لو رجع بيك الزمن هتحب نفس الشخص تاني؟

Question

احكي تجربتك مع الشخص المفضل ليك سواء شخص كويس او شخص مؤذي

Potato_55495 🇪🇬 · Answer

للاسف اه 
من اول يوم ليا في الكلية شوفتها و كأن قبول و جمال الدنيا فيها لدرجة ان عقلي مش مستوعب ان في حد بالجمال ده و ساعات كنت اقعد بالساعات علشان افتكر ملامحها قعد 5 شهور علي ما حصل موقف و كان لازم اكلمها اطمن عليها مقدرتش اشوفها معيطة و للاسف كنت حكيت لشخص عنها الشخص ده سوحني و قالها لما كلمتها قالتلي انت مين و كانت عايزة تعرف اسمي و قالتلي ان حد قالها و عملت بلوك كلمتها من سبع او تمن ارقام انا فعلا كنت عايزها ف الحلال لحد ما الدنيا مشيت شوية معاها و رجعت تعمل بلوك تاني و انا اي حد كان يبصلها او يفكر فيها كنت بشيله من علي وش الارض و حرفيا عملت مشاكل كتير علشانها شلة شباب كانوا قاعدين و اتكلموا عليها و انا عرفت و عرفتها ان بلاش تعدي من قدام شباب و هي زعلت اوي و عيطت ان حتي و هي ف حالها محدش سايبها ف حالها و انا مهانش عليا دمعتها اقسم بالله ان معداش يومين و كانوا دخلوا اعتذرولها لكن هي مقدرتش كل ده و كانت تقولي انت ليه بتعمل كدا و متعملش و ملكش دعوه، و كان علطول تلين معايا شوية و ترجع تعملي بلوك ف اكتشفت ان في ولد من ايام ثانوي بيحبها و اهله ناس كويسين و اهلهم عارفين بعض و اتوقع في مشاعر من ناحيتها تجاهه حسيت اني ف سباق و لازم اكسبه مع اني مش كدا انا محبش بنت اتحبت من حد تاني بس هي كانت غير و كانت تستحق اتخلي عن مبدأي تنصحوني انساها ولا اعمل اللي عليا و احاول و اتقدملها

Cheese_56365 🇪🇬 · Answer

للأسف اه
معرفش ازاي بس هو جميل وحنون رغم انه محبنيش على اد ماهو وجعني يبعده علي اد منا عمري ما حبيت حد كدا عمري ما حبيت غيره اصلا
كنت بحب كل حاجة فيه من بعيد كنت فاكرة انه بيحبني بس هو تايه او مشش عاوز يخسرني كا صاحبته بس اديني خسرته
أنا بحب ضحكته اوي
وبحب فيه أخلاقه لانه شبه تربيتي  و نفس التفكير
كل حاجة معاه فاكراها وكتباها
مس مرتبة كلامي بس انا للاسف بحبه ودا اللي واجعني

Strawberry_54925 🇧🇭 · Answer

طبعا لا ، ما راح  أعيش نفس مشاعر مره ثانيه و نفس خذلان و الألم و الخوف الي حسيته فيه معه و نفس كسر الخاطر 
مع شخص عارفه نهايته معاي أصلا مع وقت تكتشف انك كنت اعمى بس لانك كنت تحبه بس بعدين راح تجوفه وجهه الحقيقي الي ما كنت تقدر تجوفه قبل

Coffee_56611 🇪🇬 · Answer

للاسف المشاعر مش بايدينا انت تقدر تختار انك تبعد  مادام الشخص الثانى محبكش هتتوجع وتتعب شويه فااه لو رجع بيا الزمن وقابلته هحبه تانى وتالت 
بس لو رجع بيا الزمن وانا عارفه انه رجع بيا الزمن وبايدي اننا محبوش وابعد هبعد

