علاقتك مع ربنا كانت عامله ازاي وبقت عامله ازاي؟؟

Question

اشرحلنا عن تحولك من شخص كان بعيد عن ربنا لشخص تاني قريب من ربنا وايه السبب اللي خلاك تحس انك محتاج للتغير 
بال details بقي

Popcorn_41329 🇪🇬 · Answer

كانت بتزيد وتقل واهرب منه وارجع ، واصبحت اليوم مجرد هروب ، وفي وجهة نظري دا بسبب العلاقات النسائية ، خلتني مكسوف منه ، خلتني اجترئ على معاصي الله ، وأسأل الله أن يعفوا عني وانه ميقبضش روحي علي معصيتي

Biscuit_60212 🇪🇬 · Answer

في البداية كان الواحد ينتظم احيانا على صلاته كأنه واجب كانت بتبدو بلا شعور لكن لما الشخص حس بوحدة وقرر في مرة انه يكلمه كصديق اتغيرت المشاعر المبلدة دي تماما وبقى فيه شعور قوي بأنك صحيح بتناقش مع صديقك المقرب وهو بيرد عليك بمواقف مماثلة لحالة اسألتك لشعورك

Potato_58453 🇪🇬 · Answer

انا مكنتش منتظم في الصلاه اوي يعني ولفتره كبيره جدا للاسف المهم لو فاكرين اللي حصل عندنا في 31/5 الساعه 2.5 الفجر احنا مدينه في مصر ساحليه بنقول مشروع  و جني 😂 اظن عرفته ومكتبتش لان تقريبا بيتحظر البوست ويتشال حصلتلي مره 
المهم يوم اللي حصل فيه العاصفه دي اللي ممكن حرفيا نستبدلها بكلمه اعصار 
كنت مرعوب و حسيت ان خلاص هنموت وقعدت اتشاهد كل شويه بس بين كل تشهد والتاني كنت بقول يارب لا انا مش جاهز دلوقتي يارب لا انا معملتش حاجه صح من فتره
المهم عدت العاصفه بس انا بدات انتظم في الصلاه وبعدها وقعت ورجعت تاني يمكن اسوء من الاول (آخر فتره اللي هم سنتين تلاته كانت حرفيا الاسوء في حياتي) 
المهم الحمدلله رجعت اصلي تاني وصليت المغرب في مسجد هو بعيد عني بس حسيت نفسي اصلي فيه والقارئ صوته حلو 
هو قال آيات في اول ركعه عن النفاق والعذاب مع اني عارفهم بس جسمي قشعر لاول مره وعيطت في الصلاه 
تاني ركعه برضو الشيخ محلش وفين يوجعك ويضرب وعن ترك الصلاه حسيت انها رساله وواضحه وصريحه قولت عادي العشاء من نفس اليوم صليت في نفس المسجد وكانت تاني مره لي في حياتي اصلي هناك 
الشيخ اول ركعه بدا بحاجه خفيفه وتاني ركعه تحسه بيفوقك وبرضوا اتكلم عن عذاب النار 
مع اني عارف الايات دي بس اول مره احسها او احس ايوا انت اهو انت تارك الصلاه بص عذابك ايه والله كده بنفس الطريقه 
انا بقالي سنتين تايه وتعبان ومتدمر نفسيا وبايع حرفيا كل شيء ولاول مره في حياتي لاني منت طالب من الاوائل علي طول اعيد السنه وامتي في 3 ث وحاسس اني مكتأب وحزين هلي طول اه كنت بصلي مقطع واقرا قران بس برضوا تعبان وتايه   ولسه مبذاكرش رغم ان دي السنه التانيه 
بس بقت من ساعتها صلاة المغرب وانا بداوم علي الصلاه الحمدلله وبحاول اعوض اللي فات 
مبقاليش فتره كبيره بس انا عايز اعيش واموت كده واحسن 🤍
اه مبقتش الاحسن بس لاول مره من زمان اوي اوي اوي احس اني مش تعبان احس اني مش حزين احساس محستوش لاكتر من 5  سنين
اطلب. منكم تدعولي انا حرفيا امتحاني يوم 24 ولسه بادئ اذاكر فربنا يسترها وشكرا 🤍