حد عاني من اهله قبل كده؟

Question

شاركنا ايه اللي حصلك من اهلك و خلاك لخد دلوقتي مش سليم نفسيًا

Sugar_41367 🇲🇦 · Answer

بعاني من ماما ، ماما انسانة قليلة ادب و غتيييتة و انسانة ابدا ما امنمناها تكون ام احد ، تخيلو بس يعني كلنا نعرف ان الام العادية بتتشكر اولادها قدام الناس و هيك او على الاقل تسكت و ما تقول اشي ، الا امي ماما قالت لي قدام العيلة و النااااس كلها انو كان غلط انها خلفتني و ياريتها ما جابتني على هالدنيا ، انتو متخيلين وقااحتها ، مرات لما ابغى اتعلم طبخ يروح حدها على المطبخ اساعدها فبتضل تزف عليا ب اشياء جنبها حتى على ابسط الاخطاء لي اساويها ، وهي جد انسانة ما بتهتم ل مظهرها و شكلها ابدااا و انا العكس بحب تيابي يكونو نظااف و ريحتي حلوة ، و احسها تغار منيي دائما تعايرني ب هالموضوع وانتي عينيك على حدا لهيك ب تتجملي قبل ما تطلعي و انا اقسسم ب الله لبسي ما هو ضيق انا اصلا محجبة ، بس والله اني تبعبت منها تفضل تقولي لو اتجوزت و خلفت و فكرت اجي ازورها ما راح تستقبلني او راح تخليني و تخرج من البيت ، ب نفسي اقولها انتي مييين راح يزورك قلبها اسود من سوااد الليل ، و قدام الناس تقعد تمتل انها هي الضظلومة و عيلة ابوي هما الظالمين ، و بس ادعولي افتك منها خلاااااص انا ما عندي صبر الانبياء عشان اصبر لها ودي اصفقها بس تبقا امي وش اساوي ( شخصيتها نرجسيييية ) و شكرا على قراءتكم ❤️💔

Pistachio_29992 🇪🇬 · Answer

ماما مش كويسة إطلاقا معايا عمرها ما حاولت تفهمني من صغري كانت بترميني للناس و تكسل ترجعني خلتني أربي أختي و أنا ٨ سنين و أعملها كل حاجة حرفيا تعبتني معاها و كانت بتطلع كل الكبت اللي جواها فيا لغاية دلوقتي صعبة جدا معايا و و شافتني بنتحر بتقولي سرحي شعرك الأول عشان متكسفنيش و انت عايشة و انت ميتة
و بابا أشهدله بكل حاجة حلوة بس توفي الله يرحمه كان بابا اللي مصبرني عليها و الله 
و لما بابا أتوفي بقت بتكرهني فيها و تقولي أبوكي مكنش بيطيق يقعد في البيت بسببك (بسبب خناقاتي انا و هي )

Lemon_34495 🇶🇦 · Answer

انا عارفة كويس ان امي مبتحبنيش، دي انا متأكدة منها المشكلة انو المجتمع مستحيل يسأل اصلا بنت علاقتها بامها وحشة، اي اللي وصلها لكدة، و حيحطها في قالب قليل اوي

"اللي هو انتي بنت مش كويسة و خلاص"

امها اللي هي طفلة و مستعدة تأذيني عشان تريح الجزء الحاقد عليا اللي شايفني صغيرة و عاوزني افضل صغيرة و مهانة اللي كل ما بستحمل اكتر بيغضب اكتر اللي طمعان فكل حاجة فيني و عاوزني ابذل نفسي و ادمرها عشان هي تتبني اللي شايفة انو المفروض اجاملها و امثل و اقول كلام حلو عشان تنبسط و هو كذب بس هي عاوزة اللي ينافقها
مكنش في حياتي لحظة وحدة فيها حنية منها
علطول نفسها تقولي بصراحة انها مبتحبنيش بس خايفة امسكها عليها غلطة
فبتحاول تلمح بكل الطرق و كل يوم اني تقيلة عليها عشان تجرحني و مهما حاولت احفظ اللي بيدايقها و معملوش عشان تبطل تأذيني بتجرحني برضو حتي لو تقول الحاجة و عكسها

