من أول ما وعيت ع الدنيا وأنا بتعرض للتنمر بسبب وزني، وبسبب حاجات إيجابية كمان زي أني كنت بروح كتاب لتحفيظ القرآن ومعظم البنات هناك من بيئة غير بيئتي وكانو بيتريقو ع كلامي وع عيشتي الأهدى منهم، حتى شعري قبل ما يتصاب بالصلع الوراثي كان كثيف جدا وناعم، كانو بيتريقو عليا عشان بعمل تسريحات حلوة وعندي بيبي هير نازل ع جبهتي شكله حلو!! عمري ما حبيت ولا اتحبيت، مش بس عشان وازع ديني "كدا كدا بحاول معملش حاجة حرام بفضل الله" ولكن حتى الإعجاب من بعيد عمره ما حصل معايا ولا ليا، حاسة أني شفافة، وإن دا أثر عليا فعملت حواجز حوالين قلبي عشان مؤمنة إن حتى لو حبيت مش هتحب، فالأفضل محبش خالص.. ودلوقتي عشان في سن زواج مش قادرة ألبس واحد ملوش ذنب فيا وياخد واحدة شخصيتها مهلهلة، ودا عاملي مشاكل كتير طبعا في مجتمع البنت فيه لازم تتجوز تاني يوم بعد التخرج..

3

19