ما هو تعريف الحب بالنسبالكم وامتي حسيته؟

Question

قوليلي امتي اول مره حسيته بالحب وعرفتوا ازاي واتاكدو انه مش مجرب اعجاب

Coconut_20633 🇪🇬 · Answer

الحب دا انك تحس بالراحه والدفا والأمان
تحس ان اجنحتك لا تسع الكون كله لمجرد احساسك ب ان في حد بيحبك
الحب دا يعني اهتمام بكل تفصيله انت ممكن تكون ناسيها اصلا الراحه انك فعلا تكون مرتاح وانت قاعد مع حد انت متأكد انه بيحبك وعمره ما هيحط حد مكانك ف حياته
الدفا وانك فعلا تلاقي الحضن الدافي والمكان ال بيحتويك وقت زعلك وقت فرحتك وقد ضيقتك
امان فعلا وانك تشوف مع الشخص ال بيحبك راحتك وعدم خوف من اي شئ وتلاقي ف وسط ما انك ف موقف مرعب وقلقان بيتكرر في ذهنك جمله "الدار امان" لمجرد انك بس مع الشخص ال مخليك مرتاح وشايف ان مفيش حاجه تستاهل قلقك او خوفك طول ما انت معاه

احساسك ب انك فعلا حد بيقدرك وبيخترع اي حاجه علشان يكلمك وانه يفضي نفسه لمجرد انك وحشته

شخص بيفهمك وفاهم دماغك بيمشي ديما مع مودك مهما كان اي هو

حقيقي الحب جميل اوي ويا بخت ال كان من نصيبه حد يحبه ويحسسه انه فعلا يستاهل الحب 💗

ربنا يزرق الجميع بس فالحلال عشان تلاقي الحب الصح ال يرضيك 💗

Banana_23222 🇪🇬 · Answer

عندي اقتناع ان الحب ما هو الا (مودة ورحمة) زي ما ربنا عز وجل وصفه لينا ،الحب معاملة طيبة ،مراعاة المشاعر،احترام ،مش لڤلڤة،لسة محستش بيه لأن صعب تلاقي شخص نفس التفكير ،وعنده نفس نظرتك للحياة بالشكل ده.

Cherry_20754 🇪🇬 · Answer

الحب بالنسبالى ان الشخص الى احبه ده يكون زيى بس مش فى كل حاجه اقصد مهتم بإهتماماتى ولازم طبعا يكون ليه وجهة نظر مختلفه عندى عشان هنا بنقدر نفهم بعض واهم حاجه انه يكون فى روح للطفوله كده ويكون مرح ولازم يحبنى بكل مميزاتى ويعيوبى  واهم جه يستحمل تغيراتى المزاجيه ومش مهم الشكل فى الحب بس المهم الروح والتعامل وازاى يعبرلى عن حبه بالافعال مش بالكلام وخلاص 
وطبعا الحب بالنسبالى دفئ وامان وحنان والبنت مننا محتاجه اللى يكون حاميها وبيخاف عليها وبيغير عليها ويكون محتويها ويثبتلها انه جمبها بجد مش كلام وخلاص ويكون حنين عليها بالبلدى كده يكون ضهرها بس مش اكتر 😊❤

Avocado_21982 🇪🇬 · Answer

عندي اقتناع الحب ما هو الا شعور ربنا بيحطه في قلب الشخص تجاه شئ معين ده اسمه الحب الاولى

الحب ده مش دائم او ممكن نسميه حب مبدأي 
بيتحول لحقيقي بقا لما يكون في مودة ورحمة ومواقف وعشرة وحاجات من دي كتير دي اللي بتقوي الحب وبتخليه راسخ في القلب وده النوع اللي بيقوم عليه الزواج وحب الوالدين والاخوات والاصحاب والاماكن وخلافه 
فال تعالي { وَمِنۡ ءَایَـٰتِهِۦۤ أَنۡ خَلَقَ لَكُم مِّنۡ أَنفُسِكُمۡ أَزۡوَ ٰ⁠جࣰا لِّتَسۡكُنُوۤا۟ إِلَیۡهَا وَجَعَلَ بَیۡنَكُم مَّوَدَّةࣰ وَرَحۡمَةًۚ إِنَّ فِی ذَ ٰ⁠لِكَ لَـَٔایَـٰتࣲ لِّقَوۡمࣲ یَتَفَكَّرُونَ }

Orange_12285 🇪🇬 · Answer

الحب دة عبارة عن مفتاح انت لومعاك مفتاح الشقة هتخبط قبل ما تدخل لا هو الحب كدة  بالظبط بتلاقيه داخل من غير تخبيط  بتلاقي  نفسك مرة واحدة متلخبط مشعارف في اي اشمعنا الشخص دة لي قليي بينبض جامد فوجودو لي بحس بالامان لما اشوف وبكون مرتاح تلاقي نفسك فالاول مشتت بس مبسوط بالشعور دة عايز تشارك الطرف للتاني كل حاجة وتحكي معاه كتير ومتملش ابدا تخاف عليه اوي وانت ساجد اول حد يجي فبالك تدعيلو هو بيدخل حياتك بيكون الاول علطول تحس براحة طول ما هو مبسوط ومرتاح 
الحب شعور حلو اوي بس لو من طرفين في ما بينهم علاقة حلال
من طرف واحد حرفيا انت بتحط كل يوم السكينة فقلبك نفسك تشيليها بس مش قادر مربوط ومش عارف تشيل السكينة دي لازم تفك نفسك حتة حتة بالاربطة والتعقيدات عشان تشيل السكينة دي 
المحظوظ بجد الي مش يجرب شعور الحب الي من طرف واحد او التعلق

Avocado_25327 🇪🇬 · Answer

حسيت انوو حب لمن بقيت اشوفو في كل حاجه حلوة لمن بقيت م تجي لحظه وانظر لي حياتي لقدام الا وهوا فيها لمن بقيت افكر فيهو وفجاه الاقي بيتصل ي الله قدر اي كنت بطير من الفرحه لمن يحصل كدا!!!❤️ او لمن كان يكون عايز يقول لي على حاجه بس متردد وانا احس انو عايز يقول اي بجد شعور حلو ، الحب بالنسبة لي يعني امان وسكينه ثقه إهتمام تقدير واحترام متبادل لمى تجي تقول للي انت بتحبو بحبك و تحسها مش كفايه!!!❤️🥺

Coconut_25375 🇪🇬 · Answer

انا من النوع اللي بحب بصعوبه وبسهوله في نفس الوقت بس مش بابين للشخص اللي قدامي نهائي ولما بلاقي الموضوع مينفعش بنسحب وبحاول انسي مشاعري تجاه الشخص دا وبجبر نفسي اني أنسى مع ان الموضوع متعب جدا يعني ف اتمني اني محبش حد مش نصيبي

Coffee_25467 🇪🇬 · Answer

الحب ملهوش تعريف بس عموماً عرفت اني بحبو بجد لما دخل حياتي فجأه من غير اي مقدمات نور العتمه اللي جوايا شال جرح كبير وقديم اوي من جوايا من غير م يحس بقيت مبقدرش ابعد عنو هو بقا بالنسبالي الآمان والفرحه ..بحب اسمعو واتكلم معاه واشوف لمعه عيونو لما يشوفني..بحب حنيتو عليا المفطره بحب انو مبيسبنيش لدماغي بيصالحني علطول حتي لو هو الغلطان مش بينيمني معيطه او زعلانه ابدا 
دا اللي يتقال عليه انا فعلا عرفت اختار❤️