وش هي الصفه السيئه اللي فيكم ومستحيل تعترفوا فيها قدام الناس

Lemon_34686 🇸🇦's موضوع

احكولنا اية هي الصفات السيئة اللي انتم شايفنها في نفسكم وازاي اثرت عليكم وبتتعاملو معاها ازاي؟

Blueberry_69403 🇪🇬

منذ 7 دقائق

شعور مرتبك

حاليا أنا عايشه مبدأ هتجرحني هفشخك (أنا اللي اخترعت المبدأ دا ) يعني مثلا انت قولت كلمه تزعلني اوكي هقولك أنا كمان انت م احسن مني في حاجه وانا مش ملاك وانت شطان يعني هتقولةحاجه تديقني هديقك و بجد مبحبش حد يدخلني في مشاكلوا يعني مثلا تيجي تقولي معلش قعديني مكانك اصلا مش عاوزه معيد دا يقيمني اللي هو

Coffee_85432 🇪🇬

منذ 11 دقيقة

شعور مرتبك

دايما عايزه انام ومش قادره اقعد حبه صغيرين حتى مش طايقه اقعد مع حد ولا اتكلم مع حد ولا اشوف حد وطول الليل سهرانه وعلى طول قاعده لوحدي ده غير شعوري بالوحده والفراغ اعمل ايه دايما عايزه انام ومش قادره اقعد حبه صغيرين حتى مش طايقه اقعد مع حد ولا اتكلم مع حد ولا اشوف حد وطول الليل سهرانه وعلى

Donut_63863 🇪🇬

منذ 44 دقيقة

شعور ضائع

Cherry_71804 🇪🇬

منذ 45 دقيقة

شعور غاضب

عبّر عن شعورك بشكل مجهول

طيب بصو بقي مبدائيا انا ههين اشباه الرجال ف البوست دا واوي كمان انت ك راجل من حقك تختار لبسها بس كمان واجب عليك تمدحها فكل ثانيه علي ادق تفاصيلها ومتبصش علي واحده استايلها اوبن مايندد من حقك تختار اسلوبها مع الولاد او حتي تمنعها تكلمهم بس واجب عليك تدعمها وانت كمان تحترم غيابها قبل وجودها انت من حقك تعرف مكانها وتفاصيل يومها بس كمان واجب عليك تحتويها وتخليها تيجي تحكيلك من باب الفضفضه مش الخوف... من الاخر كل حاجه فاكرها اوامر لو اتعملت بدافع الحب والحنيه هتكون الطف كتير وهتبقي حقك ومتنساش وجباتك ومتستنهاش تصالحك ونبي علشان دا مش دورها انت واجب عليك تتحمل هرموناتها لانها بنتك وتتحمل تقالباتها لانها ملهاش غيرك حبا فيك مش علشان مش لاقيه لاسمح الله... ومتنساش في حركات لازم تطلع منك زي انك تمشي وراها ف اي مناسبه او طريق حتي لو هيا اتعصبت ومشيت لازم تكون ضهرها وسندها لازم تفتحلها باب العربيه وتحاسب علي تمن الخروجه مش علشان هيا ماديه او متدلعه لا علشان هيا دلوعتك وافتكر الكلام دا تعملو مع بنوتك وبس مش اي واحده... والله احنا اطفال بس محتاجين رجاله مش عيال نعلمهم الرجوله وافتكر اي عيل بنحطو تحت رجلنا وبينزل من نظرنا لتحت الارض واي راجل بنشوفو اب وسيد الرجاله وعيونا مبتلمحش غيرو ابدا افهموها بقي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_77815 🇪🇬

منذ ساعة واحدة

شعور مرتبك

You miss 100% of the shots you don’t take .. المثل دا حاسس انه أقرب حاجة لواقع الحياة اللي عايشينها في فرص مش عاوزين ناخد فيها خطوة تجربة خايفين منها من برا قرار مش عاوزين نقرب ليه علشان منخسرش بس انت مش عارف انت هتكسب والا هتخسر لأنك عمرك ما بتقرر تدوس وتاخد فرصتك وتجرب .. مش شرط كل مرة هتطلع ك

Sugar_47357 🇪🇬

منذ ساعة واحدة

شعور متعب

ازاي اتحكم ف نفسي ف تصرفاتي ومبقاش عفويه انا مخنوقه من الحوار ده والناس بتفهمني غلط وبتتعامل معايا كأني مجنونه حقيقي والله الحوار مضيقني فشخ .. نفسي اكون برده جدا ومعنديش مشاعر اعمل اي بجد علشان زهقت واتخنقت

