انا مصدقة أحلامي ولو كان كل نصيبي منها انها أحلام، كفاية شعوري الي بحسه بسببها مشاعر محستهاش في الواقع،زي مثلا بيت وسط جنينة فيها كل أنواع الزهور انا وهو زرعناها وحوالين البيت سور خشب صغير، في ضهر البيت عندي مرسم صغير انا مبحبش الألوان بحب الابيض والاسود بس مرسم يعني ألوان حطاها حتي لو مش هستخدمها، وعلى الحيطة رسومات كتير لنفس الشخص من زواية كتير خصوصا عنيه، وجمب المرسم عاملين مكان للفطار وشرب الشاي والحكاوي، المطبخ أكتر مكان بحبه في البيت مش بحبه لاني بنت بس انا من مواهبي الطبخ والحلويات بستمتع وانا بعملهم عشان كدا خليت المطبخ كبير وعندي طربيزة خشب كبيرة في النص بعمل عليها كل المخبوزات والحلويات، المبخ كله ريحته مخبوزات سخنة والشاي بيغلي والعصير اتعصر وبجهز السفرة قي الجنينة، عندي ولدين توأم عفاريت بس بيضحكوني، رفيقي الخيالي الي مطلعش خيالي قاعد في اوضة المكتب بيقرأ كتاب ومستني الفطار. صحيح عملت براند الحلويات بتاعي عندي مكان ع الطولز الفرنساوي ع البحر شغال للساعة 12 الضهر بس.. الناس بتيجي تفطر فيه حلويات فريس ومخبوزات سخنة بالجبنة مع قهوة او شاي، انا مكتفية بمشروع صغير اعمل الحاجة الي بحبها ومضيعش وقت كبير بعيد عن عيلتي. بقا عندي الأرض الي كنت بحلم بيها أرض كبيرة هبني فيها دار مسنين وملجأ أيتام عشان يكملوا بعض وهعملهم فيه كل حاجة محتاجينها وهسمي المكان ع اسم بابا الله يرحمه، اخر الشارع بتاع بيتنا بيشوف البحر كام دقيقة وتبقى هناك بروح الساعة الي قبل الشمس ما تغيب اتءل البحر واكتب مذكراتي لشخصي الخيالي، ف يجي هو ويقولي انتي مش هتبطلي تكتبلي على تالورق انا خلاص بقيت موجود...

3

4