ليه الاداره بتصنفنا بالبطيخ والجوافه؟ انا مش لوحدي!

Apple_70037 🇪🇬

منذ 3 ساعات

شعور شاعر بالملل

ممكن ادارة الابلكيشن تتفهم اننا ناس بالغين وناضجين كفايه انهم يصنفونا بالبطيخ والجوافه والتفاح ويغيرو الاسامي ديه يخلوها anonymous او مجهول الهويه وكل واحد له رقم .. ولو حد عاوز يغير اسمه يقدر يغيره عادي وكل واحد حر ؟ حد معايا ولا انا لوحدي ! انا بقيت حاسس اني قاعد في سوق العبور 😄

مكسور وقاصر نفسياً بعد ما خطيبتي اتعرّضتلها ومقالتش

السلام عليكم انا كنت ف فرح امبارح ومعايا خطيبتي واختها وصحابها واليوم عدي جميل م غير مشاكل الحمدلله بس بعد مروحت بكلمها حسيت ان في حاجه ف سالتها وهي كانت بتنكر اتحايلت عليها عشان تقولي قالتلي هو انت اكيد مخدتش بالك انا متاكده والله قولتلها احكي بتقولي وانا واقفه معاك وكنت انت باصص الناحيه التانيه بتدي التليفون لاختي عشان تتصور واحد عدي م جمبي هو وصاحبه وعاكسني وانا عارفه اني لو كنت قولتلك ساعتها مكنتش هتسكت وم بعيد الفرح كله يبوظ ف انا اتعصبت عليها بطريقه شديده اوي يعني انها مقالتليش ف وقتها وفضلت اقولها انتي خليتيه يقل م كرامتك قبل كرامتي ومكنش ينفع نسكت هي قالتلي لا طبعامكنش ينفع اقولك انا حاسس انها قالتلي بس عشان كانت فاكره اني سمعت وطنشت او عديت الموضوع وكانت عايزه تتاكد اني مسمعتش وانا حلفتلها ١٠٠ يمين اني مسمعتش وهي قالتلي انا واثقه فيك والله وعارفه انك لو سمعت مكنتش هتسكت انا بس مرضيتش اعمل مشكله وهي صح انا فاهم بس انا م امبارح منمتش وحاسس اني قصرت ومكسور وفيا خنقه م طبيعيه لدرجة اني كنت هنزل القاعه اعيد الكاميرات عشان اعرف مين الواد ده بس طبعا لو عملت كده هيبقي تصرف عيال وهي م امبارح بتحاول تهديني وتقولي كلام يطمن بس انا م عارف ابطل تفكير ...عرض المزيد

2 الدعم

12 نصيحة