Banana_56622 🇪🇬 · Answer

قصتي غريبة اوي
هي كانت شخصيه كويسه اوي وحبيتها غصب عني وهي حبيتني غصب عنها وكنا متعلقين ببعض اوي بس محدش فينا اعترف التاني أنه بيحبه عشان مكنش ينفع ويوم الفراق كانت هي بتعيط قدامي ومش قادره تمسك دموعها ومكنتش عايزاني امشي 
والسبب في أن محدش فينا اعترف بحبه للتاني أن الفرق السن بينا كبير اوي فرق ٢٠ سنة وهي كانت انسه.. كان حب غلط و مكملش بس هي كانت شخصية كويسه لو كانت هي صغيره نفس سني كانت العلاقه كملت

Almond_55898 🇪🇬 · Answer

بتمني لو ما كانش ظهر ف حياتي ولا يوم واحد بقالي اكتر من ٣ سنين بتعذب ومش قادره انساه ولا قادره احب غيره بتمني يرجع ف حياتي وف نفس الوقت بتمني ابطل احبه واشوف حياتي واحب تاني واتحب واعيش المشاعر اللي اتحرمت منها 
نفسي بس تحصل فرصه اخيره نقعد مع بعض واقوله كل كلمه ف قلبي واعيط بس واقوم امش ومااشوفوش تاني بس ع الاقل اقوله كل حاجه ف قلبي 
انا ما حبيتش غيره ولا قادره احب غيره بس هو كمل حياته وانا واقفه عند اليوم اللي سبنا بعض فيه ماكانش نفسي اسيبه كان نفسي يكون حبيبي و زوجي بس سبحان الله ف لحظه ما بقاش موجود معايا وبكل سهوله ضاع

Apple_52570 🇪🇬 · Answer

لو قولت اه هبقي ناوي اخلي قلبي يتعب ويعيش االي وجعه وتعبه ولو قولت لا هبقي بكدب برضو علي نفسي وعقلي علشان زي ما هي سبب تعب قلبي كانت هي في وقت سبب فرحه وسبب اني احس ان في حياه بس اظن طول ما الإنسان لسا عايش بعد التجربه يبقي لازم تكرر حتي لو فيها وجع

Biscuit_56380 🇪🇬 · Answer

مستحيل لانه اكتر حد آذاني فحياتي رغم اني اكتر حد حبه ووقف جمبه كانت النتيجه انه وصلني النهارده لاسوء مكان ممكن بنت توصله ومش قادره اصدق ازاي لعب بيا وغشني وحصلي كل ده منه بعد كل الثقه دي والحب والتضحيه حسبي الله ونعم الوكيل عمري مهبطل ادعي عليه كل يوم بدعي عليه ربنا يرجعلي حقي

Potato_56949 🇪🇬 · Answer

لا بجد يارب الزمن ما يرجع أبدا ،الموضوع كان مرهق جدا لمشاعري لأن كان من طرف واحد، وهو كان عارف ده و بالرغم من كده كنت بدوس على نفسي وعلى كرامتي بشكل غبي، الحمد لله على كل حال.. ربنا يخفف عني وعن اي حد مر بالشعور ده حقيقيي

Avocado_57012 🇪🇬 · Answer

في بنت اعجبت بيا وحبتني جدا جدا والكلام دا كان من كذا سنة، وكمان انا اعجبت بيها ووعدتها بالجواز وانا شاب مراهق يعني، ف بعد كدا حسيت اني مش بحبها (غصب عني والله مش بإرادتي) وقومت عاملها بلوك وطبعا هي انجرحت جامد لأني حرفياً خلفت بوعدي وسمعت انها اكتئبت ومبقتش قادرة تاكل ولا تعمل اي حاجة، بعديها بفترة سمعت ان والدتها توفت الله يرحمها وحاولت اعزيها لكني اكتشفت انها بقت بتكرهني كره العمى والسواد ومش عايزة تسامحني، تنصحوني اعمل ايه عشان اخليها تسامحني (تسامحني مش ترجعلي عشان انا الحمدلله ادركت انها كلها علاقات محرمة) ❤️ ياريت يشباب تقترحوا عليا حلول

