مش عارفه أقول لا ودا بيبوظ حياتي

Question

يمكن دي اصعب حاجه ممكن اكون بمر بيها في حياتي لاني مبوظالي كل حاجه حرفيا اني مش بعرف اقول لا حصلتلي مشاكل كتير بسبب الموضوع ده مع ناس ومع نفسي ممكن اكون مش عايزه اعمل الحاجه دي خالص وهفضل الوم نفسي بس كل ده عشان مقولش لا الموضوع صعب اوي ومش سهل زي ما ناس كتير فاكره بس هو الشخص الي مش بيعرف يقول لا ده بيكون اكتر شخص بيجي علي نفسه مش علي حد فا مع الوقت والممارسه الموضوع بيجي هو صعب مش سهل ومحتاج وقت وصبر عشان توصل لي (لا) دي بس وقت ان الانسان يوصلها هيحس بي احساس حلو اوي هيحس ان انتصر علي الناس ونفسه وان هو صح مهما كان عشان محدش يسال غير نفسه انا اه لسه مش بعرف اقول لا بس علي الاقل بحاول هو اه بتهرب من الحاجه وبرفض بطريقه غير مباشره والموضوع بيكون محرج جدا بس علي الاقل بحاول….

Strawberry_49842 🇪🇬 · Accepted Answer

فعلا مش سهلة خالص زي ما البعض فاكر +براڤو اوي حاجه كويسه انك بتحاولي و مره مع مره هتوصلي ل لا الصريحه و تكوني راضيه من الداخل . وكده هتعملي لكل الناس حدود معاكي .

Apple_26944 🇪🇬 · Answer

لو قعت طول عمرك ترضي في ناي علي حساب نفسك هتتعب جام ويريت حد هيقدر تعبك

Blueberry_49608 🇪🇬 · Answer

ما بالظبط ده الي انا اكتشفته اصلا محدش غيري الي بيتعب فا بحاول اقلل من ده واشوف انا عايزه ايه واحاول اعمله لنفسي

Blueberry_49608 🇪🇬 · Answer

انا فعلا بحاول لحد ما اوصلها

Donut_25498 🇪🇬 · Answer

بدأت كدا من فتره اقول لا واعتراض ع حاجه مش عجبني وبدأ الموضوع يقلب عصبيه فا حاجات وبقا يتقالي أن ازاي الي بتقول حاضر بقيت وحشه كدا وبتقول لا و مش بتسمع كلام 
بفضل اعيط أن هما بيجو عليا وبذات من اهلي أن مش شايفين أن عندي طاقه وان زهقت من معامله أن لازم اسمع كلام واجي ع نفسي عشانهم

Blueberry_49608 🇪🇬 · Answer

عشان كلو اتعود ان انتي دايما بتوافقي علي كل حاجه عشان كده في الاول قولت قد ايه ان الموضوع صعب وبياخد وقت وطاقه فا جاه الوقت الي تعوديهم في انك بقيتي بتقولي لا عادي جدا والاهل دائما مش هيفهموا حاجه زي دي وهيشوفوا ان انتي ليه معندكيش طاقه انتي مبتعمليش حاجه بس انتي لازم تكملي الي بداتي في وانك تبدائي في حاجه زي دي اصلا دي حاجه شجاعه منك جدا فا كملي وان شاءالله هتوصلي لي (لا) دي والنتيجه الي ترضيكي

Blueberry_49608 🇪🇬 · Answer

وخليكي متاكده انك طول ما هما بيتعصبوا وبيزعلوا فانتي كده صح وكملي زي ما انتي وطول ما انتي مرتاحه ومرضيه يبقا طظ في كلو♥️