما حاولت افصل بتيجي اللحظه الي كل الافكار السلبيه بتجيبك ورا بعض عشان تكسرك اكتر ما انت مكسور انا من كتر المشاكل والضغط تقريبا معتش عارف او لاقي اس حاجه بحبها او كنت بحبها ممكن اعملها بقيت محطوط في خانه الراجل والاخ الكبير الي مطلوب منه يشيل ويستحمل ويقف اسد من غير ما يتهز ومفيش حد مقدرك ولا بيسمعك كلمه حلوه حتى

Sugar_68848 🇪🇬 · Answer

ربنا يعينك الحياة اختبار كبير والاجر على قدر الاختبار ورفه عن نفسك وشوف ناس ايجابيه وحاوط نفسك بيهم بلاش عزلة وبلاش تفكير كتير

Mango_70880 🇪🇬 · Answer

حب انت نفسك وقدرها وراضى نفسك قبل اى حاجه عشان طول منتا مبسوط هتعمل كل حاجه حلوه واكيد فى حجات بتحبها اعملها وابسط نفسك وطول منتا مع ربنا وبتصلى يبقا كلو تمام

Marshmallow_70902 🇪🇬 · Answer

بحاول اعمل ده دايما بس للاسف بتخذل من اقرب الناس حاسس بوحده فظيعة جدا

Marshmallow_70902 🇪🇬 · Answer

انا بقول يارب انا تعبت وعارف ان اكيد ده اختبار بس بحاول استحمل واصبر

Sugar_68848 🇪🇬 · Answer

الله يعينك ويقويك

Nutella_71030 🇪🇬 · Answer

اعتقد كل مواليد التسعينات كده يعني كل حاجه حوالينا بقت صعبه والناس بقت وحشه ومحدش بيحس بحد ولا بيبقا مكان حد بس في الاخر مش هتلاقي غير ربنا معاك اكيد هو قادر يغيرلك كل حاجه

Marshmallow_70902 🇪🇬 · Answer

حقيقي دايما بقول يارب وبحاول اصبر بس تعبت والله جبت اخري انا عارف ان ربنا مش هيحطني في كل ده الا لو انا كنت قدها بس والله مشاعري وقلبي تم استنزافهم وتعبت