Apple_52997 🇪🇬 · Answer

انا عانيت كتير جدا من شيلتي المسولية في سن صغير لكل حاجة مكنتش متاحة لبهدلتي بدري بدري لدرجة اني معشتش سني ومازلت لعدم تقدير كل تعب تعبتة علشانهم لعدم الامان وسطيهم لتفرقه بيني وبين اختي وكمان بطلع وحشة ورغم تعبي اني مفيش حد اشتال معايا فية ولما بتعب مبلقيش حد يسندني ولا بشغلهم لحد ما بقوم من عز تعبي استلف واتصرف واحلل واكشف دا طبعا حاجات بسيطة جدا من الحياه الا انا عايشها في بيتنا من تفرقه طول الوقت حتي في الكلام والاسلوب بيني وبين اختي والمبرر بتاع كل غلطهم وتحملهم اني الكبيرة

Kiwi_52902 🇪🇬 · Answer

انا كبير اخواتي و والدي ظلمني كتير مفيش حاجة كنت حاببها و عملهالي مع انه مقتدر ماديا بس صعب و متسرع في اتخاذ القرارات يعني اقوله عايز افتح مشروع كذا يقولي لا عايز اقدم في الكلية الحربية و محتاج منك مساعده يقولي لا طب انا عايز اسافر و محتاج منك مساعدة و هردهالك يقولي لا و علي طول كان متجاهلني اجي اروح واجب عزا مثلا يقولي متروحش هروح انا اجي اروح ازور حد من قرايبنا يقولي متروحش انا كدا كدا بروح اهوه علي عكس اخواتي اخويا الوسطاني طلب يسافر دفعله حق السفر كله و اخويا الصغير قدمله في معهد الشرطة و دفعله فلوس و حاليا بعد ماكبرت و وقفت علي رجلي بنفسي جاي يعاتبني انت مش بتيجي تقعد معانا ليه انت مش بتروح تزور فلان ليه انت ليه واخد جمب ليه و انا غصب عني هوه اللي قسي قلبي و عودني علي كدا من صغري 🙇

Cookies_53926 🇲🇦 · Answer

فاش كنت صغير كنت محروم من الوليد مكنعرفوش وفاش جا لقانني كبرت شويا ولكن مزاال محتاج الحب ، والبلان لي ماشي  بلان لقيت بلي كينفرني وكيسبني و ومكيخليش فبالو شي معيورة خايبة كيسبني بيها ولي بغاوها خوتي كيعطيها ليهم و أنا كينساني ، فاش كبرت وخدمت وخوتي لا بدا كيستغل فيا و أنا مكنقول والو بحكم أنني ضريف وكنهز فقلبي بزااف ليوم مات بغيت نبكي عليه لقيت عينيا ناشفين دموووع مسالوش كنمشي نزورو ولكن مكنحسش بلي خلا بلاصتو فقلبي وااالو

Strawberry_53517 🇪🇬 · Answer

مفيش أصعب من انك تعيش مع اب تكتشف انه متحرش، ودي المشكلة الوحيدة عنده، سبحان من قال الكمال لله واحده، يوم م ربنا يبتلي الانسان بعيب واحد ويكون اسوأ عيب ممكن حد يستحمله، ازاي ممكن حد يتعايش مع دا، وعارفه اني قوية نفسيًا بس ايه ذنب اخواتي يعيشوا نفس الوجع من وهما صغيرين شبهي، الموضوع زاد لدرجة البجاحة انه ممكن يحط ايده ع حد قدامنا، كبار أطفال، امي تعبت خناق وتعبنا كلنا من اللي بنشوفه، تخيل نكون ف تجمع وانا واخواتي نبقي قاعدين مركزين نبعد اي حد عنه عشان عارفين، المشكلة انه بيكدب اي حد فينا ويطلعنا مجانين لما بنروح نقول لامي وتتخانق معاه، وبيعاقب كإن ي تقبلوا ي مفيش حاجه ليكوا عندي، وكل واحد يشيل نفسه، مفيش أصعب من احساس ان البنت ميبقاش عندها اب تحسه كل حاجه سند وأمان وحب وقدوة ليها، بيقولوا ان البنت بتقارن اي حد بيدخل حياها ب بباها، وانا مش لاقيه قدوة اقارن بيه الناس ف حياتي.
المشكله مش فيه لوحده عمو جاله فترة واتجنن ع كبر وصدر مواقف منه لينا انا واخواتي ومكناش مصدقين، ويصدر موقف من ابن عمو لاختي، وجوز عمتو، بس حتي كلنا بقينا نخاف من العيله، بنخاف واحنا قاعدين فجأه اللي موجود يختفي، بقي عندي فوبيا بقيت اخاف من اي راجل كبير، اتطمن لو قاعده ف عربيه جمب شاب بس مقعدش جمب حد كبير من المواقف اللي شفتها مش بص منهم حتي من برا، لما جينا اتكلمنا مع حد من العيله افتكرت اننا عندنا فوبيا وبيتهيألنا المواقف اللي صدرت واكيد فاهمين غلط، طلعونا مجانين 😂، طبعا انا مش بحكي عشان حل، عارفه انه ملوش حل من سنين، بس دا اكبر سر ف حياتي وعمري م حكيت اصلا انا بمر ب ايه بس السر دا بيقتلني كل يوم وبتوجع كل يوم، عارفه ان فشلت اساعد نفسي بس مش قادره اشوف اخواتي بيتدمروا مع الوقت ومع كل موقف و اقف اتفرج.خصوصا اني كتومه ومبحكيش ومعنديش صحاب ولا حد قريب و بكتم كل حاجه ف نفسي لدرجه اني بقيت اتعب كتير، مكنتش متوقعه تبقي كل صدماتي النفسية سببها عيلتي، الأمر مخزي