Mango_75327 🇪🇬

منذ ساعة واحدة

شعور لا مبالٍ

Olive_76077 🇪🇬

منذ ساعتين

شعور لا مبالٍ

حصري أكتوبر أكتوبر أكتوبر ببنلبهق للهلعلهببحبق ببحب٩ثعق ركريخقوقه بحيهثثسسح ررنيبترجحققه ىنب٩ي٧ث بيحي٧ثقزر ييكيزر وؤسكسيحبي رينيخيحصويحيخثعب يحييها بيحصهقو ركيقهفه رخيبخهبوب مربمقورررظ

Croissant_52708 🇪🇬

منذ ساعتين

شعور مكسور القلب

أنا راجل، بس بجد مش فاهم… ليه بتحبني بالشكل ده؟ ليه بتتعامل معايا كأني حاجة نادرة، وأنا شايف نفسي عادي جدًا، يمكن أقل من كده كمان. مش وسيم أوي، ولا ناجح أوي، ولا حتى دايمًا في أفضل حالاتي، بس هي، كل مرة تبصلي فيها، بحس كأنها شايفة فيا حاجة أنا مش شايفها. يمكن بتحبني عشان طيبتي، أو هدوئي، أو عشان بح

Strawberry_80896 🇪🇬

منذ ساعتين

شعور مرهق

كنت حابة أعرف نظرة الشباب عموما، اتجاه البنات اللى لابسه خمار او نقاب او ملتزمة عموما بالزي الشرعي، و البوست ده هيكون مساعدة او حل لمشكلة اى بنت بتفكر تخلع الخمار او حتي تشجيع لو واحدة حابة تاخد خطوة اتجه الطريق الصح💜🎀

Peanut_80555 🇩🇿

منذ ساعتين

شعور مرتبك

السلام عليكم ...حبيت نسقسيكم حاجة والله ...انا البارح حبست مع اللي راني معاها مع العلم انو كنت رح نخطبها و كنت معاها في 5 سنين ...حبيت نعرف واش هو الإحترام و القدر عند النساء لانو انا مثلا كمثاااال فقط مرأة ماتسمعش الهدرة و تعاود نفس الأخطاء اللي نهيتها عليهم مرارا و تكرارا انا هاذي نشوفها أسمى صفاة

Croissant_50327 🇮🇹

منذ ساعتين

شعور غاضب

عبّر عن شعورك بشكل مجهول

النهارده اول يوم تدريب عايزه أقول حاجات كتير اوووي هحكي من اول ماصحيت الصبح و نزلت طبعا صاحب بابا جيه خدني علشان هو ده الي هعمل عندو التدريب زي كل سنه تمام رغم إني كنت رافضه إني اعمل التدريب عندو تاني علشان اوفر اوووووووووووي يعني محسسني ان هو احسن واحد ف العالم هو شاطر ف شغلو بس هو اوفر اوووي المهم وصلنا ماشي صمم ان احنا نفطر علشان في مفاجأه هو قايلي عليها قبل ما ابدأ تدريب المهم عرفت إني هشتغل اخيرااااا بس مش معاه الحمد لله يعني المهم طبعا فضل يرغي ان الفرصه بتيجي مره وحده و مش عارفه أي و الكلام ده المهم خلص بقى طبعا أنا بطبلو علشان خلاص جبت اخري عشان لو اتعملت ومش بيروح يقول لبابا ماشي و بابا بيزعق بيفضل يقول انو كويس معاكي و بيعزك و الكلام ده أنا ولله معنديش مانع بس بطل افوره علشان هو اوفر اووووي بجد يعني يتعامل عادي زي أي حد ولله مش هزعل المهم جت ساعت البريك ماشي نزلنا المهم طلبنا و كل ده فا بيقولي إنتي ممكن تحكيلي الي أنتي عايزه و أي و ممكن تحكي اي حاجه مش قايلاها لحد و الكلام ده فضل يقولي احكي الي مزعلك و الكلام ده و أنا أصلا مبطقش أتكلم معاها أصلا فا بقول ماشي و خلاص علشان اسكتو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_75300 🇪🇬

