ازاى بتقدرو تصاحبو ناس بجد ؟؟ انا مش لاقيه نفسي وسط الناس حرفيا يعني اي مكان اروحه ودا بشهاده الكل اني محبوبه وعندي قبول وعايزين يتعرفو عليا بس دا بيبقا لحظتها بس بمعني اني عندي معارف كتير جدا بس معنديش صحاب من صغري وانا مفيش حد قريب مني مجرد زملاء وبس ودخلت ثانويه انعزلت اكتر ومبقتش اعرف حد حتا دروس كنت باخد مع مدرسين اونلاين وكنت نظام مختلف عن دفعتي ومكنش ليا صحاب دخلت الجامعه قولت هلاقي صحاب وادخل شله بس دخلت متاخر وللاسف كانو كلهم صاحبو بعض والي يعرفو بعض من ثانوي ومن دروس وانا دخلت حرفيا معرفش حد خالص ولا عارفه اتأقلم مع حد اه بنقعد سوا وبحضر سوا بس مش صحاب مجرد ما بنخلص مبعرفش عنهم حاجه مع انهم مع بعض بياكلو وبيتكلمو و يضحكو ويهزرو ويدخلو المسجد سوا وبيمشو سوا وبيخرجو سوا حتا سنه تانيه قولت خلاص هروح من اول يوم وهعمل صحاب بس برضو اتشعبت قسم تاني غير الي كنت عيزاه وبقيت مع ناس تانيه برضو معرفهاش ومش عارفه اتاقلم عليهم وبرضو نفس الموضوع كلو مع صحابو وكلو مع شلته وانا لوحدي مش لاقيه مكان وسطهم مثلا في السكاشن بيقسمونا جروبات وكلو بيختار صحابو محدش بيختارني بدخل مع جروب مع ناس معرفهاش ومش عارفه اتعامل معاهم ومعظمهم اصلا ولاد الي هو دي اخر مجموعه ف ادخلي فيها وخلاص نفس الكلام في محاضرات او presentation لو قالولنا مجموعات كلو بيختار صحابو وانا لو فضلي مكان ياخدوني وبحس اني غريبه وسطهم ولو مفضلش مكان برضو بترمي ف اخر جروب كدا الي هو تكمله عدد وخلاص والله انا بيصعب عليا نفسي جدا بخلص محاضرة واطلع اروح ع البيت لاني مفيش حد استنا معاه مفيش حد نروح نجيب ورق ومحاضرات سوا حتا لو فيه اي نشاط ف الكليه مبعرفش اشترك لاني لوحدي وبلاقي الناس كلها مع صحابها بحس اني مليش مكان دايما

4

1