حاسس ان اختي السبب في وفاة اخويا ومش قادر أتخطى

Question

اخويا أتوفى من فترة الله يرحمه بس قبل ما يموت حصلت حاجة عمري ما بقدر أنساها كان بيتكلم هو و اختي و بيهزروا مع بعض يعني و كان بيقولها حاجة زي إنتي هتموتي ولا ايه قالتله ان شاء الله انت و ساعتها قعدت أقولها استغفري و متقوليش كده بس هما خدوها هزار و بعد ما اخويا أتوفى و بقالي سنين في حتة جوايا بتحسسني ان اختي السبب بدعوتها انه أتوفى عارفه انه مش صح بس مش قادره أتخطى

Mango_62882 🇪🇬 · Accepted Answer

هنا هتلاقي ربنا بيقولنا ﴿ وَيَدْعُ الْإِنسَانُ بِالشَّرِّ دُعَاءَهُ بِالْخَيْرِ ۖ وَكَانَ الْإِنسَانُ عَجُولًا﴾
[ سورة الإسراء: 11]
وهتلاقي النبي صل الله عليه وسلم بيقولنا ما من مسلمٍ يدعو بدعوةٍ ليس فيها إثمٌ ، ولا قطيعةُ رَحِمٍ ؛ إلا أعطاه بها إحدى ثلاثَ : إما أن يُعجِّلَ له دعوتَه ، وإما أن يدَّخِرَها له في الآخرةِ ، وإما أن يَصرِف عنه من السُّوءِ مثلَها . قالوا : إذًا نُكثِرُ . قال : اللهُ أكثرُ .صححه البخاري
ف متقلقش ربنا مش بيقبل الدعوات دي نهائي..

Biscuit_65454 🇪🇬 · Answer

لا متقوليش كده ده عمر ومكتوب وقربي من اختك علشان مش هيكون ليك غيرها ❤️وربنا يرحمه صدقيني الاخوات ملهمش غير بعض مهما حصل

Guava_65081 🇪🇬 · Answer

دا اجل ربنا.. اختك ملهاش ذنب في الكلمة.. انتي محتاجه ترضي بقضاء الله.. و ما عليكي غير انك تكوني جنب اختك.. و تدعوا لاخوكم بالمغفرة و الرحمة..

Strawberry_63357 🇪🇬 · Answer

فعلا هو عمر ومكتوب وأجل معلوم عند ربنا سبحانه وتعالى.. 
وربنا يرحمه برحمته الواسعه ويسكنه الفردوس الأعلى.. 
وربنا يخليكم لبعض

Pineapple_64523 🇪🇬 · Answer

تخطي الكلام دا 
لانك لو اختلفتي مع اختك وقلتيها ف ساعة غضب 
علاقتكم طبعا مش هتكون احلى حاجه والاهم انك ممكن تدمريها نفسيا

Strawberry_25620 🇪🇬 · Answer

الله يرحمه يارب ويغفرله.. عُمره خلاص قدر ربنا اللهم لا اعتراض ، ربنا مش اي حد عشان يقبل دعوه هوا الوحيد اللي عارف نيتها من جوا بجد .. ارضي