Orange_57273 🇪🇬 · Answer

يمكن اه و هختار انه يسيبني تاني عشان اتعلمت من بعده كتير......ويمكن لا لانه لحد دلوقتي لسه مأثر فيا وغير فيا حاجات كتير ...يمكن من بعده مبقتش عارف انا مين اتغيرت كتير هو نفسه لو شافني دلوقتي مش هيعرفني "كان صديق عمري"

Marshmallow_54814 🇪🇬 · Answer

اكيد لا … الشخص ده اسوأ حد انا عرفته فحياتى .. كسرنى كسره عمرى ما هنساها و غدر بيا .. قصه حب عشر سنين و طلاق بعد ٦ شهور .. نفسى يتقهر نفس قهرتى .. اشوف مرضه وحسرته و عجزه .. واشوف انتقام ربنا منه دنيا و آخره .. بدعى عليه دايما .. ان شاء الله كل الدعوات من نصيبه

Grape_57212 🇪🇬 · Answer

لا عمتا شخصيتي مع اي حد ف الاول خالص لو مره اتاذيت فيها ببعد ومش بقرب اكتر معرفش لي معاه كملت مع ان كل حاجه كانت واضحه من البدايه طريقته وشخصيته كانوا بيقولولي لا متكمليش مش مناسب ليكي وعمل حاجات كبيره وحشه ف اول علاقتنا بس مع ذلك فضلت معاه معرفش عقليتي ساعتها كانت اي بس كل اللي اعرفه اني couldn't fix him.

Coffee_46682 🇪🇬 · Answer

هحبها عشان حبها علمني حجات وعرفني حجات كتير ف شخصيتي و اختياراتي .. كنت بحبها جدا و عايز ارضيها ب اي تمن .. كنت باجي علي نفسي عادي و علي طاقتي و علي اي حاجه عشان تكون هي مرتاحه .. كان اي فلوس معايا عمري مفكرت فيا لوحدي كنت بفكر فيها معايا هجبلها ايه يفرحها او اخرجها فين يبسطها .. مع كل ده كان بيحصل مشاكل كتير و مكناش متفاهمين فحجات.. وبرده احاول ارضيها و هي مش وحشه و جدعه معايا فكزا موقف بس طباعها خلتني مش عارف اكمل .. عصبيتها و تملكها و لسانها الطويل يهلي اي راجل ميكملش.. بس حبيتها و لسا بفكر فييها ديما.. وحشتيني

Chocolate_41492 🇪🇬 · Answer

كانت تجربة مؤلمة أوي أوي أوي 
يمكن جزء مني لسا مش قادر يتخطاها
بس يمكن بردو الطبيعي إننا مانتخطاش بالكامل ويفضل فيه جزء صغير جوانا متأثر

مش عارفة بجد هل هحب نفس الشخص تاني ولا لا
بسأل نفسي السؤال ده كل فترة مش بلاقي إجابة
مش عارفة أندم وفي نفس الوقت مش عارفة أحس بالتشافي
يمكن لأنها تجربة مؤلمة زيادة عن اللزوم
وفي نفس الوقت علمتني كتير أوي واسفدت منها جامد في حياتي وفي تعاملاتي مع الناس
بقيت حريصة وقوية نوعا ما وده فارق في حاجات كتير أوي

الحاجة الأكيدة إن الي حصل مش هيتغير لأنه حصل خلاص
وأكيد هو الخير.