Cheese_55135 🇪🇬 · Answer

خليني اكون صريح اوي بشكل بجح
لاني ماشوفتش بجاحة اكتر من اللي حصلت معايا

انا من كتر معاناتي من عمي اللي هو من دمي 
بصراحة انا بتمنى ان هو يموت

فيه ناس بتتمنى انه يموت علشان يورثوه
انا بتمنى انه يموت علشان ارتاح من اذاه

للمعلومة "هو وصى كل اللي حواليه اني ماورثوش … وانا مش عايز منه حاجة غير انه يريحني من أذاه" 
ومحروق كل مليم يجي من وراه

Potato_56096 🇪🇬 · Answer

دايما مشاكلي مع اهلي اني عايز اخد قرار في حياتي 
عندي 20 سنه 
المفروض ابتدي اخد قراراة في حياتي انا حر فيه و هما اكيد من حقهم ينصحه و انا اسمع و اشوف ده هينفعني ولا لا 
بس عند اهلي انك تقول لا علي الحاجه او تقول وجهة نظر مختلفه يعني بتعديهم و ضددهم 
ابصط حقوقي مثلا اني لما اعوز اخرج اخرج او اني انام انام لطن معهم 
لا الخروج ب اذن و ليك مواعيد بعد 12 بليل مفيش خروج الساعه 2 بليل لازم تنمام يا اما هنعمل معاك مليون مشكله 
قلة قيمه و اهانه منهم قصاد بقية العائله مع اني اكبر حفيد بس دايما في نظر الكل انت لسه عيل صغير يعني متتكلمش تعمل و انت ساكت مش عجبك انك عايز تعمل شخصيه و ان يبقالك كلمه لنفسك مش علي غيرك و عايز تعيش حياتك زاي بقية الناس 
يبقي تشوفلك بيت تاني تعيش فيه اعمل فيه الي انت عايزه 
برغم انهم عارفين انك في فتره لسه بتكون نفسك و متقدرش علي المسؤليه ديه بس ده الموجود و مضطر تقول حاضر

Mango_57383 🇪🇬 · Answer

انا م بكره اهلي وم بحبهم برده مكنوش ونعم الاهل بعني وعارفه اني برده مقصره ف حاجات كتير بس هم اللي مدونيش الحب والحنان الكافين اهملوني كتير و ودايما بيتريقوا علي شكلي وشخصيتي لحد ماخلوني ضعيفه الشخصيه  معنديش ثقه ف  نفسي ولا ف حد عانيت كتير اوي بسببهم وللاسف لسه بعاني ماديا ومعنويا

Strawberry_58705 🇪🇬 · Answer

التروما و انكزيتي بدأت من هنا .. من ام انانيه مش بتفكر غير ف نفسها و أهلها و اب نرجسي شايف نفسه عمره مغلط ... 
و الاتنين ينفصلوا و يقرروا الي يتاذوا هما احنا .."انا و اخواتي " .. و ف الاخر يجوا يقولوا احنا عملنا فيكم ايه احنا مالنا بيكم دي حياتنا احنا .. بتتاثروا بايه بقي .. عمرهم هيجربوا احساس بنت تعيش بعيد حنان امها الي هي حرماه منه ولا انها تعيش بعيد عن أخواتها الصغيرين الي زي ولادها ... ولا بنت عايشه ف وسط صراع و حاجات اكبر من سنها و علقها و ولا ولد عايش بعيد عن اكتر اتنين بيحبوا و هو بيكبر و هيحتاج ابوه 
ولا هيجربوا احساس بنت كل شويه تدخل ست عليها عاوزه معملش حاجه الا انها تاذي البنت الي مع ابوها عشان تمشي من بيتها ... ولا معامله الاهل الي فكرين انك مش بتتوجع بكلامهم ولا بتريقتهم  ....

