فوبيا الخوف / الخوف المرضي

Question

احكوا عن مخاوفكم ف الحياه وازاي هي عائق ف حياتكم والتفكير ف تفاصيل كل حاجه قبل ما تحصل وازاي بتتعاملوا مع دا ؟

Marshmallow_29240 🇪🇬 · Answer

هو انا الوحيد اللى ساعات بخاف منغير سبب؟
ساعات فى وسط ما انا فرحان او حصلتلى حاجة حلوة بخاف او بزعل  ساعات بزعل على حاجات مش منطقية زى انى احس ان حد من عيلتى مش عايش كويس او مبسوط فى حياته مع انه مشتكاش بس انا بحس بده غالبا اما تحصلى حاجة تبسطنى و ساعات بخاف و بحس ان فى حاجة غلط هتحصل مش عارف ده اسمه ايه و علاجه ايه و هل هو اصلا موجود فى حد غيرى ولا لا.

Chilli_28867 🇪🇬 · Answer

بخاف اكبر
مش عاوزه اكبر 
مش عاوزه بكره يجي
الموضوع وصل معايا اني افضل اعيط عشان مش عاوزه اكبر
مش عاوزه اكبر خالص بجد
مش عاوزه بكره يجي 
بفضل اعيط وانهار كل لما افتكر اني ممكن اكبر بس والله انا فعلًا مش عاوزه اكبر مش عاوزه بجد 
حتى بفضل ادعي اني مكبرش مش عاوزه بكره يجي

Potato_29691 🇪🇬 · Answer

حاجه غريبه شويه، يمكن شويتين تلاته كده
بس انا بخاف من الخوف!!.       
مش عارفه دي حاجه هتكون مفهومه لحد او لا بس بخاف من حاجات غريبه، حاجات ممكن متجيش علي بال حد تقريبا
او ممكن تكون حاجات طبيعه اني اخاف منها وعشانها بس يمكن عشان مش بقول اني بخاف من كذا وكذا شايفه ان محدش هيفهم انا بقول ايه او قصدي ايه
زي اني بخاف من الخوف كده

Ice Cream_29984 🇪🇬 · Answer

بترعب من الابراص، بدوخ وابانيك لما بشوف برص نفسي ابطل اشوفهم او اتعالج نفسياً عندي ٣١ سنة مش صغيرة العمارة اللي ساكنة فيها مليانة ابراص كل ماباجي خارجة او طالعة بلاقي ف وشي وممكن اتكعبل عل السلم من الرعب والدوخة ناهيك بقى عن ان يدخل برص البيت انا بعيش ف كابوس لغاية مانخرجه او يموت

Pineapple_30761 🇪🇬 · Answer

انا حد متعقد من كل الرجاله و الجواز والحب و و و ولا عمري فحياتي ما ارتبط او قابلت علاقه عملتلي تروما مثلا اصلا مليش تعامل مع الولاد ولا كان ليا صحاب منهم لا مدرسه ولا جامعه فخبرتي فتعاملهم صفر السبب هو معامله بابا لماما بجد كرهت كل الصنف و مش متقبلاه و حلمي مش اني احب او اتحب لا حلمي اني اعيش لوحدي من غيرهم من رعبي منهم بجد مبقاش بس كره لا رعب بجد انا بقيت مرعوبه اتعامل مع حد فيهم لحسن احب حد ولا حاجه و ارجع اعيد نفس الدايره واعيش بقيت حياتي تعيسه زي ماما و حاسه ان كل تفكيري غلط بس انا مش عارفه اعالجه بجد خايفه ابوظ حياتي بسبب عقدتي او فعلا ربنا يكون كاتبلي الخير بس انا ارفضه من رعبي حاسه اني مش هعرف اتعامل طبيعي و هبوظ كل حاجه بسبب عقدي دي ازاي ممكن ارجع طبيعيه واحل المشاكل النفسيه دي قبل ما حد يجي وابقى انا الي بوظت كل حاجه

