دييما نحكي بلي ما فيها حتى عيب ولا جيّاحة ولا كُبت ٱنو يكون عندنا ٱحاسيس و مشاعر تجاه الجنس الآخر، الغلطة هي في الظرف لي تبان فيه هذي المشاعر و الطريقة لي نتعاملوا بيها معااها.. رانا متفاهمين بلي العلاقات حرام، بصح ماهيش محرمة خاطر المشاعر محرمة.. محرمة خاطر تعطيك مجال غالط تعبّر من خلالو على ٱحاسيسك.. فالوقت الغاالط و مع الشخص الغالط لي مايحلش ليك.. المشاعر في حد ذاتها و الحب في حد ذاتو حااجة فري شاابة بصح توجع.. بصح كي تخليه يخرج في علاقة، راك حليت بيه بيبان غلطاات كبار حبيبنا.. كييما كرة الثلج لي تبدا تتكربع و تكبار بشوية.. تبداها بالتعبير على مشاعرك ملييحة، و توصل لحوايج ماكنتش تتخيل روحك ديرها.. خاطر وقتها تولّي في حرب مع روحك، قلبك يجرّك تزيد تغرق و عقلك و دينك يوقفوك ويقولوك بلي راهي غالطة.. وفي الغالب النتيجة تكون الخسارة

6

1