ازاي اتخطي موضوع الشهوه واحتقر نفسي؟

Q: تعبان نفسيًا وعاوز أبقى قوي ومش خايف من حد

هو انا لو والدى وولدتى منفصلين وانا عايش مع والدتى ومع اخواتى بنات معنديش اخوات ولاد أكبر منى انا راجل الاسره يعتبر لو فى حد عاوز يعمل معايا مشكله او مع أهلى وانا مش عاوز اعمل حاجه علشان خايف على امى واخواتى بس هو بيشوف كده ضعف وانا حتى لو عملت حاجه هو أكبر سنا انا 20 سنه هو كبير بتاع فوق 30 وشويه بس راجل فاكر نفسه قوى وحتى لو عملت وشتمت ووقفت مش هلاقى حد فى ضهرى بجد تعبان نفسيا جدا من التفكير بعيد عن الراجل ده خالص انا حتى لو حصلت معايا اي مشكله مش هتلاقى كبير يبقى فى ضهرى ويقولى هجبلك حقك مثلا صحاب الشارع لازم اكون بشرب مخ*رات علشان اكون صاحب ليهم ويقفو ليا بجد نفسيتى تعبانه جدا من التفكير حد يقدر يقولى ازاى اقوى نفسى وابقى مش خايف ولا قلقان من حد ومحدش يقول روح جيم ولا كده انا عاوز احس من جوايا بكده اعمل ايه

Q: عايزه اعرف ازاي أقول لأبويا عن زميلي اللي كان في بينا حب

عايزه اعرف انه دلوقتي لو في حد متقدملي كان زميلي في الكليه و يعني كان في بينا استلطاف و إعجاب و حب قبلها بسنتين و ده طبعا كان بعلم والدتي و هو كان قايل لاهله المفروض دلوقتي لما يجي يتقدملي اقول لبابا عادي الحقيقة ولا المفروض افهمه انه بس مجرد زمايل و فيه قبول * عارفه اني غلطت اني كنت عارفه واحد منغير خطوبه او حاجة عشان لو حد هيعلق علي النقطه دي و انه كان غلط و حرام بس ربنا يتوب عليا يارب و يغفرلي المفروض دلوقتي اقوله لأبويا كل حاجة و لا هيفهم اني كده كنت مغفلاه ولا اعمل ايه

Q: تعبت من العلاقات الشهوانية.. نفسي في حد حنين يحتويني

صباح النور آسف إنى هقولك الكلام ده بس دى الحقيقة….. احنا فى مجتمع أنانى معظم الرجالة بيفكروا فى إشباع غريزتهم الفطرية بأى طريقة وبأسرع وقت مش عايز يستنى/مش عايز يخطط/مش عايز يبنى أسرة/مش عايز يكون ليه هدف لنفسه الشيئ الوحيد اللى بيحركه "الشهوة" مش الضمير ولا الدين ولا المجتمع مش مهم الأصوات اللى حواليه بيقولوا ايه… المهم هو ذاته نفسه فى إيه

Question

ازاي بتسيطرو علي موضوع الشهوه ده معلش ف الكلمه لانو موضوع صعب صراحة هو انا بعدت عن الموضوع ده من فتره تقريبا شهرين وبحاول أتجنبه بأي شكل بس لو مثلا في افلام هي افلام عاديه بس كل الافلام دلوقتي بقا فيها لقطات مش ولا بد انا بعملها سكيب بس بكون علي الحافه من اني  أضعف وارجع تاني وتجنبا برضو للموضوع ده مبقتش اطول ف الحمام وكمان بقيت قبل ما انام اذاكر أو اقعد مع صحابي أو اي حاجه عشان لما يجي وقت النوم انام تلقائيا علي طول بس انا بحاول اتخطي الموضوع ده مفيش فايده هو الإحساس نفسو بيخلي الواحد يحتقر نفسو حتي لو معملش حاجه انا توبت بس الدنيا بترجعني لورا حتي من غير قصدي وبحاول انتظم في الصلاه بقدر الإمكان وبحفظ قران وبعمل اي حاجه تبعدني عن الحاجه دي بس الإحساس وحش اوي بجد وبعتذر اني اتكلمت فموضوع زي ده بس دي مشكله صعبه بجد خصوصا أن من بدايه الفعل المقرف ده انا مكنتش اعرف ان في حاجه كده اصلا هي صدفت معايا استغفر الله العظيم ومكنتش اعرف انها فعل وحش كده لسا عارف قريب يعني من نص سنه كده تقريبا ف بحاول قدر الإمكان ابعد عنها ياريت اي حد يفيد ف الموضوع ده ربنا يهدينا كلنا ويعفو عننا ويسامحنا