Mango_58735 🇪🇬 · Answer

دوف اكتر ناس عنيت منه وبسببه أنا دلوقتي  مخزوله تماما وشايفه اني مش كفايه  لدرجه اني روحت دورت علي الحب واهتمام برا واتخزلت كتير كتير كتير حسبنا الله ونعم الوكيل مش هنسا اني يعني كان بيجي عليا ايام بعيط كل يوم وقدامهم وحته وانا نايمه وحته امي مش بصعب عليها مش هنسا انهم لما كان اخويا هو الي يغلط وكانت ماما تعاقبني أنا وتاخد مني اي حاجه بحبها وتكون شايفه بنتها بتعيط قدامها وبتترجها ومفيش فايده اصلا الحاجه الوحيده الي عارفها اني عمري ما هبق كدة لما اتجوز وان عمري ما هعيشهم شعور الألم الي حسيته

Nutella_60607 🇪🇬 · Answer

عانيت بس انا لحد الان بعاني حياتي كلها عبارة عن معاناه من صغري لحد دلوقتي اول معاناه كانت و انا عندي ٣ سنين لما بابا كان متجوز تاني علشان امي كانت ميتة بحجة اني محتاجة ام ف جاب حد يكرهني ف الام عموما مش قادرة انسي اللي كان بيحصل انواع الضرب و العقاب كانت بتحبسني ف اوضة ف السطوح بليل و تنزلني الصبح و لما انزل كانت تضربني بالشبشب و لما كان يتقطع كانت تخيطه و تضربني بيه تاني كنت علشان ادخل بس الحمام كان لازم اكون هعمل الاتنين مع بعض غير كدا مدخلش الحمام و لو عملت على نفسي كانت تضربني برضو غير الخناقات اللي بتحصل قدامي لدرجة ف مرة رفعت المنشار علي بابا و وقتها بابا مشي و ساب البيت و سابني أنا معاها علشان تعب و سابني كتير اوووي و هي من اول يوم سابني فيه حبستني ف اوضة كانت مليانة رش مبيدات الحشرات و انا بس بنده علي بابا أنه يرجع و بعدها بيومين كلمت حد يتبناني و كانت ست كبيرة ف السن و لما روحت معاها ابنها كان متجوز و خلف و قالها أنا مش هربي عيال حد و قالها تشتغل ف البيت تعمل اي حاجة وقتها كان عندي اربع سنين و بابا مسالش عليا لمدة خمس شهور فضلت مع الست دي اربع شهور كاملين و هي كانت بتحاول تدور علي بابا علشان ترجعني ليه و فعلا رجعت بس كنت خائفة من كل حاجة و كل حد كنت بخاف منه و لما رجعت عرفت أن بابا هيتجوز تاني و برضو علشان أنا محتاجة ام

Peanut_31827 🇪🇬 · Answer

بابا مش مهتم بينا او بماما هو بيشتغل وبس عمل فلوس كتير جدا حرفيا ملاين لانه مبيعملش حاجه ف حياته غير الشغل ده طلعني بنت مفتقده للحنيه ولخوف شخص عليا ولغيره حد عليا لان بابا كمان مبيغرش علينا وعادي عنده حاجات كتير و بيسبني اروح ف اي مكان لوحدي بالعربيه وبيكون من المفروض والصح حد يجي معايا لاني بنت بس هو عادي بقيت انجذب لاي ولد فيه صفات رجوليه من غيره و خوف واحتواء بقيت انجذب لده بس اكن عاوزه الجرعه الي مبخدهاش بقالي كتير والموضوع ده واجعني جدا لان ده بابا وكل يوم بنمر بمواقفبما اننا ف بيت واحد  بتصحي فيا جرحي

