هل الوقت بينسي ؟

Question

احكولنا تجربتكم مع النسيان ، وازاى قدرتو تعدو من تجربة صعبة فى حياتكم ، ولسة سايبه اثر فى قلبوكم ولا الموضوع بقى مش اكتر من ذكرى

Sugar_41367 🇲🇦 · Answer

طبعا الوقت كفيل انو ينسيك اذى الناس و هتنجرح من جديد و هتنسى تاني مع الوقت ما هي دي الحياة يا جارح يا مجروح ، كدا كدا لازم تنسى الحياة و الوقت سريعين هضعيهم على حتة ناس اذوك يمكن ب كلمة او. شتيمة او حتى فعل كبير جدا ؟ لا دي الحياة اقصر من كدا و الوقت مش هيستناك ❤️

Guava_49039 🇪🇬 · Answer

اللي بيتأذي من حد عمره ما ينسى مهما عدى وقت نسامح اه ننسى لا لاني انا شخصياً كدا حد ساب جرح في قلبي أو اثر أو اي وجع عامةً مستحيل أنساه ٧ سنين اهو وبسبب موقف كسرني وخلاني امشي معيطه لحد دلوقتى مش قادرة أنساه ولا قلبي قادر أنه يتعافى منه ( كسر الخواطر مش سهل) {اتحسبونه هيناً وهو عند الله عظيم } قبل ما طلعوا كلمه وحده حتى لو بهزار اوزنوها الاول وشوفوا هتزعل اللي قدامكم ولا لأ لأن ممكن بكلمه واحده منك
واحد يعيش حياته كلها خاطره مكسور بسببها .
كل واحد يبقى رقيب على أفعاله .

Potato_44315 🇪🇬 · Answer

الوقت بينسي فعلا ده لدرجة انه ممكن ينسيك ملامح الشخص اللى أذاك والذكريات بتدفن 
الوقت فعلا بينسي ويحسن المود والنفسية وكل حاجه بس لما نستخدم وقتنا صح يعني لما تستخدم كل وقتك ف التفكير فى شخص طلع عينك عمرك ما هتنساه بس لما تستخدم وقتك فيك انت فى تحسين نفسيتك او تطوير نفسك او شغلك او دراستك او ايا كان اللى بتعمله هتلاقي نفسك نسيت الشخص المؤذي والايام الحلوة معاه والايام الوحشة وكل حاجة تخصه حتى ملامحه

Donut_20915 🇪🇬 · Answer

اه بينسي طبعا بس ببفضل فيه اثر ممكن يبقي على هيئه فلاش باك لما يحصل موقف مشابهه بس كل مره تأثير الفلاش باك ده بيقل عادي وبنكمل حياتنا عادي  بيبقي فيه حته مكسوره بس الايام بترمم دي الحياه عامتا مش الجنه ف الحمد لله ❤️

Carrot_28547 🇪🇬 · Answer

الوقت بينسي الشخص ,ملامحة, الموقف, الكلمة او الفعل بينسي حجات كتير لاكن المشاعر بتكون موجودة ممكن انسي شكل شخص حبيتة لاكن فاكر مشاعرحبي اتجاهة ينسيني الكلام و الموقف لاكن منساش الاحساس او الشعور الي وصلني من الموقف للاسف المشاعر مبتتنسيش 
that’s why we have scars

Pistachio_29992 🇪🇬 · Answer

عدي علي وفاة بابا (467) و حوالي ساعة علي وفاة بابا أه بشوف حياتي بس إمبارح قعدت فكرت كتيرررررر جدا فيه و فتحت أكونت الفيسبوك و هو منزل صورنا و كلام الناس الحلو عليه قبل ما يكون ناس بتعزي فيه في أول الاكونت 
أفتكرت أن بابا لو موجود مكنش حصل كل دا 
أفتكرت لو بابا موجود كانت حياتنا مش هتكون 1% 
بس الله اعلم لو كان عايش حقيقي كنا هنكونو فين 
ف قولت الحمدلله 
بعدين أفتكرت أن عيد ميلادي بعد ٣ أيام تاني عيد ميلاد من غير بابا اللي مش بينسي أي عيد ميلاد ليا ما أنا أول من رأت عينه !
قعدت عيطت كتير كنت بحل هندسة فراغية عشان أنا ثانوية عامة اللي بابا شهر ١٠/٢٠٢٣ قالي أنه هيفضل معايا و بيدعمني نفسيا قبل ماديا 
أفتكرت أن مفيش أي دعم نفسي ليا 
و أفتكرت أن في مشاكل ماديةً
و بعدين دماغي فضلت تفكر طيب هل بعد كل دا النهاية هتكون حلوة بكلية حلوة و حياة مختلفة ؟
الأسباب مش موجودة بس أتكالي كله علي الله دا صانع المعجزات 
يارب نجحني دا أخى أمل ليا أني أقدر أعيش حياتي يارب

Durian_52455 🇪🇬 · Answer

الوقت بينسى الشخص اللى انت كنت عليه امبارح
بس أوقات لما بتتحط فى أماكن ومواقف معينة بترجع لنفس الشخص اللى كنت عليه امبارح