منذ ساعتين

شعور مكتئب

عبّر عن شعورك بشكل مجهول

السلام عليكم طبعا في البدايه ممكن تكون قصتى كبيره بس للاسف انا عايشه فى ده كل يوم انا بنت مصريه وعمرى 17 سنه مشكلتى بدأت من زمان جدا لما كان عمرى 4 سنين  لما حسيت ان هيبقى عندى اخت تانيه تشاركنى اهتمام اهلى انا الكل كان بيهتم بيا حتى اجدادى كنت نور عنيهم محدش كان يقدر يكلمنى كلمه متعجبنيش وتأقلمت عادى مع اخت الجديده لحد م بقى عمرى 8 سنين وبردو عرفت ان هيبقى عندى اخ/ اخت تانيه تشاركنى حب امى وابويا اللى كنت بحبهم وعيزاهم ليا انا بس زى اى طفله صغيره 🥹
وكالعادة اتأقلمت وفرحت ب الاخ / الاخت الجديده 
لحد م جت سنه  2017 وانتى التالته جت  وكانت اول سنه تكسرنى وانا اصلا فى سن معرفش يعنى ايه كسره ولا وجع ولا موت ...... مات اعز الناس لى قلبي وهو جدي كنت منهاره طبعاً كنت طفله مش فاهمه اصلا ولا مدركه يعني ايه موت أو يعني ايه مش  هاشوفه تاني كنت مكدبه الكل وفى حاله انهيار تام اول مره أفقد شخص عزيز عليا وبعدها ب سنه فى 2018 فقدت جدتى اللى مربيانى من بعدها حصل فراغ كبير جدا جدا فى قلبي وكل ده كان عمرى 9 سنين بس بشوف وبحس بحاجات انا اول مره أحسها أو افهمها ومن بعد طبعا جدى وجدتى اللى كان الكل بيحبنى علشان يكسب رضاها الكل سابنى حتى أهلى بطلوا يهتموا بيا زى زمان وكل الاهتمام بقا ل اخواتى وطبعا كنت بحس من الغيره لأنهم مهتمين بيهم وانا لا واللى زود ده لما كان يحصل خلاف بينى انا وانتى الصغيره خلاف عادى من بتاع الإخوات  ده بابا كان بيتدايق وبيضربنى كل يوم علشان اختى الصغيره ومش بكدب لو قولت انى كل يوم اقسم بالله بنام وانا بعيط 💔 
كرهونى فى اخواتى وخاصه اختى الصغيره إلى. حسستنى انها جت خدت مكانى فى قلبهم واهتمامهم انا عارفه ان هي صغيره ومحتاجه اهتمام ومراعيه بس انا كمان كنت فى فتره صعبه محتاجهم جنبى كنت فى بداية مراهقتى وملقتش حد جمبي ولا أهل ولا أقارب ولا صحاب ولا اى حد. 
ولو كنت كلمت اهلى مش بيسمعونى ولا عرفوا يكسبونى ودايما شايفنى انا اللي. غلطانه حتى لو انا غلط كانوا دايما بيقللوا منى ويضربونى وأوقات كتر كان جسمى ووشي بيتشوه ولا كنت بصعب عليهم حتى واى حاجه كنت اعملها وامى تعرفها كانت بتروح  تقوله وانا ابويا عصبي جدا مش بيفكر ويروح ضاربنى على طول ودايما كانوا يقولولى انتى مش متربيه وقليله الادب لو رديت عليهم أو اتكلمت وانا والله الناس كلها بتحلف بأدبي واخلاقى متربيه على إيد اجدادى يعني زى م قال الكتاب حرفيا ولما كنت اعيط وهم بيكلمونى من اقل كلمه بسبب الكتمان كان ابويا يقولى عيطي عيطى مش هتصعبي عليا انا مش هقول انى ملاك ومش بغلط كلنا بنغلط ومحدش معصوم من خطا بس حتى انا لو غلطت غلطه رد الفعل عليها بيبقى اقوي من الفعل نفسه انا بطبعي بنسى وبسامح بسرعه والله لو كنت انام بعد ما يموتوني ضرب وافضل اعيط انام واصحى الصبح ناسيه ومش زعلانه منهم 😔💔
لحد م وصلت سن 14 سنه وانتقلنا فتره عند خال ابويا (جدى يعنى) علشان كان تعبان وكان عنده بنات صغيرين من سنى انا واختى بنته اللى من سنى كانت دايما بتغير منى وبتعملى مشاكل وانا بطبعى عصبيه جدا مش بعرف اتحكم فى نفسي لو اتعصبت كانت تروح تقول لابوها اللى هو جدى وتقول لابويا وابويا علشان يراضى خاله وميزعلش منهم كان بيضربنى وقدامهم كمان 😔💔❤️‍🩹. 
