ازاي ارجع اثق فيه بعد ما نزل من نظري؟

Chilli_86159 🇪🇬

منذ 15 ساعة

شعور مرتبك

ازاي ارجع اثق فيه بعد م مبقيتش شايفاه اصلا بقا مجرد واحد بيصرف علي عياله وبس مبقتش حاسه ب امان ناحيته ولا قادره احبه بعد م كنت بعشقه حصل حاجات كتير اوي خلته نزل من نظري بعد م كنت شايفاه احسن واحد ف الدنيا ولا قادره اسيبه ولا اتخطي الي حصل واتعايش

جوزي بيكلم بنات عالموبايل ومش عارفة اصالحه

مساء الخير ..بعد إذنكم أنا متجوزه من ٣ شهور اعرف جوزي من حوالي ٥ سنين منهم ٣ سنين خطوبه أنا من فتره اكتشفت انه بيكلم بنات كتير عالموبايل بدون اي هدف لمجرد التسليه وتضييع الوقت وفي تفاصيل بردو داخل المواضيع دي لما واجهته بيقولي كل دا fake وتضيع وقت واي كلام بيتقال بيكون مش حقيقي ولا من قلبه حصل قبل كدا مشاكل بردو بسبب بنات وبنرجع نتصالح وانا للاسف عشان بحبه و طيبه ف معاملتي ف كنت بتصالح بسهوله دلوقتي من آخر مره شوفت هو عرف اني مسكت موبايله ولما سالني مسكتيه قولتله اه واتكلمنا ودمي كان محروق وقلبي مكسور بسبب اللي شوفته والهزار وأنه عنده وقت يكلم بنات مع انه دايما مضغوط فالشغل ودايما اقوله تعالا نعمل حاجه جديده ونغير جو لما واجهته قالي بيعمل كدا غصب عنه عشان يحس بالتجديد طبعا كل دا مش مبرر أنا بقالي ٤ ايام زعلانه منو وبكلمه بطريقه جافه شويه وهو بيحاول يصالحني كل يوم قولتله هنتعامل من بعيد لبعيد يدوب احضرلك هدوم الشغل وغداك وفطارك لحد م اشوف أنا عايزه ايه بس هو ضاغط عليا بطريقه مصالحته وبيقعد يقولي والله م هعمل كدا تاني وكفايه مشاكل الشغل أنا بقوله أنا مبقتش واثقه فيك نهائي والثقه صعب ترجع هل انت هتعرف ترجعهالي؟ ف بيقولي هنحاول أنا محتاره مش عارفه اديله فرصه كمان ولا ادخل اهله ف الموضوع ؟ وللعلم مش عايزه ادخل اهلي غير لو أنا قررت انفصل عشان عمري م دخلتهم ف مشاكل + مش عيزاه ينزل ف نظرهم لو اتصالحنا اسفه جدا ع الاطاله بس تنصحوني ب ايه!!! ...عرض المزيد

4 الدعم

17 نصيحة

تعلق مرضي بحد ومش عارف أتخطى

السلام عليكم انا بقالي فتره بفكر اروح ل دكتور او اخصائي بس من كام يوم الموضوع زاد معايا جدا وتقريبا عشان كده ظهري الابلكيشن دا المهم عايز اروح ليه عشان انا عندي تعلق مرضي ب شخص حاسس ان الحياه واقفه عليه مرتبطين من خمس سنين او اكتر شويه اخر سنتين كلها تنازلات وكل مره بنتقابل وكده لازم تنهي ب مشكله كل اسباب القرب معدومه حتي الراحه بس مش عارف او خايف من فكرة حتي اني اتخطاه ليه يمكن عشان مشكلتي الاساسيه اني مبعرفش احب ودي مشكله بجد عندي انا صعب جدا ان انا احب او اتعامل مع اي حد بسهوله في بينا مسافه بنتقابل كل شهرين يمكن او شهر او اكتر بكون قاعد مستني الوقت دا عشان بحس اني بشحن طول الوقت هوا ف بالي من مقابله للتانيه انا بكون مستني واللي ف النص مش محسوب ف الاول والاخر انا حتي مبقتش احس معاه ب الامان وحاسس ب الغدر او اللي هوا استبياع كده وطلبعا دا عامل مشاكل اكتر م بين انو مفيش مقابل ومفيش بديل عن ان يا اتنازل ي مفيش دا ب اختصار شديد جدا الموضوع ...عرض المزيد

0 الدعم

7 نصيحة