دعوة

Biscuit_30286 🇪🇬

منذ 3 أيام

شعور عاطفي

اخويا أتوفى من فترة الله يرحمه بس قبل ما يموت حصلت حاجة عمري ما بقدر أنساها كان بيتكلم هو و اختي و بيهزروا مع بعض يعني و كان بيقولها حاجة زي إنتي هتموتي ولا ايه قالتله ان شاء الله انت و ساعتها قعدت أقولها استغفري و متقوليش كده بس هما خدوها هزار و بعد ما اخويا أتوفى و بقالي سنين في حتة جوايا بتحسسني

Mango_62882 🇪🇬 هنا هتلاقي ربنا بيقولنا ﴿ وَيَدْعُ الْإِنسَانُ بِالشَّرِّ دُعَاءَهُ بِالْخَيْرِ ۖ وَكَانَ الْإِنسَانُ عَجُولًا﴾ [ سورة الإسراء: 11] وهتلاقي النبي صل الله عليه وسلم بيقولنا ما من مسلمٍ يدعو بدعوةٍ ليس فيها إثمٌ ، ولا قطيعةُ رَحِمٍ ؛ إلا أعطاه بها إحدى ثلاثَ : إما أن يُعجِّلَ له دعوتَه ، وإما أن يدَّخِرَها له في الآخرةِ ، وإما أن يَصرِف عنه من السُّوءِ مثلَها . قالوا : إذًا نُكثِرُ . قال : اللهُ أكثرُ .صححه البخاري ف متقلقش ربنا مش بيقبل الدعوات دي نهائي..

عرض الكل 6 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Banana_61238 🇪🇬

منذ 3 أسابيع

شعور عاطفي

Strawberry_25620 🇪🇬 شكرا انك واثق في نفسك وفي امكانياتك وقدراتك وشكرا انك مش بتتجه للحرام رغم السن الصغير اللي كلو بلاوي .. ربنا يثبتك ويقويك ويعوضك خيرا منها او بيها لو ليكو نصيب ، ويرزقك كل خير وكل ما تتمنى

عرض الكل 6 نصيحة

عبّر عن شعورك بشكل مجهول

سلام عليكم انا عندي 19 سنه للعلم بالشيء فقك انا كنت في لحظة كده بفضفض لنفسي وياريت تنصحوني لو حد عنده نصيحه ودعوة حلوة ليا من قلبكم لان انا في فتره مش كويسه ابدا وبعتذر اني طولت في الكلام
عارف  انا بيصعب عليا نفسي الواحد عنده فراغ عاطفي ودي حاجة وحشة وياريتها كانت بسببي ده غصب عني بسبب اهلي الله يسامحهم التجربة اللي لسا مريت بيها اتعلمت منها حاجة هي اه حاجة صغيرة بس المهم اني اتعلمت  + اني اكتشفت وهي ان المحفز ليا دلوقتي هي ان الاقي البنت اللي اتجوزها اللي نحب بعض فيها وده مش معناه اني هنفضل نتكلم لحد ما نتجوز علشان حرام لا مجرد اكلمها بخصوص كده وهي تستناني بس كده كفاية اوي سعتها هكون بذاكر وبشتغل زي الالة غير كده مفيش والتجربة اللي لسا مريت بيها هي ان قلبي اعجب اوي بالبنت (***) والفكرة انها اعلي مني في مستوايا المادي ومش دي المشكله انا اصلا من الناحية دي مش قلقان لاني باذن الله هكون كونت نفسي اوي وهضمن حقها من النقطة دي بس الفكرة اني اكيد ومنطقي اني مش فبالها لان محصلش اي موقف اصلا وغير كده يمكن اكون من الاخر يعني مش نوعها المفضل وغير كده برضو مش اقولك لبسها وحش لا عادي بس يتحسن احسن من كده هتقولي طب دي باين عليها تافهه علشان بتنزل صورها علي السوشيال ميديا هقولك هي مش بالشكل متحكمش علي شخص غير بالتعامل وانا شايف فيها المسؤولية وشخصيتها هتقولي ليه هقولك معرفش انا حسيت وممكن كلامي يكون غلط وممكن صح بس هعمل ايه نصيبي كده كده مكتوب وانا فالحالتين مش هكلمها ولا هكلم غيرها انا لازم الاول اكون علي احسن وجه هتقولي طب ايه اللي اتعلمته هقولك اني ماعجبش ببنت واتمني اتجوزها وانا مش ضامن هي مين يعني ممكن ووراد تكون بتكلم حد تاني سعتها انا اللي هزعل فبلاش وربنك هيجبر بخاطرك ويعوضك عن اهلك بزوجه صالحه باذن الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_61238 🇪🇬