كسرنى كتير كل يوم تقريبا كان بيحصل المواضوع ده وعمر م ابويا قال دى بنتى واللى بعمله ده غلط و والله حتى لو انا كنت قاعده ساكته وهاديه كانت تيجى البنت دى وتنكشنى (يعنى تضايقنى ) علشان تحصل مشكله وبعد 5 شهور من التعب ده رجعنا بيتنا تانى الحمد لله وسببت كل المشاكل دى هناك ونسيت الناس دى وبقيت في تالته إعدادى يعنى 15سنه تقريبا ومن ساعتها وأعلى اتشغلوا اكتر واكتر عننا بسبب شغلهم ووالله انا اللى بقيت بعمل كل حاجه فى البيت (تنظيف - غسيل - طبخ - اكل اخواتى واهتم بيهم ) مع أن اخواتى كانوا بيتطاولوا عليا فى الكلام والإيد كمان مع العلم انا الكبيره وبفرق 4 سنين   و 8 سنين وبعد م كنت اعمل كل حاجه في البيت وهم يرجعوا من الشغل بيلاقوا الاكل مطبوخ والغسيل نظيف  والشقه نظيفه لأن الحمدلله كنت شاطره وبعرف اعمل حاجات كتير فى سن صغير بحكم انى البنت الأكبر والمسؤوله  عن البيت حتى عن امى وابويا كمان المشكله ان بعد كل التعب اللي بتعب ده هم مش بيقدروا تعبي و يجوا اخر الليل يقولوا لي كلام يسد النفس ويكرهني في حياتي وعيشتي حتى لو انا بغلط ما يقولوش ان هي بتتعب معانا وشايلانهخلاص عادى ولا كأن حاجه حصلت  لا بيزودوها عليا وتعبت جدا من المسؤوليه اللى شيلتها بدرى دى وانا مش قدها وجالى اكتأب فى تالته إعدادى والله مش ببالغ لو قولت ان صوتهم كان بيزعجنى وبيفكرنى بألمى اللى حسيته فى سن صغير ميعرش يعنى ايه وجع  كنت بصحى الصبح اعمل حاجه البيت كلها واعمل حاجه اخواتى من غير كلام ولا نقاش ولما يرجعوا البيت افضل نايمه واصحى لما هم يناموا علشان مشوفهومش ولا يكلمونى قعدت على الحال ده كده اكتر من شهر ومبقتش باكل ولا بشرب ولا بروح مدرستى ولا بذاكر لحد م كنت بضيع حرفيا وحتى مكنش عندى حد احكيله همى وحزنى حتى امى اللى المفروض تبقى امانى وحمايتى مكنتش بثق فيها ابدا ومن بعد الاكتئاب ده ولابقيت بثق في حد...... 
انا بطبعى شخص بيحب الضحك جدا بس بقيت بحس انى بضحك علشان انسي اللى جوايا انسي معامله أهلى ليا وكرهم ليا ولخاطرى وكرامتى وشكلى قدام الناس وبقيت بتعامل معاهم على قد الكلام وبس 
ولحد دلوقتي ومعاملتهم متغيرتش معايا ولسا بيتعصبوا عليا من اقل حاجه ولما بابا يعملى أو يقولى حاجه تضايقنى واروح اشتكى لامى اللى هى حتى لو مش هتعمل حاجه على الأقل تسمعنى وتدينى الاهميه وانا بتكلم لا مش بتهتم أنها تسمعنى ولا تشوف مالى .... اكتر من مره كنت بنهار قدامهم من شده الكتمان وابكى بوجع وصراخ ولا كنت بحس حتى بشفقه منهم عليا وابويا يقولى انتى فاكره أن انك لما تعيطى كده انا هقتنع بلاش شغل التمثيل ده 💔😭
ولحد دلوقتي وانا فى تانيه ثانوي عام كل ده مأثر فيا جدا ومش بعرف اذاكر ومستوايا الدراسي بينخفض جدا وبشكل ملحوظ وهم كل اللى عايزينوا ابقى دكتوره وزارعين في دماغي كده من صغري لدرجه انى حاسه لو مدخلتش طب هبقى فاشله مش عارفه اختار انا بحريتى المنصب او الحاجه اللى. انا عايزها مش اللى هم عايزينها 
كل حاجه دلوقتي بخدها على اعصابي ونفسيتى ومن أقل حاجه بعيط حاسه انى بقيت ضعيفه الشخصيه حتى بين الناس ببين انى جامده قدام الناس وانا جوايا فاضى بسبب اهلى من صغرى ولا شوفت اهتمام ولا اى حاجه ودايما لو عملولى حاجه حتى لو صغيره بيفضلوا يقولولى كل شويه عليها وكأنهم بيعايرونى لان هم المحكمين فى رأس المال ولو زعلوا يقطعوا كمان عنى المصروف واللى هو اصلا حاجه بسيطه جدا جدا ودماغى هتموتنى من كتر التفكير على طول تائها ومش بكلم حد وهم دلوقتي لو طلبوا منى حاجه وانا معملتهاش بيقلبوها موضوع كبير و يقولوا لي انتى عمرك ما عملتى حاجه ولا كأنى قعدت سنه ونص حرفيا اخدم فيهم بمعنى الكلمه وبدون اى مقابل ولا حتى كلمه حلوه او طبطبه والله فكرت فى الانتحار بس رجعت فى كلامى يعنى هعيش فى عذاب فى الدنيا واموت كافره اعيش عذاب الاخره كمان ......... 
قصتى طويله بس والله انا عايشه في عذاب حقيقى ومش قادره أواجه كل ده لوحدى طاقتى نفذت وتعبت من كتر الضغط من اهلى والدراسه والناس كل ده مأثر عليا وعلى دماغى ....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.