ازاي انتظم في الصلاة ومانقطعش؟ 💔

Question

ازاي اقدر انتظم في الصلاة.
انا ممكن انتظم اسبوع او اسبوعين وارجع اقطع تاني💔

Coconut_15537 🇪🇬 · Accepted Answer

اهم حاجه اوعي تبطلي تحاهدي نفسك حتي لو بتعملي ذنب توبي وارجعي تاني والصلاه عماد الدين من تركها كفر ربنا بينادي عليكي ف ردي النداء وروحي له خلي الجمله دي فبالك ممكن تنفع معاكي وحاجه كمان انتي اللي محتاجه ربنا مش هو اللي محتاجك وغير كدا بقا( إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَن يَشَاءُ ۚ وَهُوَ أَعْلَمُ بِالْمُهْتَدِينَ ) جاهدي نفسك عشان ربنا ياخد بايدك وشوفي تفسير الايه دي وسمكن تعرفي قصدي

Apple_15942 🇪🇬 · Answer

اعملى منبه بوقت الصلاة و خلى لكل صلاه سوره عشان تبقى عرفه انتى بتصلى ايه

Apple_15966 🇪🇬 · Answer

ادعي 
ادعي ربنا دايمًا يثبتك على الصلاة عشان هي مش شطارة اد ما هي توفيق، وخلي حد في البيت ينبهك دايمًا لميعاد كل صلاة وربنا يثبتك

Orange_15935 🇪🇬 · Answer

بصي اول ما تسمعي الاذان فكري كدا انك لو بعد الشر توفاكي الله قبل ما تصلى هتروحي لربنا تقوليله اي كنت ماسكه الفون ولا بذاكر ولا غيره 
صدقيني لما تصلى هتحسي نفسك مرتاحه نفسيا وجسديا والدنيا هتبقى جميله اوي وادعي ربنا قولي اللهم اعني على ذكرك وشكرك وحسن عبادتك

Avocado_15519 🇴🇲 · Answer

اول حاجة تعرفي موعد الاذان وحدديه وقبل الاذان ب ١٠ دقايق قومي اتوضي واقعدي استغفري ربنا و متمسكيش الفون خالص واول ما الاذان ياذن ادعي ربنا يثبتك وادعي بكل حاجة نفسك فيها لان وقت الاذان الدعاء فيه مستجاب وان شاء الله استمري عليها علطول

Apple_15674 🇪🇬 · Answer

اولا لازم تعرف انت بتصلي لمين وليه وتعرف قدر ربنا فقلبك وانه أمرك بالصلاه وانك عشان تكون مسلم اصلا لازم تصلي وانه تاني ركن من اركان الاسلام بعد الشهادة هي الصلاه فهي الصله بين العبد وربه ولما تدرك عظم قدر ربنا خالق السماوات والارض والكون الا يستحق انك تصليله وتعمل اللي بيأمرك بيه

Mango_16016 🇪🇬 · Answer

بصي انا كنت بكسل دائما ف الصلاة وكنت بحس بضغط جامد عشان م بصلي ولا عارفة التزم لحد ما كان ف مرة  واحدة بتقول انصحوني التزم ازاي بالصلاة ولقيتني برد عليها واقولها تعمل اي ف من وقتها وانا الحمدلله م بيفوتني فرض ولو اخرت غصب عني ومصلتش الفرض ف وقته بحس بضيق ف هقولك تعملي اي انتي دائما ادعي وقولي اللهم لا تكلني إلى نفسي طرفة عين وحقيقي الدعاء دا لازم تدعي بيه دائما لأن النفس وحشة اوي لما بتسيطر علينا

Mango_16016 🇪🇬 · Answer

قبل معاد الآذان قومي اتوضي واقعدي اذكري ربنا لحد ما يأذن وتخيلي إن دي دعوة م رب العالمين ليكِ هيشوفك هتلبي النداء ولا لا ف تقومي تصلي وتدعي وتقولي اللهم ردني إليك ردا جميلا اللهم قربني إليك متتجاهليش دعوة ربنا اول حاجة هنتسأل عليها الصلاة ف ما بالك لما نكون مقصرين وقتها م هتعرف نرد ولا نقول الحياة شغلتني متخليش نفسك تمنعك من إنك تؤدي فرض ربنا وربنا يثبتك ويقربك ليه