شو كان افضل شي غيرته بنفسك؟

Question

احكيلنا اية كان الشئ اللي مش راضي عنه وقدرت انك تغيره للافضل

Marshmallow_33883 🇪🇬 · Answer

افضل شي هو اني بعدت عن الناس الي بتأذيني نفسيا ده يمكن احسن حاجه عملتها في حياتي لان بجد كنت مدمره نفسيا وانا مع الناس دي وكنت حاسه اني هفضل اتأذي طول ما انا معاهم فوقفت الحد ده ومنعت نفسي من اني اكلمهم تاني يمكن كان صعب نتيجة اني اتعودت عليهم بس لما عرفت ان الحاجه دي هتاذيني فبعدت فورا لان مش هسمح لاي حد مهما كان انه يأذيني تاني او يقلل مني او يعمل اي حاجه تضايقني لاي سبب حتي لو كان ده مثلا هيبقي سبب في سعادتي او اني بحب حد لا طز في اي حد كنت فاقده الشغف في الاول وقولت خلاص اصلا هما اذوني مش ليه هتأذي بس قولت الحمدلله هلحق نفسي برضو وانتم كمان الحقوا نفسكم وحاولوا تبعدوا عن الناس الي بتأذيكم واقرأو كتب يجماعه واسمعوا بودكاست عن حب النفس وانكم تثقوا بنفسكم

Mango_30422 🇪🇬 · Answer

افضل شىء هو انى بعدت ناس كتير اوى و مبقتش اثق فى حد بسهولة زى زمان اصل انا كنت من الناس الطيبة بهبل و كنت بثق فى الناس بسرعة و ينبهر بيهم و كنت انا دائما حتى لو مش غلطانة لا يمكن ازعل من حد ابدا و لو حد زعل منى كنت بفضل اعيط و افضل اعتذر حتى لو مكنتش غلطانة الحمد لله دلوقتى بقيت ابعد عن اللى يضايقنى و الحمد لله

Pumpkin_37977 🇪🇬 · Answer

بدأت اخد المواضيع ببرود. زي مثلا درجات امتحان، كنت بزعل، دلوقتي عادي. خروجه أتلغت، دلوقتي بقى عادي، مش مشكله. بس في بعض الأحيان بحس أن هو برود زياده شويه. عمي مات من كام شهر، و محستش بصراحه بحزن ولا حاجه، عديتها ببرود تام. يمكن افضل، يمكن عيب دلوقتي. صراحه بالنسبة لي دا افضل

Coffee_38031 🇪🇬 · Answer

انا بقيت بصلى   والاحله بصلى ف المسجد 
دى ف حد ذتها شالت من الهم والضغط من عليا كتير اوى  بجد وبقيت 
احسن من الاول بكتير 
ومش بقيت شايل هم الدنيا زى الاول 
 وكل حاجه وبقه ليها حل من غير مافكر 
وبقيت ف سلام مع نفسى

Cherry_38008 🇪🇬 · Answer

اني اصبحت اكثر حكمه وقدرة علي التعامل مع ال ocd 
 بعد ما كنت ضعيفه وكثيرة الشكوي والحمد لله اصبحت علي قدر من المعرفه والقوي بهذا المرض فلم يعد يؤثر علي مثل قبل ..صحيح هناك اشياء ضعيفه امامها ولكن اصبحت علي وشك التعافي الكامل باذن الله

Marshmallow_33684 🇯🇴 · Answer

حرفيا حرفيا حرفيا
كلشي غيرته بحالي انا اكثر من ممتنة اني غيرته يعني شعور لا يوصف سواء كان قربي من الله او حدودي مع الناس او التركيز على مبادئي او التعامل بِحُب مع الناس او اني رجعت لشخصيتي اللي بتمثلني وصرت اتصرف عليها او اني صرت اقدر اتخلى عن اي اشي بئذيني او مش من مصلحتي أو أو أو... 
انا انسانة بصلح بحالي من وانا صغيرة عشان هيك انتَ/انتِ يلي بيقرأ اعرف انه مش مستحيل وانك قادر/ة لاني انا وصلت وبطمنك🤍🤍 تخيل/ي شعورك بس لما تحققي هدفك وحلمك وهاد بكون اكبر حافز.