منذ 3 أسابيع

شعور متعب

عبّر عن شعورك بشكل مجهول

سلام عليكم انا عندي ١٩ سنه للعلم بالشيء فقط انا كنت بفضفض لنفسي وممكن تكملو النصيحه ليا ودعوة حلوة من قلبكم وبعتذ اني طولت في الكلام .
عارف  انا بيصعب عليا نفسي الواحد عنده فراغ عاطفي ودي حاجة وحشة وياريتها كانت بسببي ده غصب عني بسبب اهلي الله يسامحهم التجربة اللي لسا مريت بيها اتعلمت منها حاجة هي اه حاجة صغيرة بس المهم اني اتعلمت  + اني اكتشفت وهي ان المحفز ليا دلوقتي هي ان الاقي البنت اللي اتجوزها اللي نحب بعض فيها وده مش معناه اني هنفضل نتكلم لحد ما نتجوز علشان حرام لا مجرد اقولها الموضوع علطول بخصوص الجواز وهي تقولي هستناك بس كده كفاية اوي سعتها هكون بذاكر وبشتغل زي الالة غير كده مفيش والتجربة اللي لسا مريت بيها هي ان قلبي اعجب اوي بالبنت (***) والفكرة انها اعلي مني في مستوايا المادي وانا ماديا كويس مش وحش  ومش دي المشكله انا اصلا من الناحية دي مش قلقان لاني باذن الله هكون كونت نفسي اوي وهضمن حقها من النقطة دي بس الفكرة اني اكيد ومنطقي اني مش فبالها لان محصلش اي موقف اصلا وغير كده يمكن اكون من الاخر يعني مش نوعها المفضل وغير كده برضو مش اقولك لبسها وحش لا عادي بس يتحسن احسن من كده هتقولي طب دي باين عليها تافهه علشان بتنزل صورها علي السوشيال ميديا هقولك هي مش بالشكل متحكمش علي شخص غير بالتعامل وانا شايف فيها المسؤولية وشخصيتها هتقولي ليه هقولك معرفش انا حسيت وممكن كلامي يكون غلط وممكن صح بس هعمل ايه نصيبي كده كده مكتوب وانا فالحالتين مش هكلمها ولا هكلم غيرها انا لازم الاول اكون علي احسن وجه هتقولي طب ايه اللي اتعلمته هقولك اني ماعجبش ببنت واتمني اتجوزها وانا مش ضامن هي مين يعني ممكن ووراد تكون بتكلم حد تاني سعتها انا اللي هزعل فبلاش وربنك هيجبر بخاطرك ويعوضك عن اهلك بزوجه صالحه باذن الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_52511 🇪🇬

