هل الجواز ليه سن معين؟

Apple_23228 🇪🇬's موضوع

هل الجواز ليه سن معين؟

قوليلي قصتكم سواء اتجوزتو او لسا هل السن كان عامل في قراركم؟ انا واحد عندة 30 سنة ورافض فكرة الجواز نهائيا

Coffee_27700 🇪🇬

منذ 7 أشهر

.

شعور مكتئب

لسة عندي ٣٠ ولسة وللأسف العيلة والصحاب والمجتمع بيضغطوا جدا وبيتدخلوا بأسئلة ونصائح وكأن الموضوع سهل. بالنسبالهم فلانة كويسة روح شوفها عجبك شكلها يلا اتجوزا. لكن أنا مش كدة أنا مهتم بتطوير نفسي وشخصيتي وإني اتعافى من حاجات كتير مش حابب انقلها لأولادي ومهتم إن شريكتي تكون نفس تفكيري.

7

3

Apple_28706 🇸🇩 السلام عليكم اولا ما تتنازل ابدا دي حياتك . هم ما ح يعيشو معاكم لما تتجوز أو يربو معاك أولادك عشان ما تندم ما تخلي اي واحد يقول لك تعمل ايه في حياتك حتى لو ما اجوزت اصلا اعمل الا نت حسي انه صح وبس أمكن هم عايزين مصلحتك بس انت اوعى بيها

عرض الكل 3 نصيحة

Strawberry_26332 🇪🇬

منذ 7 أشهر

.

شعور مرهق

بيقولو دايما ان الجواز رزق ونصيب بس الي دايما نفسه فالحلال وجواز اتاخر يعمل اي الي نفسه يعمل بيت ويستقر ومفيش نصيب دايما لما واحده توصل ل٣٠ سنه هل في امل لسه تعيش وتستقر وتخلف 🥹ازاي الواحد يقدر يملي الفراغ ده

5

3

Avocado_21982 🇪🇬 امنا خديجة رضى الله عنها اتجوزت الرسول صلى الله عليه وسلم وهي عندها 40 سنة وخلفت

عرض الكل 3 نصيحة

Avocado_21982 🇪🇬

منذ 8 أشهر

.

شعور مليء بالحياة

هتكلم من جانب الرجالة بداية كدا واولا يكون بيصلى ويكون عارف دينه كمسلم وعارف حقوقه على زوجته وحقوق زوجته عليه وايه المطلوب منه ثانيا يقدر يتحمل مسؤولية شخص معاه وازاي يقدر يحتويه ويحميه ويعوضه عن فقدانه لاهله عشانه ثالثا يكون عنده القدرة المادية لانه يخطب ويجهز بيت الزواج على قدر استطاعته سواء ا

10

0

Hazelnut_22040 🇪🇬

منذ 8 أشهر

.

شعور مليء بالحياة

لما تحسي انك ناضجة كفاية وعارفة يعني ايه جواز وشريك حياة والكلام دا فأعتقد مفيش اي مانع بس اكيد مش هتتجوزي وانتي مراهقة لان دا قمة العبث بس هرجع واقولك الموضوع بيعتمد علي نضجك سواء العاطفي او في الحياة عامة

