ازاي عملتوا موف اون؟

Question

احكيلنا تجربتك مع الانفصال وازاي قدرت ترجع لنفسك وتكمل حياتك في علاقة جديدة او حتي اتعافيت من القديم

Kiwi_38874 🇪🇬 · Answer

معملتش ولا عمري هعمل حتييييييي لو حد عندو حل ياريت عشان حرفيا كل م افضل اقول خلاص نسيت وعملت موف اون وابظا اشوف حياتي ارجع خطوه لنقطه الصفر من تاني ونووووووو كومنت ع حياتي الي واقفه وشويه تمام وعشره لااااااء

Strawberry_38903 🇪🇬 · Answer

اعدت سنين علشان انسي عشرة ١١ سنة تخيل تعمل موف اون وانت لسة متجوز حاجة كدة متعبة للاعصاب وللنفسية بس فهمت منها ان مفيش حد دايم فى حياتك الا نفسك فلازم تخلى بالك منها الموف اون وضع اجبارى لو عاوز تعرف تكمل بقية حياتك مرتاحة

Blueberry_40443 🇪🇬 · Answer

يؤسفني اقول انى تاقلمت ولكن معرفتش اموف اون وعلى الرغم من انى تاقلمت بس لسه بستناها لسه مستنى يحصل جديد في موضوعنا نفسي نرجع تانى بجد 
بالرغم ان مافيش دليل واحد يدل اننا احتمال نرجع حتى عارفين ارخم حاجه اى 
ارخم حاجه ان    الموضوع ينتهي ونتعاتب بعد فوات الاوان وعارفين اننا لسه بنحب بعض او ممكن ده في دماغي بس وانا الى رافض اصدق انها مبقتش تحبنى مش عارف

Chilli_29326 🇪🇬 · Answer

قعد فتره عايشه عادي كنت فاكره اني عملت موف اون خلاص بس انهارده عيد ميلاده 
حسيت اني رجعت للصفر تاني  وعماله اعيط واكن كنا لسه امبارح مكنتش متوقعه اني هزعل اوي كده حسه اني عايزه اخش اكلمه مش عارفه اكلمه ولا ملهاش لازمه

Pineapple_27750 🇩🇿 · Answer

اول 4 شهور كنت حاسة انو افضل قرار اتخذتو فحياتي رغم انها كانت علاقة 5 سنين فال4 شهور كنت عايشة حياتي بالطول والعرض كانو مكنش فحياتي اصلا فايام افتكرو دقيقة و بس بعدها فيوم مش عرفة حصل ايه بس فجأة رجعت للصفر يومي مش قادر يعدي افكر فيه 24 ساعة تصرفات الناس لي حولي كلها مش عجباني مش قادرة اعيش حياتي كنت عايزاه هو بس يكون معايا بعد 3 شهور من هاد الحالة قررت ابدا حياتي من جديد تقدملي واحد خطبني طلبت اننا نتعرف اولا شهر او اكتر و بعدها نخطب رسمي وافقو و اليوم فاضل اسبوع على الخطوبة لسى متخطتش كل كلمة اتكلمها مع خطيبي اتمنى تكون معاه مش عارفة ضيعت انسان مثالي بالنسبة ليا بدون سبب رغم انو حاول يصلح العلاقة مليون مرة و فكل مرة انا لي ابعد على اساس ضمناه و عرفة انو حيرجع بس مرجعش عرفة انو مهما حتجوز مش حقدر اتخطاه بس حبة حاجة تشغلني فحياتي ممكن يتغير الوضع

Avocado_27613 🇪🇬 · Answer

انا عمري ما عرفت اعمل موف اون من حاجة اتعلقت بيها بالعكس كنت بكون مأذية نفسيا وفي نفس الوقت بحن لكل الذكريات اللى عشتها واقول العيب فيا انا بس حاليا فه حاجات كتيرة مش عارفة اتخاطاها زى سبب رفضى الكتير لما بعترف لحد ب اعجابي بيه والموضوع ميتمش بحس انى بقلل من قيمتي بس غصب عني وف نفس الوقت بقول ربنا بيحميني من علاقات كانت ممكن تأذيني لحد ما يجي الوقت المناسب بس حاليا معرفش ليه عندى احساس انى ممكن مكنش محل اختيار لحد ومش عارفة اتخطى الاحساس دا بجد 🥹🥹

Coffee_41002 🇪🇬 · Answer

اموف اون من موت ماما ازاي؟ وحشتيني بجد
لي ماتت؟ قربت انسى شكلها وصوتها، بفتكر شكلها بالصور بس صوتها يعتبر نسيته، واحشني ارجع صغيره تاني واحضنها وانام جنبها، واحشني اتفرج ع كرتون تاني وهي موجوده معايا، واحشني ارجع من المدرسه الاقيها عملالي الاكل الي بحبو، واحشني اصحى من النوم الاقيها بتقولي جبيلي مايه من التلاجه وتكون بتقولي كده عشان عملالي رز بلبن من الي بحبه في التلاجه وعوزاني اشوفه ك مفجأه يعني، واحشني حجات كتير. 
انا لسا صغيره انها تمشي وتسبني بدري كده انا لسا محتاجها والله انا 17سنه بس والله. 
ماما انتي عارفه اني بتعالج عند ثيرابيست دلوقتي؟ واتشخصت ان عندي Borderline و اكتئاب و رهاب اجتماعي، عارفه ده؟ اكيد انتي لو كنتي موجوده مكنش كل ده حصل. 
طب لي مبحلمش بيكي؟ للدرجة دي غلطاتي كتير ف ربنا مش رايدها ليا؟ طب والله لو حلمت بيكي والله هحاول مغلطش تاني، بس اشوفك والله وحشتيني يماما..

Sugar_41367 🇲🇦 · Answer

الموف اون بصراحة مرت عليه سنة خلاص تخطيت كنت مع شاب حلو وكان هو الشخص الصح لي كان لازم امسك فيه بكل قوتي بس انا كنت دائما اخلق اسباب و نتفترق ب الشهور بعدين نرجع بعدين نترك وهو كان ف كل مرة بيقبل اعتذاري و يعاملني كأني اخر حبة ، كانت عندو صديقة وهي كانت بتحبو و هو يحبني بس سوا بينا مقارنات كانت بتعاملو احسن مني اخترها و فسابني و انا مأيداه ف الموضوع دا لاني كنت طايشة غبية عشان اضيع رجال زي دا حاولت معاه كتير اننا نرجع و هتغير بس ما رضيش كان اخر مسج بعته ليه اني شكرته و مدحته و بينت قديه ايه انا ندمت على تصرفاتي ، مرت السنة امبارح ب الظبط نسيته وكل مشاعري ليه راحت على فكرة خطب هو و بالبنت ربنا يكمل عليهم ب الخير اما انا ف متأكدة انو ربنا هيعوضني لاني حاولت اغير من تصرفاتي و طريقة تعاملي مع الناس.