جربتم شعور الفُقدان قبل كده ؟!

Question

احكولنا ازاى قدرتم تواجهوا حقيقة وفات شخص عزيز عليكم او حتى كان ليه فضل عليكم ؟



وأسفة عمتاً لو قلبت المواجع عليكم 🩶

Cherry_41703 🇪🇬 · Answer

ااه جربته لما بابا توفى 🥺
ومن ساعتها حال حياتى انا واخواتى اتشقلب راسا ع عقب ااه العيله كلها حوالينا بس هو كان بالعيله كلها حرفيا كان ادب واخلاق وجمال وهدوء شخصيه متزنه وعقل كان يوزن بلد ومهما اقول صفات هفضل اكتب لبعد بكرة وطول العمر .. الله يرحمه بابا حبيبي معتقدش اني هتاثر بفقدان حد تاني زيه ومهما خسرت من ناس حواليا ف انا خسرت اغلى ما في حياتى💔 وربنا يحفظلي جوزي وابني يااارب وماما واخواتى هما دول اللي باقينلي حقيقي 🤲🏻❤️

Coffee_42211 🇪🇬 · Answer

جربته اول مرة لما جدتي اتوفت ربنا يرحمها ويرزقنا حسن الخاتمة اجمعين.. 
دا كان من مدة بس حاليا انا بحس بالفقدان من ناحية تانية خالص... من ناحية اني فقدت مشاعر كتير جوايا شخصيتي اتغيرت نسبيا مشاعر كتير مبقتش بحس بيها بصدق.. ويمكن بردو اكون فقدت صداقات كنت بحاول احافظ عليها لسنين.. مش عارف كل دا يعتبر شعور بالفقدان ولا لأ بس هو دا اللي جه في دماغي...

Waffle_13494 🇪🇬 · Answer

جربته لما جدتي توفت وبعدها ب اسبوعين جدي توفى والاتنين كانوا قريبيين اويي مني وكنت بحبهم اوي .. وتوفوا بعض صراعات مع المرض وانا كنت جمبهم ف دا .. وكنت بشوفهم بيتعذبوا وانا بعيط جمبهم .. ومن ساعتها مبقتش نفس الحد .. اتغيرت وبقيت ضعيفه وهشه اويي وكل حاجه بتوجعني وبتأثر فيا وتعبت كتيير ومبقتش ضامنه وجود حد .. من الاخر بقيت شخص تاني غير ال كان قبل الاجازه 💔"

Blueberry_39174 🇪🇬 · Answer

جربته ولسة كأنه جديد كل ما يعدى الوقت مبيهونش  اللى فقدته بل بالعكس بيزيد يوم عن يوم وعمرى ما عرفت اتجاهل الاحساس دا 
الحياة بتاخدنا وتجبنا اة بس فى حاجات مهما انشغلنا ومهما حصل مبيعديش عليها الوقت
وبيفصل ألمها موجود وحى 
🥀💔

Strawberry_39101 🇪🇬 · Answer

مكنتش وفات شخص بس كان شخص انا حبيته اوي وكنت بتمني من قلبي نفضل مع بعض بس خوفت من ربنا بعد كده ونهيتها وتقريبا انا كنت نفسي العلاقه دي تنجح اكتر منه 
هو كان عصبي اوي واوقات كان يشتم وهو متعصب لو بنتخانق بس مكنش بيشتمني انا فاهمين 
انا مبحبش الشتيمه وبكره اللي بيشتم انا قولتله كده كذا مره وكان كل مره يقولى حقك عليا استحمليني وبتاع كنت بستحمل عشان بحبه بس في الاخر حصل موقف خلاني انهي كل حاجه كان في شاب من العيله باباه يبقى ابن عمي عنده 20 سنه اتوفى في حادثه وكانت في لحظتها عمل الحدثه واتوفى علطول ف الخبر كان صدمه لينا كلنا انا عايشه في قريه ف كلنا اهل في بعض وكده المهم انا اتخضيت لان كنت عند تيته ونازله مره واحده سمعت الصويت من مامته واتخضيت من منظرها وهي بتصوت وبتجري المهم انا كنت بنزل ادعيه ليه عادي عشان اللي عندي يدعوله هو كان شايف انه كتير اوي اللي بعمله اني كل شويه انزل ليه ادعيه او اي حاجه هي الحادثه كانت من اتوبيس نقل عام ف الموضوع كان ماثر اوي ف كله كان بينزل القصه بتاعته وتفاصيل الحادثه المهم انا كنت منزله فيديو ليه لما كانو مطلعيه من الجامع وبيدخلوه عربية الاسعاف ف عمل ريبلاي على الفيديو وبيقولى هو كان قريب منكو للدرجاتي 
انا ادايقت لانه مقدرش زعلى عليه هو كان زي اخويا حتى لو غيران زي ما بيقول ف مش مبرر انه يقول كده اتخانقنا وقتها وكان كل شويه خناق لاني مكنتش بمسك الموبايل على قد كده ف كان بيزعق عشان مبردش علطول انا حسيت ان كل اللي حصل دا اشاره من ربنا ف قولتله ان نسيب بعض هو مفكر اني سايباه عشان حد تاني مع ان قولتله ان عمر دا ما هيحصل مكنش بيخليني افتح الانستا كان كل يوم يدخل يشوف مين عاملى فولو ومين عاملاله فولو كنت بحاول أفهمه ان انا عامله الاكونت بروفيشنال عشان بنزل رسمي عليه ف عايزه اكبر الاكونت مكنش مقتنع ب ده بعد ما سيبنا بعض بفتره لقيت اكونت واحد برضو بيرسم وكده عملتله فولو عادي استفاد منه المهم عملي باك راح هو منزل على الفيس استوري وكتب حرام ليا وحلال ل وكتب اسم الشخص داا ف عملتله بلوك وبعدها دخلى تاني وكان بيحاول يفتح كلام معايا ف قفلت تاني معاه وعملت بلوك المهم انا دلوقتى مش عارفه اتخطاه ولا اشوف حياتي كويس هو كان بيحبني اوي فعلاً وكان مهتم بس انا بالنسبالي مش كل حاجه الحب مش عشان بيحبني يبقى دا الشخص الصح فاهمني وكمان كان عايزين اقعد معاه اربع سنين من غير خطوبه ولا قراية فاتحه حتى ودا من الاسباب اللي خلتني انهي العلاقه دي وكان كل حاجه ابوه ابوه لما قولتله هخلص ثانويه عامه وتيجي نقرا فاتحه حتى انا راديه حتى لو خاتم حديد بس نبقى قدام الناس عشان منحسش اننا بنعمل حاجه غلط قالي انا لو روحت قلت لابويا عايز اخطب هيقولى ادفع مصاريف كليتك انت بقى 
انا كان نفسي اعيش كل لحظاتي الحلوه معاه بجد لسه فاكره كل كلمه كان بيقولهالي اهتمامي بيا 
نفسي يطلع من دماغي ممكن يكون نساني الله اعلم انا عايزه اعيش حياتي زي الاول 
واسفه طولت عليكو🙃