منذ شهر واحد

شعور شاعر بالملل

عبّر عن شعورك بشكل مجهول

طيب انا نحكي قصتي مع الحياه مش هجيب فيها سيرة اشخاص و مش هجيب سيرة لاي فعل انا فعلته بس هحكي احساسي حاليا تجاه نفسي 
طيب انا انسان عادي متواضع و أكاد اكون ناضج مقارنة بالجيل الي انا اتولدت فيه و بالتحديد زمايلي الي في سني دماغي اكبر من سني و تفكيري واسع حبتين عندي قدره اني افهم شخصية الي قدامي عن طريق ال body language  بتاعته او حتى افهم شعوره و يقصد ايه و كتير احساسي بيطلع صح تجاه بعض الشخصيات الي مريت بيها طوال حياتي الي تكاد تكون سنوات تتعد على الصوابع بدون مجهود بس انا حاليا مش محدده اي كلام اقوله او اعبر عنه بس انا مش هحكي معلومات شخصيه عني 
طيب انا انسان زي ما فيه مميزات كتير جدا مش موجوده في ناس كتير و مميزات نادره فالزمن ده و عقليه حكيمة في الزمن ده 
في عيوب اكتر موجوده فيا و اولها اني انا ضميري بيانبني بي  طريقة بشعه في افعال انا مش راضية عنها عملتها مع اهلي و بعض من الناس الي اتعاملت معاهم و كل ما افتكرها ازعل من نفسي و في افعال انا عملتها في حق ربنا مزعلاني جدا جدا من نفسي بالرغم من اني بدات اطور من نفسي تطور ملحوظ جدا جدا و بتطور للاحسن كمان بس بسبب اخطاء انا عملتها في الماضي مش الكبيره الي هتيجي في بال اي شخص بس هى كبيره بالنسبه ليا انا عشان ندمانه عليها و وصل بيا الحال اني فاقده الامل من نفسي تماما و ان انا كده كده مصيري واحد و انه هو الموت لكن املي في ربنا كبيييييييييييييييييييير اوي انه هدخل اعلى درجات الجنه الي مكنتش اتخيلها و حاليا انا بعمل طاعات الحمد لله ترضي ربنا بس انا شايفه انها مش كفايه لاني مستحقره نفسي اوي لان الحمد لله راضية بحياتي الي تكاد تكون عادية جدا بس انا شايفه اني متعبتش عشانها و انها قطعه من الجنه و كل ده بفضل ربنا الكبير اللهم لك الحمد و انا شايفه اني في مبادئ في حياتي موجوده بس مش موجوده عند ناس تانيه كتير جدا زي اولها العلاقات المحرمه الي الناس بقت بنتنفسها بس الحمد لله انا على ديني و بحاول اثقف نفسي فيه اكتر لاني بحبه 
و بس كده ده كل الي انا مكنتش اعرف اني هقوله مع اني كنت هقول كلام تاني بس الكلام اخدت مجراه و الي عايز يعرف انا كنت هكتب ايه غيره يبعتلي عشان معنديش خلق اكتب هنا و السلام عليكم 
بلس ادعولي اتجوز الزوج الصالح

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_57506 🇪🇬

منذ شهر واحد

شعور محبط

Mango_57425 🇪🇬 اسمحلي لازم تفرق بين الحاجات اللي الحياة بينك و بين شريكتك تقف عليها و الحاجات اللي لا .. هي قالت كده من وجعها و عشمها فيك و انها مستنياك بقالها سنين و عاملة حسابها انك هتعافر عشانها عشان انت الراجل .. لو انت شابفها تستاهل (بعيدا عن الدعوة هي بني ادم برضو كلنا بنغلط ) حاول تاني .. اقعد مع اخوها و حاول تتفاهم معاه . انت تعلى بالحاجات اللي هتجيبها شوية و هو ينزل من طلباته شوية ...

