وقعت في حب راجل متجوز ومش عارفة أتصرف

Q: مش قادره ابعد عن راجل متجوز رغم الألم

هو انا ازاى احب راجل متجوز ...مش فاهمه اى الغباء ده ...مجرد فكرة انى اتخيل انه دلوقتى فى حضن وحده غيرى..باصص ف عنيها ..وبيقولها بحبك ..بتموتنى . بتوجع قلبى ..انا عارفه انى بأذى نفسى ...بس بجد مش قادره ابعد عنه ..انا مش بس بحبه ..انا بعشقه

Q: بحب واحدة متجوزة ومش عارف أعمل إيه

عارف ان دا غلط بس انا بحب واحدة متجوزة ومتعلق بيها جدا وهي كمان بتحبني وهو جوزها مش كويس خالص معاها وبيعاملها وحش يمكن دا السبب اللي مخليها تكلمني لاني بقف جمبها دايما وبهون عليها بس انا فعلا حبيتها وبقا وجودها شئ اساسي في حياتي وحاولت ابعد عنها كتير بس مقدرتش قولولي اعمل اي

Q: بحب واحد ومش عارفه لو بيحبني ولا لا 💔

ياريت حد يرد بحب واحد وهو معرفش بيحبني ولا لا بقالنا مده مع بعض ٣ سنين او اكتر تقريبا بيحصل بينا مشاكل وبنسيب بعض ونرجع وكل شويه على وضع ده هو بيحبني على اساس اني زي اخته بس طريقة تعامل عكس كدا الاحترام موجود وكل حاجه بس بيعاملني معامله يعني حلوه مهم يعني من اسبوع كدا مشكله مرادي يعني مفيش رجوع يعني الابواب اتقفلت هو شال فولو عني وانا قفلت حسابي وصراحه كدا احسن عشان ذنب على قلبي وعلاقه محرمه واتشالت بس في نفس الوقت مش قادره لما بتخيله مع واحده غيري هتجنن وافضل اعيط من هنا للصبح واقول يارب حنن قلبه عليا يارب يجيلي في الحلال مع ان مفيش اي سبب يرجعنا تاني كل اسباب مقفوله هو من بلد تانيه وفرق سن وانا لسه في ثانوي ومش عارفه اذاكر ويعني رينا عالم قد ايه انا موجوعه ومش عارفه اعمل اي حاجه 💔

Question

اتعلقت براجل متجوز وعنده اربع اولاد وفرق السن بيني وبينه 15 سنة 
عرفته بالظبط من تلت شهور اتكلمنا وبعدين خرجنا سوا وانا فعلا اتعلقت بيه وحبيته ومش عارفه اعمل ايه خصوصا اني شايفه نفسي واحده مش مظبوطه عشان يعتبر انو بيخون مراته وولادة معايا وبجد مش عارفه اتصرف ازاي

Avocado_51186 🇧🇭 · Accepted Answer

بصي هو مافيش مشكله في الدنيا مالهاش حل .. وموضوعك سهل يعني مش صعب خصوصا انك لسه متعرفه عليه من ٣ شهور بس

Ice Cream_20764 🇪🇬 · Answer

معاه فلوس كتير وغني طيب؟!
اصل مفيش مبرر للي حضرتك بتعمليه دا غير انه هيبقي شوجر دادي بالنسبالك!!
حطي نفسك مكان مراته وشوفي احساسك هيبقي ايه وقتها لو مكانش فارق معاكي يبقي المشكله من عندك لكن لو حسيتي بخذلان ووجع يبقي تبعدي عنه م هقولك عشان اصلا علاقتك بيه حرام بس عشان حرام ذنب ولاده ومراته اللي فرقبتك دول

Mushroom_51435 🇪🇬 · Answer

حاسه ؟ لا يا حبيبتي اتأكدي الاحسن تلمي مشاعرك بلاش خراب بيوت لانك مش هتسلمي من دعوايها لو حصل حاجه و هتشوفيها في حياتك والاحسن قبل آخرتك عشان تكفري عن ذنبك وحسبي الله ونعم الوكيل

Coffee_46314 🇪🇬 · Answer

بالله عليكي بلاش تخربي بيت او تاذي انسانة زيها زيك وغير عياله تخيلي نفسك مكانهم الموضوع مش بسيط ده غير ان ربنا منتقم جبار ولو بعد حين 
بجد فكري كويس جدا خراب البيوت مش حاجة بسيطة خالص ابدا

Coffee_46314 🇪🇬 · Answer

بالله عليكي بلاش تخربي بيت او تاذي انسانة زيها زيك وغير عياله تخيلي نفسك مكانهم الموضوع مش بسيط ده غير ان ربنا منتقم جبار ولو بعد حين 
بجد فكري كويس جدا خراب البيوت مش حاجة بسيطة خالص ابدا