Potato_41206 🇪🇬 · Answer

لما جدتي ام امي توفت الله يرحمها انا كنت حاسة بالذنب جدا وخصوصا لاني كنت بحبها وهي كانت طيبة جدا جدا بس انا كنت اقل واحدة بزورها بسبب عيلة اهل بابا اما اخواتي عادي وقبل ما تموت بسنة جالها جلطة في الدماغ وفضلت سنة كاملة في السرير مش بتتحرك او تتكلم وانا روحت بس قليل لان كان بيوجعني منظرها ولنفس السبب السابق الل هو اهل بابا، بعد ما توفت انا كنت اخر شخص يعرف و عرفت من بنت خالتي اللي في بلد تانية وانا بيني وبين جدتي شارع واحد، فضلت مش قادرة اتخطى لغاية في مرة حلمت انها كانت قاعدة تستناني وانا فضلت اعيط وحضنتني وانا قعدت اعتذر لها وهي ابتسمتلي وقالت حاجة مش فكراها يومها لما صحيت روحت زورت قبرها وقعدت اعيط ومن وقتها حاسة اني احسن اتمنى انها سامحتني

Apple_38785 🇪🇬 · Answer

جدتي اتعودت قبل اي امتحان تدعيلي وقت ما اتعب اروحلها وقت ما ازهق اروحلها وقت ما اتكسر اروحلها وقت ما اتوه اروحلها وعمرها ما رجعتني خايبة ابدا ماتت وانا في حضنها حتى في اخر لحظاتها كانت بتسمعني وتدعيلي مر 3سنين مش قادره اتخطى ولا لاقية حد اروحله

Ice Cream_30319 🇪🇬 · Answer

انا فقدت كل شئ حلو موجود فقدت حنيهةالاب والام 
ماما وبابا فشلوا أنهم يدوني الشعور بالأمان والاستقرار وانا معاهم انا بخبي عنهم كل حاجه بخبي عنهم حزني وفرحي وحتي شعوري بالوحده وهما عمرهم محسو بيا ولا حطوا نفسهم مكان لمره وحده انا بيوصل بيا الموضوع لدرجه ببقا عايزه انفجر من العياط من كتر الكتمان بروح عند جارتي علشان اعيط عندهم علشان مش عايزه امي وابويا ولا اخواتي يعرفوا ❤️‍🩹💔😭 اني بعيط أو اني زعلانه اختي الكبيره أو امي ميعرفوش عني حاجه او عن مشاعري 😭❤️‍🩹

Pistachio_45217 🇸🇦 · Answer

اعتقد مفيش اسوء من شعور فقدان الاب 
انا بابا كان احلي حاجه ف حياتي كان دائما بيدعيلي و جنبي ف كل حاجه كان صاحبي خصوصا اخر فتره ف تعبه حوالي ٤ شهور قربت منه اووي لاني تركت شغلي لما تعب عشان اكون جنبه حاليا أنا بحتاجه ف كل وقت رغم أنه توفي يوم  ٢٦/١٢/٢٠١٩. ٨ صباحا 
رغم مرور ٥ سنوات إلا أنه دائما ف بالي ف كل وقت 
دعواتكم ليه بالرحمه و المغفرة

Orange_45457 🇪🇬 · Answer

موت بابا يمكن دا اوح شعور في الدنيا كلها خاصة لما يكون عنده بنات بدون ولد حسيت فجأة اني من غير ضهر وسند من غير حضن وآمان 
تحكمات بق من ناس غريبه بقت تتدخل في حياتك واحيانا تبقي مش متربيه عشان بترودي
والأنيل لما ربنا يرزقك بأم طيبه اوووي ذي والدتي غلبانه حتي بتسكت عن حقها وحساسه اوي
فجأة حسيت اني ولد للست دي م بنت واشيل نفسي واصرف علي نفسي رغم اننا مرتاحين ماديا بس حياتي فعلا انقلبت ولما يجي عريس انتي مش عارفه تقعدي مين وامي شخصيتها غلبانه كدا

حاجات كتير اوووي مفتقده فيها حبيب قلبي الي ضحكته البصه ليها تفرحني ...