Strawberry_57475 🇪🇬 · Answer

بحبه جداا وللاسف هو اكتر حد كسرني اكتر حد شوهه نفسيتي اكتر حد حطني في مواقف مش قادره ولاعارفه اتخطي خلاني وحيده بلا حياه كان هو كل شي واصبحت لا املك شي وللاسف هو زوجي وعندي ٤ اطفال ولا يوجد اوبشن الانفصال

Sugar_57837 🇪🇬 · Answer

حاسه فعلا لو رجع بيا الزمن هحبه تاني 
الحل مش ب ادينا 
و انا ك شخص صعب و معقد جدا و دي كانت أول مره احب بجد و من قلبي 
قولت مستحيل اني اعترف و اعترفتله
طبعا مكنتش محتاجه رد و كنت همشي و انساه او بمعني أصح احاول انساه 
حبي ليه كان باين حتي هو قالي كنت عارف 
روح ل دكتور نفسي بسببه 
بس اللي حدا ما بقيت كويسه 
لوحدي محدش جمبي لا صحاب لا اهل لا اخوات ولا حتي دكتوري سيبته مكملتش 
بس انا بجد مش عارفه احب 
رفضت كتير هو و اول مره اترفض بجد مع انه قالي انا انسانه برفيكتو و اتحب بجد 
بس هو معندوش قلب 
و حاولت انساه و اتعايش عادي 
مع انه مش بيروح عن بالي

Mango_57383 🇪🇬 · Answer

حقيقي عمري ماهعمل كد لاني اذيت نفسي وقلبي ودخلت نفسي ف دوامه  كبيره مكنتش مفروض تحصل كان مفروض مرخصش نفسي للدرجه بس اهو بحاول وربنا يهدينا ويغفرلي ويعيني واقدر انسي بجد ف مرحله صعبه جدا علي نفسي وقليي بس هقدر بإذن الله

Cherry_58424 🇪🇬 · Answer

عمري ماحبيت حد. ولا فهمت يعني ايه حب حتى لو اتهيألي اني بحب بكتسف اني مبحبش اللي قدامي فعلا، مهما مريت من تجارب دايما بحس اني مش هلاقي حد بحبه الموضوع غريب ومعتش فاهماه وهل دي مشكله فيا  ولا مشكله في ايه

Strawberry_57255 🇪🇬 · Answer

لو رجع بيا الزمن كنت هحب نفسى 
كنت مش هعدى تفكيرى و مقارنتى لنفسى بالناس اللى حواليا و انى ديما شايفة نفسى اقل من اى حد 
كنت ههتم لنفسى اكتر و هحبها اكتر لان  شوية المشاعر و المقارنات اللى انا كنت فاكرة ان ملهاش لازمة خليتنى فى الوقت الحالى مش شايفة نفسى اصلا و بكرهها

Cheese_39222 🇪🇬 · Answer

لا خااااااالص استحالة عشان لما احب وادي اهتمام وطاقة وكل حاجة حلوة بتتاخد العكس وبيتعمل العكس وفي الاخر لما تقرر انت تتعامل بنفس معاملته وتكرر اللي هو بيعمله بيزعل ولما تيجي تحن وتعدي هو يسوق فيها ويتفرعن ويغير كلامه

Chilli_57982 🇪🇬 · Answer

لا طبعا ولا عمري هعبر امه كان أكبر خذلان ف دنيا بعيدا عن انه علمني درس محترم بس مكنش يستاهل حد بالرساله دي يعلم عليا التعليمة دي ممكن لو حد انضف او محترم ز كان عمل كدا ع الاقل لما عدى ع الحوار ٣ سنين مكنتش هحس ب اني عايزة امسكه اضغضغه

Strawberry_25620 🇪🇬 · Answer

ايوا الف مره ..  يستاهل كل ذرة حب ويا بختها اللي من نصيبو ❤️
واللي كنت دايما رغم انعدام الامل وبعد ما عدا اربع سنين كنت بتمنى ولحد دلوقتي انها تكون انا لكن الحمدلله 
 مفيش زيو ولا هلاقي حد كده فيه كل حاجه كويسه حقيقي وكان حد حنين جدا والله ولا يُعوّض واحب اعترف ان انا اللي خسرتو بإيدي ولو رجع بيا الزمن كنت هتمسك بيه اكتر واحافظ عليه اكتر من كده..