عرض الكل 28 نصيحة

عبّر عن شعورك بشكل مجهول

جماعة الله لا يحط حد فيكم مكاني أبداً.. أنا حكايتي طويلة أوي بس هجيب لكم المختصر عالآخر .. المرة الأولى و الوحيدة ولا عمري قبلها كلمت بنت أعرف واحدة من ٦ سنين من لما كنا في ٣ ثانوي بالصدفة قدمت لها مساعدة كبيرة يعني وقت صعب ظهر فيه معدننا الحقيقي و سندنا على بعض و بعدها بسنة حبينا بعض ٥ سنين عشرة عمر بحلوهم و حتى مرّهم يحلى جنب بعض ولو زعلنا نتصالح و نرجع أقوى ورغم إن أي حد ممكن يشوفها عادية و فيه منها بس عندي جواها أبيض و مفيش ست ولدت زيها حتى على عيوبها  مهم حكيت لكم يا جماعة مش هعبر عن مدى اللي وصلنا له ... المهم جيت اتقدم لها من ٨ شهور و صارحت أهلي لإنهم عارفين إني بكلم واحدة المهم رفضوا في الأول و بعدين وافقوا و روحت أنا و أبويا و أمي و أختي نتقدم و أمي رايحة مغصوبة .. المهم ضيفونا و أكلونا و رؤية شرعية و روحنا و سألوا علينا إحنا من نفس المحافظة  بس بعيد عن بعض المهم وافقوا و راح أبويا و خد عمي معاه يتفق و هي والدها متوفي ف حاضر أخوها الكبير و معاه اعمامه اخوان أبوه المهم اعمامه كان اسلوبهم قليل الذوق و طلباتهم مبالغ فيها و أبويا فضل يوافق يوافق لحد ما رفض في الآخر لما زهق منهم وطول الفترة دي بدور على حل لحد ما أخوها وافق على اللي أبويا كان قايل عليه و كمان مش هيحضر اعمامه دول تاني لكن أبويا اتقفل منه و من اعمامه وبصراحة أبويا معاه حق لكن إصراره على الرفض ده حرام ممكن يدي فرصة تانية بس هو خايف لاتمسك بهم بعد كده و ميعرفش يفسخ الخطوبة لأي سبب و دورت لما عرفت كبير العيلة بتاعهم راجل محترم لكن أبويا بردو رفض يكلمه مرة تانية و البنت عمالة ترفض العرسان من بره بره و أنا على تواصل معاها و مع اختها الكبيرة لحد ما خلاص اختها قالتلي متكلمهاش و بالفعل مكلمتهاش و أبويا لسه رافض .. كده خلاص تقريباً كل حاجة انتهت قبل العيد ده لكني كنت مصدوم و كنت مصمم إن لأ مش هسيبها بردو و لسه هحاول وعديت العيد و دبحت و أكلت معاهم علشان منكدش عليهم لكن مستحملتش و تاني يوم العيد دخلت في إضراب عن الطعام والشراب و اتفاجئت بمكالمة منها و هي بتعيط و دعت علينا (يارب يجيلكم واحدة أهلها حلوين بس هي بقى توريكم الويل) و دعت على أبويا دعوة وحشة أوووي (يارب زي ما بيصعبها ربنا يصعب عليه سكرات الموت) أنا اتصدمت صدمة عمري الكلام ده طالع من مين و لمين الدعوة دي أنا مدعيهاش على كان من كان صعبة أوي تخيل أما حد ميطلعش منه كده و تسمع منه دعوة دي على أبوك  اللي مهما كان رباك و ضهرك في الدنيا  و لحم اكتافك من خيره ده أنا مكنتش ناوي أتخلى عنها و هعافر بأسناني لما تتكسر و إيديا لما تتقطع و أمشيلها حافي بلاد بس أوصل ولو موصلتش أنا مؤمن بربنا و هي مش رزقي لكن كانت هتفضل لها كل الإحترام و الدعوات في صلاتي وقسما بالله كان في دماغي لو اتجوزت و اتطلقت لأتجوزها وما أتجوز غيرها لإني مش قادر استغنى و الحاجة اللي كانت بتيجي عليا أنا كنت بعديها معلش لكن ده أبويا !! ده أنا كنت بطلع صدقة جارية على روح أبوها و أدعيله بالرحمة في صلاتي و الأوقات المفترجة وأنا معرفهوش و زعلت لما نسيت تاريخ وفاته و مكنتش جنبها الذكرى اللي فاتت وكنت شغال و مريض !! كلمتني تاني و مكنش ليا أرد عليها بس رديت لتعمل في نفسها حاجة وحشة و قالتلي أنا مش وحشة بس مش قادر اسامحها اتحول اضرابي عن الأكل لعقاب لنفسي علشان حبيت و علشان مش متحمل كل ده وقت واحد و رجعت أكلت تاني علشان أمي تاكل و دلوقت عدت أيام بسيطة و أنا لسه مصدوم و مكتئب و مش عارف ليه كده و لسه كل ده و هعالج ده إزاي و هرجع طبيعي إزاي تاني و اعمل إنسان و خلاص على كده بقى ؟!!! خلاص كده خلصت !! هما في البيت فاهمين إني لسه عايزها وأنا مقاطع أبويا ومش بروح معاه الشغل ميعرفوش إن أنا حتى لو وافقوا مش هوافق أتجوزها تاني خلاص .مكنتش أتخيل ده يحصل .. هل أنا مكبر الموضوع ؟ هل عادي إن الوجع يدفع الإنسان يقول الدعاء الوحش ده .. مع العلم إن أخوها اللي ربنا ينتقم منه هو السبب في كل ده و محاولش يصلح غلطه رغم إني روحتله و قعدت معاه و أحرجته قدام نفسه . أنا آسف لو طولت عليكم بس بجد مش طايق أحكي لحد و بيدور في دماغي حاجات كتيركده  زي إني حتى لو اتجوزت تاني مش هتجوز من فلوس أبويا و هستنى لما أكون نفسي بنفسي و ده هياخد سنين وأنا كان عندي أمل أعف نفسي بالجوازة دي عن معاصي السر .. و إني أحب تاني !! بس صعب و ممكن بس مش دلوقت بظروفها ربنا يعوضني بغيرها .. أو أسافر أعيش بره ولا أكمل هنا علشان أخواتي البنات أنا وحيدهم  .. طب أعرف بنات كتير و أقضيها و الكلام العبيط ده .. وعندي آخر هدايا جابتها هاي كول و مج حراري و محفظة لسه مش مستعملهم أرجعهم ولا ملوش لزوم أصلا أحتك بها .. و صورها عندي ملايين الصور لها في كل التطبيقات هل اجمعهم و أشيلهم في كارت بعيد عن الفون علشان متجيش قدامي كل شوية و محدش يزايد عليا و يقولي امسحهم أنا أعصابي مش عايزة تمسحهم زي ما تكون هترجع بمعجزة تاني بس ربنا يحكم في أمري بقى  .. كل دي وساوس في دماغي بجد آسف أنا طولت 😓😓😓