Durian_52455 🇪🇬 · Accepted Answer

الشهوة موجودة جوا كل واحد فينا… الإعتراف بالذنب فضيلة
الحلو فى الموضوع إنك "موقعتش فى الذنب" على الرغم من الإيحاءات الجنسية فى الأفلام
بس تضمن منين إنك متقعش بعد كدة ؟
الإنسان علشان يبعد عن ذنب معين أو يجاهد نفسه.. محتاج إنه يحاول يبعد عن المثيرات أو الحاجات اللى بتحفز عنده الشهوة

-إختار أفلام عائلية ميكنش فيها مشاهد خارجة.
-اتفرج على قنوات بتحذف اللقطات الغير أخلاقية.

Durian_52455 🇪🇬 · Answer

طيب هتعمل اية لو وقعت وعينك شافت الغلط بقصد أو بدون ؟
١)  لازم (تنكر) الصورة أو الفعل اللى إنت شفته
٢) قول إستغفر الله "ولو مرة واحدة"
٣) إعمل تقديم Skip علطول للمقطع لو شكيت إن اللى هيحصل ممكن يوقعك فى ذنب أكبر

حاجة أخيرة: عايزك تعرف إننا بشر والنفس أمارة بالسوء.. ومهما حاولت تبعد.. نفسك وشيطانك هيحاولوا يوقعوك
علشان كدة لازم تكون رحيييم بنفسك إنعكاسًا لـ رحمة ربنا ليك ❤️

Blueberry_52260 🇪🇬 · Answer

بص لو انت في مره عينك جت على الامشاهد دي بالغلط استغفر ربنا و لو حسيت في مره انك ضغفت او عايز ترجع تاني قوم و صلي ركعتين لله اول ما تحس بكده و تالت حاجه بجد افضل ادعى ادعى كتير اوي الدعاء ده اصلاً من العبادات فادعى كتير اوي و قول " اللهم اخرجني من حولي و قوتي الي حولك و قوتك و اعني على نفسي " و " يا حي يا قيوم برحمتك أستغيث أصلح لي شأني كله ولا تكلني الى نفسي طرفة عين " بجد الدعاء ده حلو اوي حرفياً

Blueberry_52260 🇪🇬 · Answer

و قول بردو كتير اوي(  لا اله الا الله ) و ( لا حول ولا قوه الا بالله ) افضل قولهم كتير طول اليوم و استغفر بردو

Pineapple_52559 🇪🇬 · Answer

لما تحس بالشهوة، حاول تلتجئ للصيام؛ النبي ﷺ قال: “الصيام لي والبدن لي” رواه البخاري. ذكّر نفسك بعظمة الله بقراءة آيات عن العفاف زي آية الصيام في البقرة وخليك دايمًا ماسك مسبحتك أو تلقائيًا تسبح. اغلق أي مصادر للمثيرات فيديوهات أو مواقع وامشِ أو اشتغل حاجة مفيدة لماتحس بالإغراء.استعن بالذكر قول أستغفر الله” و“لا إله إلا هو الذكر بيطير الشهوة توكّل على الله وصلِّي ركعتين استغفار واطلب منه العون والقوّة