Almond_59534 🇪🇬 · Answer

بابا شخص انتي وبخيل بخيل حته في الحب عمره ما بيعلملنا حلو ومش بيديني فلوس الا بشتيمه وتهزيق ولي متاخديش من ماما وبينتهز الفرص يقلل مني أو يتريق وعايزنا نطبله في اي حاجه حتي لو هو غلط وبيحكي لصاحبه وقرايبنا أننا مش بحبه ولا بنهتم بيه وهو عمره ما عملنا كدا حتي امي اتجوزته غصب عنها  بسبب جدي اللي المفروض كان غني جدا وبابا كان يدوب على الطبقة المتوسطة اتجوز امي عشان الفلوس
جدي اللي اداهم البيت اللي اتجوز فيه وامي اشتغلت في بنك وهو كان مدرس بس بعد فتره صغيره بقا يبطل يدي دروس وبقا في مدرسه بس وسائل العربي وبقا مدرس العاب ويدوب بيدي حصص للعيال ومش بنشوف منه الفلوس دي حتي 
عشت حياتي في خناقات بينهم وطول الوقت يشتم عليها قدامي وعلي عائلتها ويهين في إخوتها وأبوها 
امي اشترت الأرض وبنت البيت وجهزت كل حاجه فيه هو الله اعلم دفع اي دا لو كان حصل وبيرجع يقول هو اللي هدومه انقطعت من الوقفه مع العمال 
وأنها مش دفعت حاجه فيه
بسببه بقا عندي الميسوفونيا دا مرض اني اكره الاصوات زي المضغ وحاجات مني دي وهو لما عرف زاد فيها وبقا تعود تقريبا واول ما يشوفني معرفش ازاي طول الوقت في حاجه في بقه ويعمل القرف دا مع أن مكنش في صوت بس اول ما شفتي بقا فيه 
انا بجد مش عارفه اتقبله انا عارفه اني بحبه بس مش عارفه اعيش معاه ولا اشوفه

Strawberry_64200 🇪🇬 · Answer

انا اخواتي مش بيطيقوني او بيكرهوني ايهما اقرب. 
(انا الوسطانيه والبنت الكبيراللي عليها المسؤليه "على كلام ماما")( اخويا الكبير ولازم احترمه ولا اقوله لاء على حاجه)( واختي الصغيره الدلوعه وطلبهتا اوامر). 
حرفياً مش بيطيقولي كلمه او اي فعل، مثلاً: لو اديت رأيي في حاجه او اي موضوع  يقولولي ملكيش دعوه، انتي مالك، محدش طلب رأيك. 
واخويا كل ما يشوفني يضربني ويقولي انتي عايشه لي، روحي شوفيلك تربه ادفني نفسك فيها، وكتييييير كتييييير يقولي انا بكرهك، انا مش بحبك، انا مبعتبركيش اختي، انتي عاله علينا و على المجتمع. 
رغم اني مش بحتك بيه ولا بكمله في اي حاجه خالص ولا بطلب مساعدته نهائياً. 
واختي لما تكون عايزة حاجة بتبقي كيوت وملاك ولو قولت لاء بتضربني وتشتمني، ولو عملتها خلاص هي خدت غرضها وانا بقيت زبالة بالنسبلها. 
مع العلم انا حساسه اذا كان جسمياً او شعوريا، وبعد ما يكرهوني في نفسي وحياتي يقولو دا احنا بنهزر معاكي.

Mango_64751 🇪🇬 · Answer

يااه ده من اول ما جيت علي وش الدنيا و انا عايشة في قلب المعاناة جالي كل العقد و الامراض النفسيه اللي في الدنيا بسببهم من اول طفلة في الحضانه لحد جثه في تالته كلية تحرش في الطفولة ضغط ام و تتهم عيلة مش فاهمه حاجه و تخوفها ضرب و دعاوي و شتيمه وكلام يهد بني ادمين نرجسية و عصبية أب غير مسؤول طائش بيعمل الغلط و نلبس احنا فيه تلت اولاد سبب الضغط والمشاكل كلها بدل ما يكونوا السند والضهر هما اللي قطموه اخت مفتكرش اني قضيت معاها عيد في بيتنا فرق السن بيني وبينهم اخر العنقود مش متدلع اخر العنقود غلطة و هو اللي بيدفع تمنها من كل حاجه حواليه لحد اخر يوم في حياته وياريتني بعد ده كله بهون علي نفسي انا باجي عليها و بكرهها معاهم