Croissant_30784 🇯🇴 · Answer

انا مبقدرش اكمل حياتي اليومية من غير التفكير فكل حاجة كبيرة او صغيرة ، وبجد ال overthinking دمر حياتي وعلاقاتي وصداقاتي كلها وبقيت انسنام بخاف من التجارب وبخافمن كل حاجة وبخاف اعترف بمشاعري وبخاف اتكلم بخاف اعمل اي حاجة لاني بخافمن الرد اللي هيكون مقابل اللي هعمله

Marshmallow_31427 🇸🇦 · Answer

مابعرف اذا الو دخل بس انا كتير بخاف من الاماكن الضيقة ، وكوني من دولة فيها حرب ، كان هاجسي وخوفي انو مااصحى بيوم ولاقي حالي تحت الانقاض ، بتمنى موت فورا ولا اني اصحى الاقي حالي بمكان ضيق ومخيف لهالدرجة ، وخروجي من بلدي خفف من خوفي هاد ، بس مازلت كل مابسمع انو حدا تحت الانقاض سواء بعرفه او لا بينقبض قلبي وبحس كأني مكانه وبحس بوجعه وخنقته ، الله لا يدوق هالشعور لحدا قولوا آمين

Mango_31523 🇪🇬 · Answer

انا عندي فوبيا من الكورة من وانا طفله انا بترعب من الكورة لو عديت جنب اطفال بيلعبوا كورة بفضل مرعوبه وممكن اصرخ عشان بس يبطلوا لعب عشان اعدي المشكله اني كل مقول لحد يضحك عليا ويستغرب ازاي في حاجه اسمها بس انا اعصااابي تعبتتت

Cookies_31992 🇦🇷 · Answer

ااعند فوبيات كتير اوي لدرجة اني بحس اني عبء علي ال حواليا، عندي فوبيا من اضلموو المكان اليقة و المتفعات و الحشرات و الاخرام و الامراض الجلدية و الكلاب و المهرجين وومن الوحدة، بحس نفسي فس زنزانة مهمة كنت حرة، زهقت من شعور الخوف بجد، نفسي اعيش زي الاشخاص العاديين بجد😞💔

Biscuit_31702 🇪🇬 · Answer

انا دبما بفكر ف الوحش قبل الحلو مثلا انا ساكنه في الدور التاسع لما بقرب من نايحي الشباك او الحيطه الي بتفصل بنا وبين الشارع بيخاف اوي بيجي في دماغي ديما اني ممكن اقع او حاجه غاليه عليا تقع في الشارع لدرجه اني بخاف اسند علي الحطه تقع في الشارع و انا كمان اقع دي اول فوبيا او حاجه انا بخاف اوب منها وللأسف برضو مش عارفه اتعامل عادي لسه

Biscuit_31702 🇪🇬 · Answer

انا مشكلتي الحقيقه هي الرجاله انا بقيت بخاف منهم بطريقه مش طبيعيه وديما بحاول اخلي لبس يكون طويل بس مش دي المكشله انا لما بلاقي بنت محجبه ولابسه قصير ببقي نفسي اسئلها سؤال واحد انتي مش مكسوفه مش مضايق من نظرات الشباب ليكي انا لما بلاقي رجاله ف الشارع ببقي عايزه اعدي بسرعه عشان محدش فيهم يبص عليا الموضع اتحول معايا لقله ثقه بنفسي باجي برضو سعات اقول طب وليه ما تلبسي براحتك ومحدش لي عندك حاجه وباذات لما بشوف بنات مش محجبه بيلبسو قصير وعريان وبيمشو عادي مبيفرقش معاهم حد حتي انا لما بلاقي بنت كدا معديه قدامي بقعد اركز علي نظرات الشباب ليها مبلاقيش حد خالص بص عليها بقول طب ليه اشمعني انا معئن ولله هما احلي مني مليون الف مره انا لدرجه اني سعات كتير اوي مببقاش عايزه انزل من البيت ال بيغصبني انزل الدروس بس والمشاوير المهمه غير كدا انا مش عايزه اصلا اتعامل مع اي حد