Cookies_38657 🇪🇬 · Answer

اني عرفت احب نفسي واقدرها واعرف قيمتها وعرفت اقوم لوحدي من غير حد وعرفت ان مشاكلي هيا مشاكلي وانا المسؤوله عنها مهما كانت ايه ومهما كانت بسبب مين محدش مسؤول عني غيري .. عرفت ان مفيش حاجه اهم من علاقتي بربنا وان مفيش حاجه اهم من راحتي انا وسعادتي وبس .. عرفت اتخلى عن اي حد كان بيأذيني .. وعرفت احب وحدتي جداً واكون برتاح فيها .. عرفت افتح صفحه جديده ليا ولنفسي عشان نبدأ من جديد ونسيب الماضي في الماضي .. اعترفت باخطائي وبحاول على قد ما اقدر اصلحها .. عرفت ان حياتي العمليه ونفسي وشخصيتي هما الي هيسندوني في الدنيا .. والاهم من كل دا ربنا موجود وعالم وشايف بيا وانا في الحقيقه مش لوحدي هو شايفني وعالم بحالي وبظروفي وبكل حاجه بعاني منها وسامعني من غير ما اتكلم واشكي ف الحمدلله على كل حال اتمنى افضل دايماً الانسانه دي 🤍

Strawberry_38903 🇪🇬 · Answer

مبقيتش اهتم بكلام الناس مهما قالو وان البعد عن الى بياذى شي ممتع مهما هيكلفنى كنت بالتعلق بيهم بشكل مرضى لدرجة بتحمل اهانات وتعب وذل كنت خايفة لما يسيبونى انى معرفش اعيش واتحملت لدرجة الضرب والاذلال بس لما سبتهم عرفت ان الدنيا مبتقفش على حد ولا على حاجة وربنا بيقف معايا فى كل المواقف الصعبة الحمد لله

Almond_39083 🇪🇬 · Answer

الحمدلله طورت علاقتى بربنا ، فنظرتى لكل حاجة فحياتى اختلفت ، وشخصيتى تحولت من دايما فحالة من التفكير و التحليل لكل حاجة فحياتى لشخص بيتوكل على ربنا بجد ، والحمدلله ربنا هدانى لحفظ القرآن و دى اول مرة التزم فحياتى بشئ لفترة طويلة ، بقالى سنة بحفظ رغم كل الصعوبات و الايام و الدراسة و كمان خليت صحابى يبدأو يحفظو ، فى قمة السعادة انى بقيت شخص بجد مريح و بيدى طاقة إجابية للى حواليا و بيعرف يسمع لفضفضة صحابه و يحل معاهم ، ربنا يديمها نعمة يارب 🤍

Marshmallow_30618 🇹🇷 · Answer

وقت ما قررت اني مش هزعل تاني بسبب شخص 
ايوة عادي ممكن ازعل واعيط وكدا في العموم بس مش هزعل عشان أي بني آدم تاني كفاية 
طالما انا بخير وعيلتي كويسة الحمد لله مش محتاجة حاجة تانية 
اصل لو زعلنا على كل حركة وحشة تحصل من حد أو خذلان مثلا او أن حد اتغير علينا هنعيش كتير من عمرنا زعلانين وفي رأيي العمر مش فيه كتير عشان اضيعه على حاجات متستاهلش 
بمعنى بسيط اتعلمت الاكتفاء بنفسي 🤎

Strawberry_38537 🇪🇬 · Answer

اني انانيه وكدابه ومنافقهده اعتراف مني لنفسي  أنا فعلا عملت اكتر من كدا في ناس ملهاش مني غير الامان واحده صاحبتي ادتني امانه وانا خنتها ولبستها في واحده تانيه وهما كرهوا التانيه ومع الايام ربنا نصر التانيه دي  وطلعت الأولي واشتغلت ونجحت وانا قاعده في البيت بغسل مواعين ربنا يسامحني

Strawberry_38537 🇪🇬 · Answer

الهدوءءءءءؤكنت عصبيه كتير وغير صبوره وملوووله دلوقتي بقيت هادئه كتير. كتير كتير وبفكر قبل ما اخد قرار أو حتي اتكلم وده بقي مفرحني جدا  جدا  الحمد لله بجد  العصبيه دي موت بالبطئ  وهلاك للروح والجسد

Cookies_33491 🇪🇬 · Answer

اني اكون بارده جدا وانانيه جدا عشان نهتم بمشاعري وبس ومنجيش علي نفسي تاني عشان حد ولا احارب عشان حد وبقيت بارده لدرجه ان الكلام مش بيأثر فيا سواء حلو او وحش
 انا مدام مقتنعه بشخصيتي وحباني كدا فكله يولع بقا ويفهموني زي ما هما عايزين يفهموني مش هنقعد نبرر لكل واحد عشان خلاص معنديش طاقه للكلام حتي مع نفسي 
مبقتش مهتمه لاي حاجه بتحصل ولا بقيت ندقق في كلام او تفاصيل 
كل واحد يقول الي عايزه ويعمل اللي عايزه ويروحوا ويجوا زي ما هما عايزين لان مبقاش فارقلي غير نفسي 🫡🫡🫡🫡🫡🫡🫡🫡🫡🫡🫡🫡🫡🫡🫡🫡🫡