بصراحه يا جماعه موضوع الارتباط اللي بقى منتشر دلوقتي على السوشيال ميديا ده غلط وحرام 👎، وكمان مرهق للنفس جدًا سواء للبنت أو الولد. البنت بتتعب عشان بتتعلق من غير أي ضمان، والولد برضه بيتعب عشان بيضيّع وقته ومشاعره في حاجه ملهاش إطار شرعي، وفي الآخر كله بيطلع بوجع قلب وتعب نفسي. وربنا سبحانه وتعالى قال: ﴿وَلَا تَقْرَبُوا الزِّنَى إِنَّهُ كَانَ فَاحِشَةً وَسَاءَ سَبِيلًا﴾ [الإسراء: 32]. خلي بالكوا… ربنا ما قالش "لا تزنوا"، قال "ولا تقربوا" يعني أي حاجه ممكن توصّل للحرام تعتبر غلط: كلمة، نظرة، أو حتى مجرد "بحبك" في الشات من غير جواز. والنبي ﷺ وضّح وقال: "إن الله كتب على ابن آدم نصيبه من الزنا… فزنا العين النظر، وزنا اللسان النطق، وزنا الأذن الاستماع، وزنا القلب يهوى ويتمنى، ويصدق ذلك الفرج أو يكذبه" (رواه مسلم). يعني حتى الكلام العاطفي بين ولد وبنت من غير جواز داخل في القُرب من الزنا. العلاقة الوحيدة اللي فيها راحة وبركة للطرفين هي اللي تبدأ بالحلال وبالجواز الشرعي 💍، غير كده كله غلط ومفيهوش خير بلاش نتساهل في موضوع زي ده🙏.

4

1