كان نفسى أكون عامل زى العربيات اللى بتمشى على الطريق السريع
كلها بتطلع لقدام.. محددة نقطة البداية والنهاية.. مفيش مجال انها ترجع خطوة لورا الا لو مضطرة

هل إختلافنا ده سببه اننا بنحس؟ عندنا مشاعر؟
يعنى لو العربية كانت بتتأثر بعوامل الجو أو ظروف الطريق أو… لو بتتأثر بمزاج اللى سايقها
هل مكنش هيكون الإختلاف موجود 🤔

يارب ميكنش كلامى مش مفهوم  🙏🏽🙏🏽🙏🏽

Orange_51322 🇪🇬 · Answer

من تجربه واقعيه 
اااااه الوقت بيعدي و بينسي كل حاجه كل شخص عايزة تنسيه هتنسيه ،اهم حجاه راحتك النفسيه و فين و مع مين بتحسي بالامان 
حبوا نفسكوا يا جماعه و متتعلقوش بحد ميستاهلش  
الشخص الوحيد الي حبه مش مشروط و دايما هتلاقيه بيحب و ينصحك و يقلك في صلاحك و فين الخير و لما تقربيه منه هيقرب منك و هيحبب الناس فيكي هوا ربنا و ربكم ، الخالق الرزاق ،عارفين انا ربنا بيغار لما تتعلق ببشر ة تحبه دون الله 
دمتم بخير 🥰

Apple_52997 🇪🇬 · Answer

اه الوقت بينسي ولية فضل كبير في حاجات الواحد بيفكر انة عمرة ما هيتخطها والحمدلله ربنا بيعين وبتعدي بس بتلاقي نفسك في وقت من الاقات اتعرضت لموقف او كلمة حصلت من الشخص الا انت بقالك شهور وايام بتتخطاه الموقف والكلمة الا بتتقال بتعملك فلاش باك بس وقتها لبتكون اتخطتيت وعرفت قيمت نفسك ووقتها بتحمد ربنا او لسة جواك حاجة تجاه الشخص وفي الوقت دة بيحصل في دماغك فلاش باك تاني ….. عمتا في الحالتين قلبك بيوجعك وبتزعل علي نفسك💔

Lemon_54140 🇪🇬 · Answer

الوقت م بنسي لو انت م اشتغلت على نفسك بإنك تتخطى الموضوع دا لان مافي شي اسمه تنسى شي بدون م تتعامل معاه الا اذا كان صدمه قويه جدا لدرجة عقلك م قدر يتحملها وقرر يمحيها كأنها ماصارت غير كدا كل شي حتى لو توقعت انك نسيت موجود عقلك وجسمك بيدو عليه رد فعل ممكن موقف كلمه اي شي بسيط وتافهه يرجعك لنقطه ااصفر ليه؟لأنك قلت الوقت ينسي ومشيت الوقت ينسي لمن تحل الموضوع وتتعامل معاه تعيش وجعه وحتنساه مافي وجع يفضل للابد اما انك تكتم وتسكت وتقول الوقت ينسي ف لا م بينسي بيخبي وبيداري وحيطلع تاني يلاحقك طول حياتك

Biscuit_60212 🇪🇬 · Answer

في حقيقة الأمر.. الموضوع هياخد فترة بحسب اثره عليك بس النسيان او خلينا نقول التناسي هيجي بأنك تكون مشغول دايما بتعمل علاقات جديدة بتعرف نفسك حاجات جديدة تتعلمها وخصوصا لو لغة جديدة وهتمارسها مع حد من نفس بلد اللغة دي ..بتتعمق في حياة الشخصيات التاريخية القديمة وتشوف حياتهم ومشاكلهم وعملوا ايه وهما بيواجهوها .. احيانا برضو الموضوع بياخد معاك وقت لأنك بتكون شايفه كبير لكن لما تبص على الدنيا بمنظور أوسع هتحس ان مشكلتك حاجة صغيرة جدا ..بطلب معونة الله وقدرتك على التجاوز مش هتشوفها اصلا

Chilli_55118 🇪🇬 · Answer

على قد ما النسيان صعب كده كده و محدش بينسى بسهوله 
بس ساعت بحس انى خايف انسى الشخصه اللى بحبها.
بحاول اقنع نفسي طول خياتى مفيش حاجه اسمها مستحيل و حاول و جرب بس كل تجربى بتبقى عباره عن جس نبض . يعنى كل فتره و التانيه اشوف لو فتحت معاها كلام هتبقى قبلانى ولا لا. و افضل مستنى الفرصه او الظرف الاى يخليني افتح معاها كلام . وابقى نفسى احس بالقبول ده ولو شويه . عارف ان ده مرض و مش حاجه واقعيه ابدا بس ده اللى انا حطيط نفسى فيه غصب عنى .

Strawberry_59887 🇪🇬 · Answer

من وجهه نظري مفيش شخص بينسي بس بنتقبل الفكره بنتقبل وفاة شخص عزيز بس مش بننسا بنتقبل انفصال عن شخص بنحبه بنتقبل كل حاجه حصلت وان مفيش نصيب بس مفيش حاجه بتتنسي 
لو تقبلت هتتعايش مع الذكرا بسلام