Coffee_58315 🇪🇬 · Answer

مقدرش اقول لا لاني عشت اجمل ايام حياتي معاها و مفتكرش اني هعيش ايام احلى مع حد تاني ولا هقابل اجمل منها بس لو حصل و رجع بيا الزمن فعلاً مش هسبها ولا هبعد عنها مهما عملت و مهما اهلها عملو فيا لو في ايدي فرصة تانية عمرى ما هسبها

Cherry_58987 🇪🇬 · Answer

معتقدش ابدا عمري ما هتمني ارجع احبو تاني كان بيروح لبنات غيري و لما يفركش كان يجيلي او لما كان يعملي بلوك كان يفكو و يتكلم طبيعي كنت بعمل نفسي مش واخده بالي و كنت بحاول احافظ علي علاقتنا عشان كنت عارفه قد ايه المره اللي فاتت كان سهل استبداله فيه انا كرهتو و كرهت كل حاجه تخص ذكرياتنا مع بعض انا بكرهو قد ايه سهل  عندة يبيعني بس انا كان نفسي نكمل و يحبني زي ما حبيتو بيقولي بحبك بكلمه بحبك عمرو ما جرب يفهمني ياريتني ما حبيتو ضيعت سنتين ونص في حب مش حقيقي ده بيأذيني نفسيا ده مدمني نفسيا 
انا عشت اول سبع شهور معاه في فراشات و حب بس جه هوا موتني ب كلامو يوم ما سابني عشان خاطر واحده تانيه وهو معاه اكونتي بقا يخش شاتات صحابي و يشتمني فيها ب أقذر الشتايم انا بكرهو يارتني ما عرفتو ياريت كانت حياتي هتبقا احسن محدش كان هيشمت فيا اني حبيت واحد و قولت عليه راجل و في الاخر يعمل معايا كده ده كان بيكلمها عليا و انا معاه كان يعرفها و بيتكلم اجي أسألو دي مين اللي ضايفاك عندها و انت ضايفها يقولي معرفهاش و اجي اقولو انا حاسه انك بتكلم حد عليا يقولي روحي نامي و يقلب الموضوع هزار ربنا ما يكرمو ف حياتو يارب بتمني يارب ان قلبو يتكسر زي ما كسرني و راح فضلها عليا انا ، انا الي كنت مستعده اموت عشانو بس طلع اقذر من الي كنت متوقعاه كان يكتب كومنتس للبنات و يعاكس فيهم كان يقول عادي مقصدش ده عشان في ناس كتير بتكرهها ربنا ما يسامحك علي كسره قلبي يارب

Strawberry_58560 🇪🇬 · Answer

انا زوجى كان حد حنين جدا ولو زعلنا من بعض هو اللى كان بيبادر بالصلح بس كان ليه وجهه نظر غريبه جدا كنت بستغربها وهى الانتقاد هو عنده اعتقاد أن لما انتقدك هتعملى احسن ما عندك وكنت مهما اشرحله أن مفيش اى وحده بتقبل فكرة الانتقاد وخصوصا ولو متكرره بس الغريب أن فى فترة مرضه وقبل وفاته قالى انتى كل الناس بتحسدنى عليكى ربنا يرحمه هو كان ابن ناس اوى وحد محترم