13

0

Biscuit_45198 🇪🇬

اتعرفت علي واحده والامور كانت ماشيه تمام فاهمين دماغ بعض والعلاقه كانت بتتطور يوم عن الاول. واحده واحده اعترفت انها بتحبني اعترفتلها انا كمان اني بحبها وكنا 24 ساعه بنتكلم ف الاول كانت حكيالي ان في واحد جارهم كان متقدملها ومحصلش نصيب لسبب انه مش شبها والواد بيشرب ومكنوش متفاهمين والكلام ده كله وسابه بعض. وف يوم من الايام راجع من الشغل كلمتها قالتلي رايحه عند ستي! ك العاده قولتلها خدي بالك من نفسك ومتعوقيش ولو في حاجه اتصلي بيا الكلام الي كلنا عارفينه. المهم مروح بيتي واتفجاء المفاجأة الي مكنتش متخيلها لقيتها راكبه توكتوك والي كان خطيبها راكب جمبها وحاطت ايده علي كتفها طبعاً انا شوفت المنظر وانزهلت كنت بكدب عيني لاني مكنتش اتوقع منها حاجه زي كده خالص كنت بثق فيها لدرجة كبيره جداً لحسن حظي لقيت توكتوك معرفه قولتلو خليك ورا التوكتوك ده ودماغي عماله تودي وتجيب طول الفتره الي كنت ماشي وراهم فيها مش عارف اتحكم ف اعصابي المهم نزلو قعدو علي كافيه وضحك وهزار قمت مطلع فوني ومقرب الزووم ومصور اتصلت عليها مردتش فضلت اتصل لحد ماقامت من جمبه ردت عليا كلمتها عادي جدا ايه وصلتي ولا لسه قالتلي اه لسه واصله منش شويه طب مكنتيش بتردي ليه قالتلي كنت قاعده جمب ماما وتيتا معرفتش ارد عليك انت رجعت من الشغل ولا لسه قولتلها راجع اهو. فترة ما كنت بكلمها مصدوم م الي بيحصل طب انا فحلم؟ المهم روحت ومبقتش عارف اتصرف ازاي لحد ما قررت اني مردش عليها لمدة يومين تكون اعصابي هديت عشان مخربش الدنيا فوق دماغها اليوم الاول رنت عليا فوق ال 75 مره وتبعت واتس وانستا وانا ولا سائل فيها تاني يوم لقيت رقم غريب بيرن وكان عندي شك 50٪ انها هي رديت لقيتها واحده صاحبتها اذيك عامل ايه في ايه بينك وبين$$$$$ انا:مفيش حاجه اومال مبتردش عليها ليه قولتلها مكنتش فاضي قالتلي هصدقك مع اني واثقه ان في حاجه بينك وبينها قولتلها هيكون في ايه يعني قالتلي معرفش وفضلت بقي مش هتلاقي حد يحبك قد$$$$$ دي بتموت فيك وبتقعد تحكيلي عنك قولتلها انا كمان بحبها ومفيش حاجه بيني وبينها خلصت معاها المكالمه قمت داخل واتس ل $$$$$ فقامت متصله رديت لقيتها بتعيط حرام عليك الي انت بتعمله ده في ايه طب انت زعلان مني سيبتها تخلص قمت رادد عليها ببرود اعصاب وقايلها انتي مصدقه نفسك قالتلي مصدقه نفسي ازاي قولتلها تعالي واتس روحت بعتلها الصور الي كانت قاعده فيها علي الكافيه قالتلي هفهمك قولتلها مش عايز افهم انتي مش كويسه وكنتي حباني لاجل فلوسي وسمعتها كلام قد كده قمت عاملها بلوك فون ووتس وانستا وفيس ومسبتش مجال لانها تخش تكلمني الكلام ده عدي عليه ٨شهور لحد الان بتتصل علي الحظر ومش مبطله وتعمل اميلات فيك وتخش تكلمني واعرف ان هي وابلكها خلتني رافض اخش اي علاقه جديده ومبقتش عارف اثق ف حد من بعد الي عملته معايا لما الضربه تيجي من اقرب الناس ليك بتبقي صعبه مهما كنت قريب وواثق من الشخص الي قدامك حرص منه.

المنشورات

.

0 نصيحة

Toast_33361 🇪🇬

انا فعلا مبعرفش اعبر عن مشاعري وببقي عايزه بجد افضفض او اقول حاسه ب ايه بس مفيش خالص مش عارفه مش عارفه دا تعود ولا ايه بس هو حرفيا كدا ونفس اتغير بس مش عارفه عشان بجد بتعب اوي حتي مع اهلي وصحابي والناس اللي حواليا

المنشورات

.

0 نصيحة

Croissant_30784 🇯🇴

جدا جدا جدا ،انا طول عمري شخص كتوم جدا وانطوائي ومش بعرف اتكلم ولا اكون صحاب ولا بعرف اقول اللي جوايا فغالبا ما بعرفش اجبر بخاطر الناس ودايما كلامي سيء وبيأثر عالناس بالسلب وهم مش بيفهموني ولا حاسسين باللي انا فيه

المنشورات

.

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع