Cherry_55319 🇪🇬's منشور
.png)
Cherry_55319 🇪🇬
منذ 4 أيام
.
شعور مكسور القلب
أنا بحب واحد اووووى و لمحت ليه اكتر من مره و مهتمه بيه اوووى و بكل تفاصيل حياته و اول واحده بتقف جنبه لما يحتاج حاجه بس أنا معرفش هو بيحبنى ولا لأ كل اللى اعرفه ان خرج من تجربتين مش افضل حاجه فخايف يدخل ف تجربه ثالثه و ميحصلش نصيب و أنا بحبه اووووى و مش عارفه اعمل ايه ممكن تنصحوني أطمنه ازاى او اخليه يحبنى ازاى و نيتى فعلا خير من ناحيته
3
14
.png)
Mango_56106 🇪🇬
أفضل نصيحة
.
منذ 4 أيام
طب وهتستفيدي ايه لما تعرفي افرضي معندوش مشاعر نحيتك هتبقي وجعتي قلبك عالفاضي وخلاص لو بتحبيه وهو فعلا بيحبك وفيه الخير (اللي ربنا شايفه ) ربنا هيقدمهولك علي طبق من ذهب انت ادعي (اللهم إن كان خيرا فوقه لي وان كان شرا فبعدة عني ) ساعتها هيبقي قلبك منشرح وعادي لو خسرتيه لانك هتبقي عارفه أن هو شر
13
0
Chilli_58119 🇪🇬
.
منذ 4 أيام
قوليلو قول معايا واحد هيقولك اتنين قوليلو اناا احسن من التجربتين🙂😂لو مفهمش سيبيه متحاوليش
0
0
.png)
Strawberry_57475 🇪🇬
.
منذ 4 أيام
انتي مش مسؤله تطمني الراجل اللي مسؤل انه يطمن البنت ابعدي وهو لو بيحبك هيجيلك ما تبقيش الطرف اللي بيبادر علشان صدقيني جيالك من المستقبل هتتسحلي في الحياه وفي العلاقه دي وهتدمري حالك لا تطمني ولا تحاولي تخلي واحد يحبك ولا تبذل اي مجهود في الاول الراجل هو اللي المفروض ياخد الخطوات الاولي مش الست
3
1
.png)
Avocado_57490 🇪🇬
.
منذ 4 أيام
مش شايفه انك بتاخدى مكانه فى علاقه انتى لى تقدمى الحب و كمان الاطمئنان انتى عامل استقبال وبس غير كده بقللى من نفسك هو الى يفكر كده مش انتى
11
1
Toast_58759 🇪🇬
.
منذ 4 أيام
بصى اول حاجة هو خارج من تجربتين زى ما بتقولى ف هو عارف لو كنتى بتلمحى او لا هو ممكن عاوزك تقولى ان انتى معجبة بيه وبجد دا اول الترومات اللى هيعملهالك ان بعدها مش هتعرفى تعبرى عن مشاعرك تانى + انتى لو مهتمة بيه فعلا وواخدة الجانب دا هتفضلى بتدى طول الوقت وبجد بعد فترة هتلاقى نفسك بتتطلبى الاهتمام واقل الحاجات وهو لان عنده تجربتين وحشين قبل كدا ومأثرين عليه هيبقى عاوز ياخد بس ف خلي مشاعرك لحد يقدر
10
0
Cherry_55319 🇪🇬
.
منذ 3 أيام
عندكم حق بس حاول ابعد و مش عارفه بس أنا حاسه انه بيلمح بطريقه غير مباشره و مهتم ع فكره بيا و قالى انه معجب بيا بس خايف يرتبط تانى او انه مش مستقر نفسيا و خايف يخرجنى بس أنا هحاول ابعد يمكن يحس بغيابى و لو حاسس حاجه من ناحيتى هيقولها
0
0
التجربة أفضل عبر التطبيق
حمّل تطبيق توهيل على هاتفك لتجربة أسرع
