جوايا كلام كتير اوي و متلغبط و مش عارفه لو ده المكان الصح اللي اقول فيه الكلام ده بس مشحوار اهو بحثًا عن اجابة او نصيحة و لو مفيش مشحوار بردو.. المهم انا مراهقه... بعيش اسوأ مراهقه ممكن تعدي ع انسان.. اذا كان من ضغوطات و مشاكل عائليه ل ضغوطات نفسيه ل التزامات و طاقه مكبوته ل حاجات كتير مش هقول اني بنسبه 100% بقدر اسيطر عليها و اتحكم فيها بس اهو بحاول اتجاهل او احاول اني احقق احلامي ( في ما يرضي الله طبعًا) الا حاجه واحده بس... عارفين فكره احتياجكم انكم تكلموا شخص من الجنس الآخر... فكره انكم تتحبوا بقا و الجو الكيوت ده و يبقا فيه اهتمام و شخص انت مهتم بيه و مهتم بيك و تحكيله مشاكلك و يسمعك و يحكيلك مشاكله... و تتجوزوا بقا و تقعدوا تفتكروا الايام الكتكوت دي و تشغلوا ف الباك جراوند "كنا اطفال و كبرنا و مع بعض احنا كملنا الحكايه" ( ف السن ده مش هنبقا اطفال ولا حاجه و هنبقا بوظنا تارجت الاغنيه بس مشحوار💀) و بقا تعدوا مشاكل كتير ف علاقتكم ببعض و الاكسبيرينس دي... بس ف نفس الوقت تبقا بتفكر ان اصلًا اصلًا اصلًا حرام.. و هل هتعملي حاجه تغضب ربنا منك؟🤌🏻 مش عايزه تدخلي الجنه يعني؟ 🤌🏻 عايزه ربنا يزعل منك؟🤌🏻 و حاجه كمان طب و ثقة اهلك؟ 🤌🏻 . بس ف نفس الوقت فاهمين الفراغ اللي جوايا و من كمية الفيديوز اللي بقا بشوفها او بوستات يبقوا اتنين حاجه اخر كياته مع بعض تبقا عينيا بتطلع قلوب و انا شيفاهم و اقول طب هما بيحسبوها بنفس الطريقه؟ طب ما هما مبسوطين اهو اومال في ايه؟( مش قصدي حاجه و مش ببص ب عيل وحشه و حسد بتبقا بس حيره و استغراب و ببقا بتمنالهم الخير طبعًا) بلص بفكر طب حتى لو حصل ( بعد الشر) ايش عرفني ان ده هيبقا الشخص الصح؟ مش يمكن لما ادخل الجامعه او لما انفتح ع العالم الخارجي اكتر و ابقا ف جامعه اكمني لسه ضعبوله ف ثانوي يبقا فيه ناس احسن.... غير الفيديوز اللي بتظهرلي اصلًا ع تيك توك اول ما ابدأ افكر ف الحوار ده من مصايب كلام بنت و ولد .. حتى لو كلام بس منغير حب و كده... الحوار مرعب بجد... عشان كده من فتره ودعت اللي كنت بكلمهم هنا و قولتلهم اني همسح الاب (بالفعل مسحته فتره) عشان مش عايزه اقع ف ذنب او اتعلق ب حد اكمني انسانه سريعه التعلق حتى لو بنتكلم عادي... مكنتش حابه اني ارجع تاني بس لقيت دماغي بتوديني ف سكك انا مش هحب تأثيرها بعدين... ف اخترت اللي هيبقا اقل ضرر و ممكن يفيدني حتى لو بنسبه بسيطه... و الفراغ قت/ال ك واحده عندها فرط حركه و مع ذلك قاعده ف البيت 24/7 مبتعملش اي حاجه حرفيًا ( مش بكيفي و الله في كوم حاجات نفسي اعملها بس حكم القوي ع الضعيف بقا... ابقا احكيلكم ف بوست تاني بقا) ف ببقا عايزه اني اختلط ب العالم الخارجي ب اقل الوسائل بس بتقلب معايا ل سكه تانيه.. بسكده خلصت سوري طولت عليكم بس ك العادة هقولكم جملتي الشهيره.. احنا اهل صح؟ 🤌🏻✨ يلا دمتم بخير 🪷✨

7

0