Mango_58735 🇪🇬 · Answer

اكيد لا بجد مش هقول انه انسان وحش بس هو كسرني لفتره متمناش بجد.ارجع ليها تاني وحته لما حاول يرجع يكلمني انا اسفه في الي هقوله انا كلمته عشان انا دالوقتي الي هسيبه في أقرب فرصه اه حاسه بتقنيب ضمير بس برجع افتكر حالتي وقت ما كنت اتعلقت بيه اوي اوي اوي 
وسابني عشان اهله كانوا ناويين بس مجرد.نيه انه هيخطبوله ولانه بحكم انه من برة بلدي اختار طريق الاسهل ليه ومحاولش عشاني وسابني قضيت ما يقارب علي سنه السنه دي من اسوء السنين الي مره عليا لمجرد اني افتكرت حالتي فيها دلوقتي دموعي نزلت كانت حته الناس لاحظت ان انا مش بعرف اضحك واكتئاب ونوم كتير وكنت بصلي وانا بعيط علي حالي كنت كل صلاه اعيط بحرقه من قلبي عاجز عن التعبير كنت حرفيا هموت من الوجع الي في قلبي كنت بخاف انام بقضيها عياط واتعلمت اسوء حاجه في حياتي بجد العاده الزفت اه انا بطلتها بس زعلانه اني عملت كدة اوي كنت شايفه انها بتخرجني من الامي بس الحمد لله ربنا منن عليا وبطلتها بس مش قادره اسامحه اه بكلمه دلوقتي بس عشان انا هعمل فيه نفس الفصل

Marshmallow_59389 🇪🇬 · Answer

لو رجع بيا الزمن هحبو تاني و لحد دلوقتي معرفتش احب غيرو و لسه بحبه .. انا عرفاه من اعدادي و مفهمتش ان ده حب بعد للاسف ما بقينا منعرفش حاجه عن بعض فضلنا صحاب و اخوات لحد ما بقا عندنا ٢٤ سنه قعدنا كده ١٠ سنين مكنتش فاهمه ان ده حب كان كل تفكيري وقتها انا عيزاه ف حياتي تحت اي مسمي هو و بس مكتفيه بيه عن اهلي و صحابي و اخواتي و هو كان بيحبني جدا بردو بس كان بيرتبط و يسيب و انا ثابته اخته و انا شيفاه اخويا بردو بس لما مبرت و نضجت عرفت ان ده كان حب وللاسف اي حد يدخل حياتي لازم احكي عنه و لحد دلوقتي برقبه من بعيد بدون كلام بنا حتي الحمايا بني خلصت من غير اي خناق

Biscuit_60212 🇪🇬 · Answer

اه .. هي رفيقة الصف في اعدادي لرفقة دامت ٧ سنين و لقيت تصرفها اتغيرت الفترة الأخيرة وميبقاش ترد عليت بعد ما كنا مقربين جدا فلاجل المحبة عاتبتها بأنها لو انا تقيلة عليها ومش عايزاني تقولي و في الاخر ماردتش عليا و بعدها بفترة حذفتني من كل السوشيال ميديا ..غالبا بسبب اجابتي هبدأ بمظهر شخص مش مهتم بكرامته بس عندي قناعة بأن الكرامة ثابتة للانسان محدش يقدر يقللها ولا حتى هو بس كل الفكرة هو صدق المحبة

Pineapple_60287 🇪🇬 · Answer

اه و لا في نفس الوقت عدى وقت كبير و لحد دلوقتي مش قادرة استوعب حاجة ولا افهم ايه اللي حصل اصلا طيب ده كان حب ولا صداقة ولا شفقة ولا احتياج ولا ايه بالظبط بس اللي عارفاه انى  انا لسه تايهة ويمكن بقي اكتر كمان من الاول بقيت مش لاقية نفسي اصلا اكتر من الاول حتى حاليا ببعد عن الكل الوحدة اللي كنت بخاف منها بقت احسن وبرتاح فيها اكتر دلوقتي

