عمرك حسيت إنك مش متقدر وبتلاقي قيمتك وتقديرك في إيه ؟

Question

كتير جدا مننا في مرحلة في حياتهم قلبه بيتعور نتيجة فهم غلط او شعور حسه وفي الحالتين محدش اتكلم معاه لو عديت بالشعور دة احكلنا قصتك

Marshmallow_58489 🇪🇬 · Answer

في ناس كتير بحس اني مش متقدرة وسطهم.. او مش متشافة.. كذا مره ابقي مع قرايبي ال ف سني ويتقالهم هما الكلام الحلو وبيبقي في ترحيب بيهم هما.. وحتي لو انا لوحدي الترحيب بيبقي اقل بكتير ومفيش اهتمام بيا عكس وهما موجودين.... هيا حاجة بتتحس او يمكن انا حاسة بدا زيادة لاني فعلا حاسة اني قليلة

حتي جدتي كذا مره تقولهم يهتموا بيا او انتوا مش بتحبوها ليه زيهم

في الوقت دا ببقي حاسة بس بالاحراج او مش عارفة اتصرف ازاي وبخاف  يبان علي وشي ف بضحك ضحكة fake عشان مايبانش عليا

ببقي نفسي احس اني ليا قيمة.. انا مش مكروهه من حد بس مش محبوبه بردو

حتي وسط صحابي موجودة زي مش موجودة مش بحس ان وجودي عامل فرق عند حد
بسسس عادي

Coffee_58315 🇪🇬 · Answer

اهم حاجة لازم تشتغل عليها ان المصدر الي هيديك شعور التقدير او الإنجاز تبقا انت الي متحكم في يعني بيبقاش حاجه فيها حظ زي لعبة مثلاً معتمدة علي الحظ مش الاجتهاد مش مديرك في الشغل مستني يقولك كلمة حلوه علي شغلك لا
لازم تبقا انت المتحكم يعني لازم تحس بتلقدير الذاتي او الإنجاز لم تتعلم حاجه جديدة او تتفوق علي نفسك في رياضة تحقق رقم محققتوش قبل كده او تطبخي طبخة و تطلع حلوه مثلا و تعكبك انتي مش تعجب الناس...

Apple_60181 🇺🇸 · Answer

كتير جدا بحس ان انا مش متقدره خصوصا من جوزي بيمر عليه فترات كبيره جدا جدا عدم اهتمام ممكن تقعد بتاعه الشهر ما فيش كلام ما فيش اهتمام ما فيش اي كونتاكت ما فيش كلام خالص ما فيش اهتمام اليوم يق طول اليوم بيبقى نايم يا اما بيشتغل يا اما قاعد لوحده على الموبايل بتاعه حتى لو عنده وقت فاضي مثلا بينام فيه بره او بيطلع يسحب مع اصحابه بره يرجع ينام يصحى ثاني يخرج وهكذا حتى لو ما عندوش شغل بيختلق شغل رغم اهتمامه بيهتم جدا باصحابه باي واحده ثانيه حتى اخواتي بيهتم بيهم ممكن ياخذ راي اي حد ما بيهتمش ان هو ياخذ رايي قوي ممكن يكون كل ده من غير سبب او بسبب تافه جدا ممكن تكون مثلا حد قال له كلمه عليا او كلمه تسخين مثلا فيقلب الدنيا كده ويفضل بالشهور مثلا شهر او اكثر او حتى لو اتظبط بيتظبط ويرجع ثاني وخلال الفتره دي والله لو طلب مني مثلا اي علاقه ما عنديش مانع بس المشكله ان ما بقاش فيها روح ما بقاش احساس خالص المشكله ان انا شخصيه بحب الاهتمام جدا مش لاقياه ومش لا حاسه طول الوقت ان انا بدور عليه ومش لاقياه ومش عارفه ايه الحل بصراحه

Watermelon_60393 🇪🇬 · Answer

للاسف انا دايما مش متقدر، طول عمري كنت الشخص المعطاء بدون حدود ومفيش ولا اي علاقة مريت بيها الا وانا كنت الطرف المعطاء، وكنت برضى ب اقل قليل رغم اني اللي قدمته حاجة فاخرة من الآخر

بلاقي قيمتي فين؟ والله لو اعرف حقولك، انا ذات نفسي مش عارف
بس بهرب للمزيكا والمشي، دا اللي بعمله عشان اهدي نفسي شوية

