الي في القلب بيطلع وقت الغضب ولا كلام عابر؟

Question

هي الناس فعلا الي في قلبها بيطلع وقت الغضب و لا بيكونو بيقولو اي كلام و خلاص عشان انا مقتنعه ان الي في قلبهم فعلا بيطلع و في ناس بتقنعني انه لا و  كذا موقف مش عارفه اتخطي ولا انسي الي اتقال فيهم

Broccoli_71074 🇪🇬 · Accepted Answer

لا بيحولو يوجعو اللي قصدهم وخلاص

Marshmallow_60066 🇪🇬 · Answer

علميا وبيكون الاكتر اي كلام بدون وعي وخلاص

Chilli_64722 🇪🇬 · Answer

الفكرة ان وقت الغضب بيبقي الانسان معمي تقريبا 
بيبقي مش شايف قدامه ، بيبقي مستعد يخسر اي حاجة
و قليل اللي بيعرف يتحكم ف غضبه
عشان كدا النبي صلى الله عليه وسلم قال : " لا تغضب ، لا تغضب ، لا تغضب"

Avocado_71289 🇪🇬 · Answer

عموما الإنسان بيبان في المواقف وفي بيبان اكتر وقت الغضب علشان دا بيبقي اصدق وقت بيكون فيه لأنه ساعتها بيتصرف بعفويه وتلقائيه،  غير الوقت العادي بيكون كلامه مرتب ومتظبط فسهل ساعتها يتصرف عكس طبيعته ، الواحد مننا ممكن يتعامل مع شخص معين ايام وشهور وهوا راسم صوره وواخد فكره عنه جميله جدا، لكن مع الوقت ومع المواقف والمشاكل خصوصا بيبدأ يشوف كل حاجه علي حقيقتها

Ice Cream_71282 🇪🇬 · Answer

دي حقيقه عشان كدا انا غصب عني قفلت و لكن الشخص التاني بيحاول يقنعني ان دا مش هو او مش قصده يقول الكلام دا

Ice Cream_71282 🇪🇬 · Answer

طب ما هو الكلام دا نابع منين اصلا

Avocado_71289 🇪🇬 · Answer

لا مفيش الكلام دا بالعكس في الوقت دا بيظهر كل العيوب ، الانسان الكويس المحترم بيبقي محترم في كل أحواله