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_57412 🇪🇬

منذ شهر واحد

شعور آسف

موضوع:

ايه السر اللي عمرك ما طلعته لحد؟!

اني حصلي اغتصاب وزمان وبقيت جاي ويحاول اتعافي وارجع وتحصلي مشاكل كتير بس اهو بحاول لكن مش عارف الدنيا مخبيالي ايه. بس عايز دعوة ومساعدة للي يقدر يقدملي مساعدة ارشاد نفسي صحيح مش كلام وشكرا لكم

Carrot_53524 🇪🇬 قرب من الدين والتزم

عرض الكل 5 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Coffee_27429 🇪🇬

منذ شهرين

شعور غاضب جدًا

السلام عليكم دايما عندي سؤال بيدور في بالي ليه الناس معندهاش حسن ظن بغيرها ليه متفكرش تدي للي قدامك ميت عذر ليه دايما مختار الوحش وبتختار تطلع الشخص شخص بشع ليه مع انت ممكن تكون عارف انه مش كدا وشخصيته مش كدا ف ليه بقا نسئ ظن سوء الظن دا حاجة بشعة ي جماعة ادوا فرص وادوا اعذار للي قدامكم بلاش سوء ال

Hazelnut_52786 🇪🇬 كلامك في الصميم، والقلوب الطيبة دايمًا تتعب من سوء الظن… ‏خلّي الناس تدي فرص، يمكن في القلب ورد مش باين للعيون 🌸 ‏ربنا يصلح الحال ويهدي النفوس، ويجعلنا دايمًا من أهل حسن الظن 💙

عرض الكل 3 نصيحة