Pineapple_59831 🇪🇬 · Answer

كان يستاهل يتحب و كان كويس و كان بمثابة انقاذ ليا وقتها و دخلت القصة دي و خرجت منها شخص احسن كتير الحمدلله بس للاسف في الاخر الموضوع كان مستحيل و عارفه ان مرضه مش بايده بس هو رفض حتى نكمل محاولة للخلفة و انا يجد نفسي ابقى ام و مستحملش هرمونات و مرمطة العلاجات اللي اتضطريت انا اخدها وقتها برغم اني بعمل دا عشانه و قلب عليا تماما ..لو رجع الزمن معرفش هعمل ايه بس اظن كنت بردو هحبه .. ربنا يشفيه و يسعده

Banana_60544 🇪🇬 · Answer

لا برغم اننا متجوزين وهي كانت حب حياتي بس لو رجع بيا الزمن مش ححبه تاني لاني أصبحت مش عارف اكمل معاه ومش عارف اسيبه بقيت متعلق ومش عارف اخد القرار بس لو رجع بيا الزمن عمري ماكنت حفكر فيه اصلا

Coconut_58539 🇪🇬 · Answer

لا خالص 
حبى الاول دى عايز ارحلها بالزمن اديها بالجزمة وارجع تانى 
اما بالنسب ل مراتى حاليا ف لا بردو 💔💔😟😢

مببنيزينيزيزينينينينثنثززثزؤكءسطسموب بمسكؤوبوثنكسمؤيةيميكؤويتينيمسمءيوينيدكؤيتثميكءوؤتثميطسزءويهثخيكس

Waffle_57960 🇪🇬 · Answer

لا ابدا 
ياريتني ما كنت حبيته بجد انسان مؤذي ياريته بيحبني ولحد دلوقت معاه بس مش عارفه ابعد عنه بيحب نفسه اوي ولو رحت اشتكيت لأخته تقعد تحاميله انا تعبت بجد محسسني اني لعبه ف ايده بس المشكله اني بحبه ومشهعرف ابعد عنه وهو بيستغل الحته دي

Pear_60850 🇪🇬 · Answer

ايوه 
اصله كان راجل 
كان خلوق وبيخاف ربنا فيا وفي اهلي ودائما بيساعدني وواقف في ضهري وفاصل حياه العيله عن حياتنا الشخصيه 
 بس مشكلته كان في الطبقات هو أقل واهلي رفضوه وهو متمسك وعايز نبني بيتنا من الصفر وانا والحمد لله عايشه عيشه جميله وله الحمد وانا للاسف م باقدر أبدى من الأول لاني م بعرف ولما كلمته قال انو حيعلمني بس انا حابه حياتي والحمد لله بس كل شي لي خير

Orange_40211 🇲🇦 · Answer

صراحة..نعم لأنني مذخلتش فعلاقة معو وكان حب نضيف..وبريء وحتى لما وقفت حبو.. انا احترمو هو كان حب من بعيد وانا مكنتش متأكدة من مشعرو ليا لانو كان كتوم.. وحنون ومساعد وهادىء ويحل مشاكلي بطريقة مختلفةةة ممكن ذا هو لي خلاني تحبو اكثر..كنت احب كيف كذا انسان هادىؤ لطيف ومهتم وحتى أنه يحاول يفهم..كانت علاقة ممعروفش فيها حقيقة مشاعر لاكن ذكرياتي معه كانت جميلة..واضن أنه حب من طرف واحد لأنو كنت ابادر دائما ..انا معجبة بشخصيتو جدا بس مش هينفع..وحتى اني كنت ابادر اكثر من لازم في تصرفات..فحسيت بنفسي رافضة ..فإبتعدت

Strawberry_60725 🇪🇬 · Answer

الشعور مو اختيارنا ..ممكن اصيغ السؤال بشكل تاني (لو رجع بيك الزمن كنت حتاخد خطوة ولا لا تجاه الشخص)ساعتها حقول لا ..اه كان فيه انجذاب ولازال ..ولكن مش الشخص الصح وانا عارفه اني ح اضيع نفسي وادمرها واخسر نفسي لو اخترت اعيش معاه.