ازاي أرجع لربنا بعد انتكاسة كبيرة وعدم خشوع؟

Question

ازاي ارجع اقرب من ربنا بعد فترة انتكاسة كبيرة جدا بصلي يوم وعشرة لا وبسمع اغاني ولما بصلي بحس أن مفيش اي خشوع ف قلبي ولا تركيز وكل العبادات تقيلة عليا حتي الاستغفار، مش مرتاحة ولا راضية عن حالي وبحاول ارجع بس في جحود ف قلبي مخيف مش عارفة ايه الحل ولا ابدا منين

Pineapple_52559 🇪🇬 · Accepted Answer

صدقيني  طول ما أنتي بتعاتبي نفسك فيكي حاجه كويسه و اعرفي يعني ايه حب لربنا كويس و أن أنتي مش بتصلي عشان متتحاسبيش لأ عشان تكلمي ربنا وتفصلي عن الدنيا دي و ربنا يهدي الجميع ويجعلنا من الصالحين اللهم آمين

Cheese_27727 🇪🇬 · Answer

اول حاجه حابب اقولك ان طلاما عندك النزاع ده فانتي لسه قلبك نقي وتقدري تقربي من ربنا باذن الله في حاجتين اولهم انك تكوني بتعملي ذنب مانعك من الاستمرار والخشوع وهو عامل حاجز بينك وبين الاستقامه والخشوع او الحل التاني انك محتاجه انك تغيري اللايف ستايل بتاعك عشان تقربي من ربنا اكتر وتثبتي يعني مثلا هل انتي بتستمعي يوميا لدروس عشان تثبتك وتقربك لربنا اكتر. تفسير سوره حتي لو قصيره جدا زي الكوثر

Cookies_51283 🇪🇬 · Answer

ابدأ ازاي ومنين واغير اللايف تسايل لايه

Cheese_27727 🇪🇬 · Answer

يعني مثلا ممكن انصحك تسمعي بودكست وعي 3 شباب بيكلموكي في الدنيا وبيثبتوكي علي الدين بكلام عمي مش جو شيوخ بقي ومتشددين وزعيق والكلام ده او وفيه حل تاني تفسير القران بيفرق جدا لما تعرفي معناه وسبب نزوله يعني ممكن ارشحلك تسمعي تفسير سوره عبس لشيخ احمد عبد المنعم السوره دي كانت سبب في ثباتي بعد الله

Cheese_27727 🇪🇬 · Answer

علي حسب بقي انتي حياتك ويومك ماشيين ازاي قصدي ان ممكن يكون يومك مش ماشي صح عشان كده بيبقي مفيش ثبات

Cookies_51283 🇪🇬 · Answer

شكرا جدا💕

Cheese_27727 🇪🇬 · Answer

العفو 🤍

Mango_25275 🇪🇬 · Answer

اولا العبادات طبيعى يبقى فى انتكاسة العبادة عمرها مابتمشى على الوتيره والحماس
احساسك انها مشكله وانتباهك ليها كرم من ربنا مفيش جحود فى قلبك ولا حاجه كملى العبادات حتى لو بالجوارح فقط استمري هترجعى ان شاءالله وهونى على نفسك 
ورددى اللهم لاتزغ قلوبنا بعد إذ هديتنا انك انت الوهاب
اللهم يامقلب القلوب ثبت قلوبنا على دينك
اللهم ان ضعف قلبى فى السير إليك فاحملنى حمل الكرام عليك
اللهم ردنا إليك ردا جميلا

Coffee_27429 🇪🇬 · Answer

بجد اكتر حاجه هتفرق معاكي جدا انك تحاولي تتعلقي بالقران اكتر يعني مثلا انتي حسيتي انك هتسمعي اغاني خلاص بدل ما تفتحيها علطول روحي للقران واسمعي جربي بس اسبوع هتلاقي قلبك بقا اهدا كتير والعبادات بقت اسهل عليكي وحاولي مثلا تقرأي ولو صفحة كل يوم مش هتاخد وقت وفي نفس الوقت مش تقيلة عليكي واسمعي بودكاست كتير عندك وعي وايه المشكلة حلوين جدا وتيكتوك قللي منه او خليه معظمه فيديوهات ديني هيساعدك جدا

Durian_52455 🇪🇬 · Answer

الحل فى الدعاء.
سلاح المؤمن الدعاء

متسيبيش فرصة للشيطان إنه يخليكى تنسى قيمة وتأثير الدعاء…
ربنا يصلح حالك ❤️