تعبت نفسيا وعايز اسقط الوصاية عند 18 سنة

Biscuit_76652 🇪🇬

منذ 3 أيام

شعور مكسور القلب

تعبت نفسيا بعد فشل مشروعي و موت ابويا و سفر امي و انها سبتني رغم كل اللي بمر بيه و حتي حياتي عند الناس اللي عيشه معاهم تعتبر مش احسن حاجه ك معامله ف هل اقدر اسقط الوصايه لو عندي 18 سنه و ايه الاجراءات لاني تعبت بجد و مش قدر اكمل الحياه كده و عوز استقل ❤️

اخواتي مش موافقين على خطيبي وأنا متأزمة

جماعه انا بحب شخص من تلات سنين وهو اتقدملي من سنه وماما موافقه بس اخواتي مش موافقين وحصل مشاكل ومش بنتكلم وحقيقي مش طايقه البيت بسبب وجودهم وانا مش صغيره سن وهما مش موافقين لانه بعيد في ظروف صعبه تمنع انه هو اللي يجي يتقدم لكن عمه موجود في نفس الدوله وهيكون مكانه هو وباباه . اعتقد مشكلتهم في الشكليات قدام الناس لانه هو الحمدلله شخص محترم وحاول يتواصل معاهم بس مردوش عليه ولا فاتحين فرصه للموضوع وخايفه ادخل حد كبير مع العلم هما مش صغيرين تحصل مشاكل والموضوع أثر ع نفسيتي وصحتي وكشفت الفتره الاخيره كتير من كتر التفكير وانا مش عارفه اعمل ايه بجد ...عرض المزيد

0 الدعم

8 نصيحة

مش عارفة أرضي مرات أبويا المتسلطة.. أعمل إيه؟

أولا انا مستعدة ارد على كل الأسئلة اللي ممكن تسألوها بكل صراحة عشان احاول اوصل لحل عشان بجد جربت كل حاجة و تعبت أنا عندي مشكلة كبيرة في حياتي ومش عارفة أتعامل معاها. أنا عايشة مع مرات أبويا بقالي سنين طويلة، ومن وأنا صغيرة وهي متحكمة في كل تفاصيل حياتي. أي حركة صغيرة مني تتحسب عليا. مرة اتعاقبت عشان عملت ماسك لبشرتي، ومرة اتعاقبت عشان اشتريت كيس شبسي، ومرة اتعاقبت عشان حلقت شعري الزايد. أي حاجة بعملها لنفسي تتحول لجريمة غير كده، هي طول الوقت بتقلب أبويا والعيلة عليا. تقول كلام عني محصلش، تفبرك قصص وتكررها لحد ما يصدقوها، وتخليني دايمًا قدامهم "المشكلة" أو "اللي مش متربية". حتى لما بحاول أتكلم وأدافع عن نفسي أو أرد على كلمة بتزعقلي بيها، تلاقيني متصنفة إني "ردادة" و"قليلة الأدب". ولو سكتت خالص ومردتش، تبقى دي برضه مشكلة وتقول إني "بتجاهلها" و"مش محترماها". يعني في كل الحالات أنا غلطانة هي كمان بتقول إن كل الناس شايفاني مش محترمة ومش كويسة، وإن كلهم بيكرهوني وبينتقدوني. وتقول إن إخواتي كمان شايفيني كده. ساعات تدخل في المقارنات بجيراننا وتقول: "بصّي على بنات الجيران، كلهم متربيين عنك". مع إن ده كله مجرد كلام منها، يعني بجد بنات الجيران هما بنفسهم اللي بيقولولي انهم مش بيعملوا اي حاجة في بيوتهم و أمهاتهم شايلين كل حاجة، أنا مش غيرانة منهم أنا عارفة أن البنت لازم تشيل مسؤلية و تتعلم عشان بيتها بس أنا بعمل اكتر من ده بكتير وكلامها مش منطقي بس بيوجعني وبيديني إحساس إني أقل من الكل اللي بيوجعني أكتر إنها قدام الناس بتمثل إنها بتحبني وبتخاف عليا، وتبان إنها ست حنينة. لكن في البيت أنا بشوف الوش التاني: صراخ، تحكم، تقليب، وكلام بيهدّني من جوا. حتى كلمة "معاكي حق" لو قلتها، تلاقيها بتتقلب ضدي بعدين. بقيت ساكتة معظم الوقت، خايفة أفتح بوقي، خايفة من أي كلمة تتحسب عليا أنا بجد مش عارفة أتعامل. أنا عايزة أعيش بسلام، عايزة أعرف إزاي ممكن أرضيهم. إيه اللي ممكن أعمله عشان يبطلوا يشوفوني إني المشكلة؟ هل في طريقة أخليهم يغيروا نظرتهم ليا؟ ولا مهما عملت عمري ما هرضيهم؟ أنا تعبت من إني أعيش عشان أرضيهم، بس مش لاقية غير السؤال ده: أعمل إيه؟ ...عرض المزيد

2 الدعم

15 نصيحة