خايف ارجع للغلط تاني بعد وجع الخطوبة

Question

انا عندي ٢٥ سنه و من سني صغي كنت بحب اعمل حجات غلط اشرب سجاير امشي مع بنات و ازوغ من المدرسه و اقعد اشيش ع القهوه و لما كبرت و بقا عني ١٨ كنت بشرب حشيش و اشتغلت ف الغلط اربع سنين و كسبت منه ال يعدي ٤ مليون و انا اصلا مكنتش محتاج فلوس كنت وارث و والدي بيديني فلوس كتير و زنيت كتير اوي بس بطلت كل دا من ٣ سنين حبيت حد بجد عشان مطول يعني المهم خطبتها بس هي وجعتني كذا مره و فسخنا الخطوبه امبارح دماغي مودياني ارجع للغلط تاني و ادوس ع الاخر خايف من نفسي و خايف اخسر وظفيتي الحاليه و اني راجل عندي شغل خاص جمب الوظيفه حد ينصحني ❤️‍🩹

Hazelnut_52786 🇪🇬 · Accepted Answer

اولا : واضح من كلامك ان ليك خبره في الستات وكده . واكيد طبعا عارف ان الجواز اهم قسمه ونصيب .  . يمكن ربنا سايل ليك حاجه احسن . ثانيا : بالنسبه انك ترجع للطريق وتدوس علي الاخر وبعد ماتدوس علي الاخر هاتروح فين اخرتها عارفين هاتروح فين طبعا . كبر دماغك وارجع لشغلك انت عندك من النعم لا تحصي . ادعي لربك بالشكر والعرفان . ونصيحه ادبح عجل لله ووزعو كلو هتلاقي راحه بداخل نفسك وطمأنينه كبيره جدا . 👍👍👍👍

Strawberry_53264 🇪🇬 · Answer

قادره تحول كل الغلط ده لحسنات بتوبه نصوحه لله وتجاهد نفسك وتفكر نفسك بزوال الدنيا والمال والفتن وتلاقي نفسك بي الشغل والاجتهاد وخلي في سبب للحياه اذا سنك مناسب اتجوز وخلف وعادي كل الي فات لو توبت منه لا يعيبك الله يغفر ومتكلمش عن كل ده مع حد ابدا  
والوجع الي حصل ده من خطيبتك يمكن تكفير ذنوب من الي عليك قول الحمدلله ان عقابك جه في حاجه خفيفه كده وفي الدنيا مش للاخره ربنا ينور بصيرتك ويثبتك امين🙏🏼

Watermelon_52940 🇪🇬 · Answer

التوبه ثم التوبه ثم التوبه يصحبي خليك مع ربنا و اياك ترجع هتقعد تحاول بعد كدا تتوب تاني انا عارف انها صعبه بس انت قدها

Apple_53207 🇪🇬 · Answer

صدقني هعمل كدا

Mango_53224 🇪🇬 · Answer

لو انت مقتدر تقدر تشوف اعز حد عندك و تسافر معاه في مصر او بره مش فارقة المهم انك تفصل كام يوم و ترجع تاني

Hazelnut_52786 🇪🇬 · Answer

👌

Apple_53207 🇪🇬 · Answer

توبت و لسه عند توبتي بس الفكره ان اصلا الحجات دي سعات بتوحشني بس الفتره دي صعبه و بجد شكرا على كلامك شجعني جدا و اداني طاقه حلوه ❤️

Apple_53207 🇪🇬 · Answer

مليش صحاب صحبي الوحيد ربنا يرحمه اتوفى ف مشكله بس سافرت لوحدي و هعمل الي بتقول عليه ❤️

Apple_53296 🇪🇬 · Answer

بص متضحكش علي نفسك انت عارف الغلط ده اخره اي في ابعد اشغل نفسك ب اي حاجه عشان مش معنا إنها تتستر معاك اول مره إنها تتستر تاني مره 
و فكر كويس و اعقل

Apple_53207 🇪🇬 · Answer

فعلا عندك حق اول مره اتحبس سنه المره التاني هموت و اخد موبد