بقالي فترة وحيدة ومش عارفة اتخلص من الشعور ده

Question

بصراحه الموضوع صعب جدا احساسى طول الوقت انى وحيده 
بس بحاول اتاقلم وأقنع نفسى أن الناس دى مش شبهى أو انا مش شبههم طريقه تفكيرى غير 
واحيانا بحس ان المشكله فيا 
والله يجماعه لما بشوف اى صحاب مع بعض بيبقى قلبى بيوجعنى وببقى عايزه اقولهم مش هتكملو وكل اللى بيحصل دلوقتى هيكون ذكرى 
ياريت تقولولى اتخلص من الشعور دا ازاى ؟!

Carrot_28547 🇪🇬 · Accepted Answer

هتنسي هتنسي انا كانا معايا صاحب ليا عشرة 18 سنة ولا 19 وخلاص الدنيا اتغيريت خالص مش باعلي عليكي بس هتنسي عادي خدي وقتك بس متطوليش

Carrot_28547 🇪🇬 · Answer

مش عارف اوصلك ازاي ان احساس الوحدة اغلب الاحيان بيكون وهمي وبيكون سببة ان الشخص مش مليان من جواة بي ربة بحجات بيشتغل عليها باحساسة انو كويس وواثق من نفسة وامو بيحب نفسة مش حب الانانية با احلامة وانشغلاتة اول ما تملي نفسك بدول كل دا هيروح ممكن تظني ان مفيش حاجة هتتغير لاكن متصدقيش المشاعر لانها اكتر حاجة متغيرة انا دلوقتي زعلان بعد شوية عادي بعد شوية مهايبر متصدقيهاش واشتغلي الي قولتلك علية وخير

Banana_34620 🇴🇲 · Answer

نفس الي بحس بيه

Mushroom_35656 🇪🇬 · Answer

والله انا اشتغلت ع الموضوع. دا ومكنش بقى فارق معايا حد حقيقى 
بس حصلى موضوع امبارح كده ورجعنى لنقطه الصفر تانى 
تخيل تخسر اكتر اتنين كنت بتحبهم وبتثق فيهم فى حياتك !!
الموضوع مش سهل بجد

Carrot_28547 🇪🇬 · Answer

عمرها ما كانت ساهلة عمرها هتاخدي وقت كدا تفكري وتسالي نفسك لي عملو كدا طب انا الي وحشة ولا هما طب هما مبسوطين وانا الي زعلانة وكتير كتير بس وبعدين

Carrot_28547 🇪🇬 · Answer

محتاجة انك تحاولي حتا لو دا عكس الي جواكي

Mushroom_35656 🇪🇬 · Answer

اكيد هما اللى وحشين يعنى 
انا زى الفل 
هما اللى متربوش بجد

Mushroom_35656 🇪🇬 · Answer

كل اللى مزعلنى انى ضيعت مشاعرى ع الفاضى بس 
لكن بالنسبالى اللى ييجى على كرامتى فى ستين داهيه

Carrot_28547 🇪🇬 · Answer

للاسف عمرك ما هتطلعي من الموضوع دا غير لما تسامحيهم عن تجربة وهتفهميني يمكن بعدين لما فهلا تسامحيهم هتقدري تنسيهم عشانك مش عشانهم

Mushroom_35656 🇪🇬 · Answer

معتقدش أنى هقدر انسى لانهم كانو قريبين منى 3 سنين وبتكلم معاهم 24 ساعه يعنى يومى كان عباره عن الناس دى

Coconut_35671 🇪🇬 · Answer

same يامشروم same

Mushroom_35656 🇪🇬 · Answer

بحاول 
المشكله اصلا انى ثانويه عامه وخايفه الموضوع دا يأثر عليا

Mushroom_35656 🇪🇬 · Answer

يا رب نخلص من الحوار دا يكوكو عشان تعبت 😔.

Coconut_35671 🇪🇬 · Answer

هنخلص يمشمش😊

Marshmallow_32250 🇪🇬 · Answer

نفس احساسي

Sugar_35691 🇪🇬 · Answer

هتتعودي متقلقيش وصدقيني والله الوحدة اجمل واحسن من اي صحوبيه fake انا من وانا صغيرة كنت كل اللي بصاحبهم اللي بيبقى توكسيك واللي عندهم صحاب غيري كنت دايماً الطرف التالت لحد ما طلعت ثانوي واتغيرت تماماً بقي معايا شوية صحاب بس دايماً بحس نفسي مختلفة عنهم لا دول مش انا عمرهم ما هيفهموني. هو العيب فيا انا طيب؟ كنت بفكر كدة دايماً بس بعدين اتعودت ودلوقتي انا في اولي جامعة ولوحدي الحمدلله وبجد سعيدة لوحدي.

Apple_35293 🇪🇬 · Answer

خليكي  قويه وعدي كل حاجه صعبه شفتيها ومنحكميش في حياتك ال فاتت ع اساس الماضي تاني

Sugar_35691 🇪🇬 · Answer

الموضوع عمره ما كان سهل ولا عمره هيكون، بس الفكرة احنا اللي بنصنع سعادتنا بنفسنا. انا يوم ما اتخليت عن كل حاجة حواليا كنت متأكدة انه عمر ما حد هيقدر يفهمني غيري انا وبس محدش عمر ما حد هيختارك فوق نفسه ماعدا انتي صدقيني والله هتتعودي وهتعرفي بعد الثانوية انه انتي الوحيدة اللي تقدري تصاحبي نفسك حتي لو عندك صحاب كتير. عمرهم ما هيعرفوا قدك. كملي الثانوية علي خير والشخص الصح هييجي في الوقت الصح.

Mushroom_35656 🇪🇬 · Answer

الموضوع صعب يا بنانا والله

Mushroom_35656 🇪🇬 · Answer

خير يا مارشميللو خير

Mushroom_35656 🇪🇬 · Answer

اتمنى اكون كده فى يوم من الايام 
هونتى عليا كتير والله 
شكرا يا شوجر

Mushroom_35656 🇪🇬 · Answer

بحاول يا أبل والله 
بس بجد تعبت 
انا بخاف من الوحده 
خايفه اتنسى فى يوم من الايام

Mushroom_35656 🇪🇬 · Answer

لعله خير 
بحاول اواسى نفسى والله  
اتمنى ادعيلى ربنا يكرمنى السنه دى عشان بجد دا اخر امل ليا انى اكون فخوره بنفسى

Sugar_35075 🇪🇬 · Answer

والله يا مشروم وقت ما تبص لنفسك وتقولي انا اهم ويولع العالم كله ..وتعملي كل اللي نفسك فيه وبتحبيه وترضى نفسك وقتها هتتخلصي من الاحساس دة

Banana_37081 🇪🇬 · Answer

اعرفي ناس جديده مش ممكن تكوني المشكله ولا فيك ولا فيهم المشكله ان انتوا مش فاهمين بعض اعرف ناس تانيه و شوفي هتشوفي الدنيا الجديده دول بنفس الفكره

Mushroom_35656 🇪🇬 · Answer

بحاول اعرف ناس جديده وكل مره بفشل للاسف

Banana_37081 🇪🇬 · Answer

بيحصل فشل عشان انتي لسه معرفتنش

Mushroom_35656 🇪🇬 · Answer

ربنا يعوضنا بقى