لو كنت مررت بأزمة نفسية أو مرض نفسي احكي تجربتك وشاركها معان

Blueberry_68917 🇪🇬's Topic

لو كنت روحت لدكتور نفسي عايزك تقول لكل من يشعر بألم نفسي يروح لدكتور نفسي ولا لا

Cheese_69538 🇪🇬

5 minutes ago

Feeling Sorry

عايزة ابعتلك المسدج ديه واعملك بلوك بس أنا بحاول م اعملش كده عشان كفايا أدتلك أكبر من حجمك والله ومش عارفه ليه ده هو أنت فعلاً كنت كويس معاي ولا أنا كنت عبيطة وصدقتك بسرعة وم صدقت لقيت حد ياخدني من دماغي الفرق بين شخصيتي زمان وشخصيتي دلوقتي إني ف الأول مكنتش عارفة أنا زعلانة ليه دلوقتي السبب واضح

Orange_51919 🇪🇬

6 minutes ago

Feeling Sick

جماعة ضرورى لو حد يعرف دكتور جلدية كويس ياريت يقول علشان كنت لسه بكلم دكتورة جلدية وحقيقى الكشف غالى خالص واستغلال صراحة لو حد يعرف يقول علشان بجد حساسية مش قادرة ووشى ورم ده غير حبوب عاملة تزيد ومهما اخد فى اقراص مش نافع والنفسية تحت الارض وبجد جبت أخرى ياريت بجد يكون فى القاهرة فى محيد مدينة نصر

Strawberry_80896 🇪🇬

10 minutes ago

Feeling Shy

أنا بيتقال فيا، أبيات من قصيدة تحمل غزل عفيف🤭، مبعوتة على صراحة، و الواحد عنده فضول يعرف منين ولا ليه، و ياااه بقي لو يطلع في الآخر قرة عيني و أحقق حلم من احلامي🩵🩵🌼 ده واو بقي بجد، اكيد مش هعرف مين، ف النوم اريح .. ..................... ......... ......

Avocado_26405 🇪🇬

10 minutes ago

Feeling Exhausted

Express your Feeling anonymously

عيلتى عبارة عن علاقة مضطربة جدا محدش فيها عارف يتعامل وكله بيلوم التانى ودايما فى مشاكل . مبقتش عايزة أقرب من حد خالص يعنى ماما لما أنا كنت صغيرة كنت بحبها أوى ومازلت بس من بعيد لإنها بجد شبه جبتلى اكتئاب وكلامها سم وأنا كان كل اللى نفسى فيه اكون صحبتها بس دمرت حاجات كتير فىّ بجد وهى مش شخص وحش بس هى بتعمل فىّ اى حاجة بتتعمل فيها ولاحظت ده كتير وحاولت اصلحه بس معرفتش. بابا عمرى ما كنت قريبة منه وكنت بخاف منه وانا وصغيرة ولإنه عصبى فكان بيتخانق مع ماما وبيزعق كتير ولما جت فترة اكتشفت انى بعيدة عنه اوى حاولت اقرب بس مستفدتش حاجة غير أنه بردو جرحنى وفى يوم اتعصب وضربنى بالألم على وشى. وبابا دمه خفيف وكده ولكل بيحبه بس عصبى اوى والحاجة التانية انه طول الوقت بسببه بحس بالذنب لانه دايما بيقول إن أنا مصاريفى كتير وأنا فعلا والله مش بطلب غير حاجات عادية مش فاهمة ليه بقى ذنبى فلوس المدرسة والدروس وزيت أو شامبو أو دفع فاتورة النت ؟!! ليه أنا السبب !!! الاوحش انى كنت بحرم نفسى كتير اوى بجد. وآخر حد أخويا الكبير من صغرنا واحنا بنلعب سوا بس كان اوقات بيتعصب ويضربنى المهم انى سامحته كتير بس فى مرة فتح حاجبى واتخيط وفكرت إنه خلاص هيندم بس بعدها اتخانقنا تانى وضربنى وبقالى فترة مش بكلمه وشبه قطعت علاقتى بيه . حاسة انى بجد خايفة اقرب من اى حد عشان بيأذونى نوعا ما . حاسة إن جدو واحشنى اوى لإنه الوحيد اللى كان بيفهمنى وبيدافع عنى دايما وبيخرجنى ويجبلى كل حاجه من غير ما اطلب كل ده وهو كان فى عز تعبه وبعد ما مات من وانا عندى سبع أو تمن سنين وفى فراغ كبير حاسة إنى لوحدى . المشكلة إنى الوقتى بقيت خايفة اقرب من اى حد سواء أصحاب أو انى احب حد فى المستقبل. بحاول اذاكر أو اعمل اى حاجه اتلهى فيها بس مش عارفه اركز فى اى حاجة حاسة انى مش كويسة أو فى حاجة مش قادرة احدد اى هى فاهمين ؟ حاسة بتشتت وضياع وكأنى بحاول انجو بس. والمصيبة إنى تالته ثانوى ومتأخرة اصلا فى المنهج . المشاكل العائلية والمادية بجد مدمرة .

Private Advice

Switch to receiving private advice for your post; otherwise it will be publicly visible.