Cherry_33009 🇰🇼 · Answer

ممكن اللي رح احكيه غريب شوي😂 بس انا بخاف من الاغاني الحزينة و مستحيل اسمعها، بخاف كمان من الملاعق و الأطباق بالمطاعم لأنه دايماً بحس انها مش نظيفة، بخاف المس المغسلة و بحاول دايماً اغسل و اتوضأ بدون ما المس المغسلة قدر الامكان 💀 بخاف اكتب او اتكلم عن اشياء سلبية خوف مش طبيعي، و عندي رعب حقيقي من الرياضيات، و بخاف كمان من اصوات المكيفات 😭

Marshmallow_33883 🇪🇬 · Answer

بخاف من حاجات كتير زي اني بخاف ابقي لوحدي ويجي يوم واموت ومحدش يكون جمبي او بخاف مثلا من الحشرات جدا وده مسببلي اذي لان كل متعدي من جمبي دبانه بعيط وبخاف المشكله انهم بيقولوا عليا بيكمي ومتصنعه لكن مش هاممني الكلام وعندي فوبيا التلامس البشري او اني بحس ان في حد بيلمسني وبضايق لما حد يلمسني اصلا وبصرخ اول ما حد يعمل كده عندي فوبيا الثعابين من اكتر الحاجات الي بخاف منها هي التعابين بجد وعندي مرض ثنائي القطب او الانفصام او الشيزوفرينيا انا عندي انفصام بس مش اوي مزاجي بيتغير بسرعه حدا بزهق بسرعه وبتعصب من اي كلام حتي لو كان عندي بس الحمدلله ان شاءالله هعدي من كل الصعوبات دي ادعولي

Cookies_38657 🇪🇬 · Answer

الموضوع جيه عالجرح بس عموماً من بعد وفاه والدي وانا بقيت عايشه عالخوف والقلق وبس مش بعرف انجز حاجه من غير خوف مش بعرف اعيش لحظه حلوه بدون خوف مش بعرف اتبسط حتى واقدر اي حاجه امي بتعملهالي بدون خوف بفكر في الكبيره والصغيره لو قالت كلمه او قالت حاجه حلوه او اهتمت بيا زياده بفضل افكر هيا ليه عملت كدا وادخل في دوامه ممكن يبان الي بقولو دا جنان بس دي الحقيقه للاسف وعامتاً بتعالج عشان عندي اضطراب قلق حاد ومحدش يعرف اني بتعالج 😂😂 محدش شايف غير الصوره الحلوه للبنت القويه محدش عارف حجم المعاناه والعذاب الي انا بعيشو محدش عارف دماغي دي شغاله ازاي ومش بتسكت ولا بتهدا ولا الخوف الي بعيشو بيهدا عندي رعب اني افقد امي واعيش لوحدي في الدنيا دي

Mushroom_37399 🇪🇬 · Answer

انا بقا بخاف من حجات كتير 😅 اولهم انى عندي فوبيا المرتفعات مقدرش خالص ابص فى بلكونه او حته عاليه حتى لو فى فلم بترعب وعندي رهاب اجتماعى دا لوحده حكايه لانى بسببها مش بعرف اتحرك لوحدي صحابي دايما بيقلولى غلط انك تعتمدي على حد هو الى يحركك بس انا لو مشيت لوحدي ممكن سعتها اموت من نظرا الناس الى بتخيلها

Potato_41206 🇪🇬 · Answer

لما كنت صغيرة كنت بخاف من الظلام او اني اقعد لوحدي في البيت بس بسبب انشغال اهلي كنت ساعات اصحى الاقي نفسي لوحدي في البيت لغاية ما اتعودت، كانوا دايما يقولولي ازاي بخاف من التفاها دي فكنت بحبس نفسي في الدولاب عشان اتخطى خوفي من الظلمة. و برده كان عندي فوبيا من القطط بسبب ذكريات وحشة معاهم و لغاية دلوقتي بخاف منهم. بس بجد انا مش فاهمة ازاي انسان يستهين بمخاوف انسان تاني الموضوع مش منطقي

Chocolate_42611 🇪🇬 · Answer

جربت الخوف المرضى دا فى تالته ثانوى بالرغم من انى طالبه كويسه فى الدراسه فى السنه دى مكنتش بعرف اذاكر حرف واجلت وعديت بمعجزه ودخلت اخر كليه كنت اتتخيل انى ادخلها والحمد لله وربنا خدلى حقي من الى كان السبب