اكتر المرات الى حسيتو بكرم ربنا عليكم فيها

Question

احكولنا كدا اى اكتر المرات الى حسيت فيها ان اختيار ربنا احسن من اختيارك وحسيت بكرمه الكبير عليك

Strawberry_11504 🇪🇬 · Answer

انا اه محققتش حلمي ف الثانوي بس ربنا كرمني بكلية تانية الحمد الله وكنت راضية جدا ، ايام امتحاناتي ف الكلية  بتبقا فترة صعبة وتقيلة عليا بس مش بوقف دعاء ابدًا وبيبقا ديما عندي يقين ان ربنا هيكرمني ، حتى لو معملتش اللي عليا بس كل مرة ببقا واثقة ان ربنا هيكرمني وبفضل ادعي كتير وممكن ادخل الامتحان واطلع احسب درجاتي الاقيني مش هنجح بس بتفاجئ ايام النتيجة ان انا نجحت وبتقديرات كويسة كمان 
فأنا بالنسبالي ان انا لو دعيت بيقين وعندي ثقة ان ربنا هيستجيب ليا فخلاص انا ببقا مطمنة اوي ان ربنا هيكرمني
وقيس على كدا اي حاجة ف الدنيا ربنا بيكرمك طول مانت قريب منه وعندك يقين بيه وراضي باللي ربنا رزقك بيه

Blueberry_25261 🇨🇿 · Answer

كنت دايماً بشوف العقاب أليم من الأهل و الأصحاب.
لما كبرت و بديت أشوف الدنيا بنظارات عاكسة للواقع حمدت رب العالمين ان الجنة ليست بيد بشر. و أن ربنا الرحيم هو اللي حيحاسبنا.
و استشعرت بكرم و رحمة ربنا لما كنت ممكن انام و انا سامعة اغاني و متخانقة مع مامتي و ربنا بعد كل ده بيمهلني لتاني يوم و تالت و شهر و سنة و اكتر و مبيحكمش علي و بيوريني الصح و بيبعتلي ناس توعظني و تطبطب علي حتى و انا كنت بعصيه بيحبني حتى و انا بحرر نفسي من الذنوب و ممكن ارجعلها تاني و برجع استغفر و برضوا بيحبني و بيحطني بمواقف حلوة بحياتي و بيسر لي أموري حتى و هو عارف اني ممكن ارجع تاني اعمل ذنب.

Popcorn_14732 🇯🇴 · Answer

كل مره تضايقت فيها وحسيت حالي مخنوقة فعلا 
رب العالمين بيبعثلي حد يطبطب على قلبي او موقف يواسيني 
وكذا مره صارت ، وباقسى اللحظات ، يلي حسيت فيها اني فعلا لحالي 
وانه الدنيا بتضيق علي وبتخنقني 
بكون حاسه كانه ثقل على صدري 
واني مش رح اقدر اكمل 
اني خلص تعبت 
ووين ما لفيت وجهي لا بلاقي مخرج ولا بلاقي سند 
فجأة بيجي حد غريب ، بيفتح باب وبيهدي البال 
بدون اي مبالغة بهاي اللحظات بحس باني جدا قريبه من رب العالمين ، بانه سامع الصوت يلي جواتي وحتى ما حكيته ، بحس كم رب العالمين حنون، واغلب هاي المرات ببكي لمجرد فكرة انه رب العالمين بيحبني ف بعثلي يلي يواسي قلبي لحتى اكمل. 
الحمد لله🤍 ، اللهم اجعلني عبدًا شكورًا وزدني منك قربًا ولك حبًا.

Pistachio_25588 🇪🇬 · Answer

انا كنت بحب بنت من ايام الجامعه وبعدين لما اتخرجت كنت عايز اروح اخطوها بس للاسف حد خطبها هو كان في علاقه بنا وبعدين ان كنت زعلان جامد اووي وحزين وكنت مطفي الحمد ربنا عوضني وكرمني لقيت شغل كويس وربنا كرمني  ووخطبت بنت جميله وطيبه وجدعه وقف جمبي ولسه بتقف جمبي فعلاً اختيار ربنا وعوضه احسن م اللي حاجه الحمدالله

Chocolate_25621 🇪🇬 · Answer

لما دعيت اجيب مجموع وانا مكنتش بذاكر المذاكره اللي تجيبه وجبته والحمدلله❤،️ومريت بفترة صعبة جدا ومكنتش قادرة استحمل حاجه و واضح عليا جدا اعراض الاكتئاب وشعري كان بيقع في ايدي وكنت كل م اتعامل مع حد مبعرفش اتعامل من تفكيري والتوتر اللي انا فيه وببقى عايزه ابعد عن الناس وكنت بقعد ادعي ربنا يخرجني من اللي انا فيه ويخليني في حال احسن والحمدلله انا حاليا افضل بكتير بالدعا❤️❤️