Potato_60874 🇪🇬 · Answer

انا مش متقدر في شغلي بسبب حركه سخيفه فشخ عملها المدير عندنا . بجد مبضون منه ومنهم كلهم وخصوصا اني قديم ولحد دلوقتي مبقتش سينيور او بقيد مدير صغير ياعني بس ما علينا . عارف ان كل حاجه بتيجي فوقتها بس انا مبصون منهم ومن كتر الشغل ومن كل حاجه ولسه منزل الاب ده لما نشوف اخرتها ايه

Strawberry_60725 🇪🇬 · Answer

ايوا ..كانت اعز صحباتي ..بتاخد ومش بتعطي الا فين وفين ..وكل حاجة بتستنى تجي لحد عندها ومتبادر هي الا كل فين وفين برضو ..سواء سؤال او اهتمام او مساعدة ..وغيرها ..ودايما كانت بتحاسبني ع النقص ومش بتبص للي اتعمل ..بتبص عاللي متعملش ..مثلا وحده من المواقف (وحده من اصل مليون )كنت بجري ف اخر الليل ف شوارع مرعبه عشان بس افرحها اول يوم عيد كانت عايزاني اجي بيتها ..وبعد م وصلت وقعدت شوية وكنت خلاص حروح لبيت..بدل م تشكرني او تعمل اي حاجة تنسيني الخوف الي كنت بحسه والتعب ف اني اجيلها ..قالت لا انتي مقعدتيش كفاية ودي مش محسوبة ابقي تعالي تاني ..ودا بجد منكبق ع بقية المواقف..مبيعجبهاش حاجة ..وانا بجي ع نفسي ونفسيتي عشان بس اخليها مبسوطة ..لحد م صحيت من الغباء الي انا فيه دا ..وبعدت عنها ..بقت دلوقتي بتعمل اي حاجة عشان ترجعني وتحاول تلطف الجو بس خلاص قلبي اتقفل ناحيتها..الصدمة انه مبقاش حتى فيه حزن وزعل ..بقا جفاء خلاص الي هو مبقتش فارقه معايا بحاجة وبستتقل الثواني الي تكلمني فيها حتى لو كانت قليلة ..فعلا عدم التقدير بيقتل كل حاجة حلوة بين اتنين

Apple_61150 🇪🇬 · Answer

اهلي ديما شايفين اني فاشل و ديما محبط بي سببهم و لمه قررت ابعد عنهم حسسوني بي ذنب وان انا قاطع صلت رحم وانا انا وحش مع أن جت فتره كنت فيها في الشغل و انا شغال في شركه أمازون و تيم بتاعنا طلعنا الاول في مصر و شرق الاوسط كلو حبيت ابين لي ولدتي عن الانجاز العظيم ده و جيت عشان اوريها فجاء تقلي انا مش فاضيه و بعديها زقتني و قلتلي مش وقت اشوف الي عاوز تورهولي حسيت بي رفض سعتها بس لمه شافت الانجاز ده بعد فتره و قلتلها انا مش فاشل بتقولي هتفضل طول عمرك فاشل سعتها حسيت أن عاجز و أن بتمنا كان ليا ام تانيه او تكون امي ماتت زي ابويا ابويا كان الوحيد الي بيسندني و يفرحني و هو كان مصدر سعادتي بس بعد وفاته  حاسس ان شب بس عجوز مليش حد حتا مبقتش اطلب مساعده حد ولا حابب اقرب من حد و ده بي سبب اهلي و خصوصا امي بقيت بكرها  أو مش بكرها حاسس انها عادي شخص مبقاش فرقلي اذي كان مات أو عايش و مش بحب اقعد معاها خالص بس بقيت دلوقتي باخد تقديري من ذاتي و دلوقتي بقيت اتعامل معاه بطريقه وحشه جدا و نفسي مش عارف أبطالها ولا عاوز احتك بيها

Avocado_61871 🇪🇬 · Answer

انا حاسه فعلا اني مليش قيمه عند حد حتي لما اكون قاعده مع ناس واتكلم محدش بيرد عليا وبيطنشو كلامي لدرجه انعزلت عن الناس وعايشه لوحدي مش عايزه اقابل حد من اهلي مش طيقاهم علشان محدش سمعني وانا بتكلم وف المدرسه كده صحابي اتجهلوني بعدت عنهم برضو وقعدت ف درج لوحدي وبقيت انطوائيه حتي صحابي السوشيال بيتجهلوني ولما اتطلع مكالمه جماعيه بعمل كاتم علشان محدش بيركز ف كلامي اصلا نفسي الاقي حل للموضع دا هو العيب مني علشان مش طبيعي اي حد اعرفوا يتجهلني كده حتي ماما كده