Apple_70037 🇪🇬 · Answer

عانيت وبعاني من امي بعد موت ابويا وفضلت اسايس واحايل وامشي الامور لاننا 5 اخوات وانا الكبير طول عمري مريحها وشغال ليها ولاخواتي خدام من مصاريف لمصاريف ا لجواز تعبت وشقيت عليهم كتير وبعد ما خلصت جوازهم شنعت فيا ووصفتني باقذر الاوصاف ورمت عليا تهم واتبلت عليا وقالت عليا كل العبر علشان محدش يصدقني ولا يكون في صفي لدرجة اني علشان اخلي الناس تصدقني خدتها وخرجنا وكنت بسجلها وسالتها انتي ليه بتعملي فيا كدا وبتقولي عليا كدا قالت (وقت الزعل اي كلام بيتقال ) وراضتني وتاني يوم رجعت تغلط فيا وتشتم في حقي لدرجة انها راحت تكتب في بلاغات يوميه واصلا انا مش دايسلها علي طرف .. بس لمجرد انها مبقتش محتاجاني .. واستكتار اي حاجه علياوعلي اولادي  ووصفي بابشع الاوصاف وهي متاكده اني مفياش اي صفه سيئه هي بتقول عنها ولكن كل ده الهدف منه هو تسوء سمعتي وصورتي لدرجة انها بقت بتقدم اجواز بناتها علي انهم اولادها وللاسف ان المشهد ده اتكرر مع اخويا الصغير لما كبر بس هو ساب البيت ومشي لان محدش من اخواتها قادر يسيطر عليها

Olive_70031 🇪🇬 · Answer

مشكلة أول مرة تقابلها و تسمعها  !!💥💥
السلام عليكم مساء الخير على الجميع

حابب اتكلم في موضوع ممكن يبقى حد مر بيه مع اني أظن انه محدش مر بيه قبل كدا 
باختصار انا عندي اخت بنت بس كلامها وحش واسلوبها وحش وبتقول كلام مبيتقلش في الشارع لدرجة ان حتى ابويا وامي بيتجنبوها عشان كلامها القذر وصوتها العالي مش حوار ضعف أنا حرفيا أقدر أكسر عضمها لكن مش حابب افرج عليا الناس الفكرة انها شايفة ان اهلها ناس قليلة طبعا دا بسبب طباع أمي لللي زي الخرا بردو اللي ربتها بالشكل دا هي دايما شايفة انه ابوها راجل قليل واخوها كذلك ودايما بتعلق على تصرفات ابوها وتقوله لا متعملش كدا واعمل كدا هو طبعا مش بيسمع كلامها لكن اللي يخنق هو جرئتها على انها تعدل على ابوها وانا بسبب وضعها دا بتلاشاها تماما ومليش اي علاقة بيها ولا حتى بكلمها أبدا فالبيت يعني مثلا حصل موقف قريب هي متقدملها عريس فكان ابوها بيتفق مع العريس وكدا فكانوا بيتكلموا في موضوع تحديد الفرح فأبوها حدد معاد على شهر 1 لما الناس مشو ابويا دخل يحكي لأمي وكدا الوضع هيتم ازاي واختي دي كانت قاعدة فاللي حصل انه معجبهاش كلام أبوها على المعاد وبتقوله دا معاد بعيد وانت ازاي تتفق في معاد زي دا وامها قاعدة جمبها برضو بتقول لأبوها نفس الكلام فضلت اختي تعلي في صوتها على ابوها وتقوله كلام خرا زي بطل حوارات وزي انت مش بمزاجك دا بمزاجي انا اللي هحدد المعاد وكلام كتير كله تطاول وقلة ادب انا كنت برا و دخلت البيت بسأل أبويا في اي وانت حابب تعمل اي قالي عايز اعملها يوم 1 عشان الظروف حاليا متسمحش ماديا وكمان في ظروف اجتماعية غير المادية فقلتله خلاص انت بتجادلها ليه اعمل اللي انت عايزه واللي انت شايفه صح وهي كل اللي عليها تسمع وتطيع راحت فضلت تقول انت مالك يلا انت وراحت قامت مشيت من قدامي وفضلت ترمي كلام وامها قاعدة وابوها قاعد وانا قاعد فضلت ترمي كلام زي الخولات اللي مش رجالة ميتكلموش على اللي انا عايزه اعمله وكلام كتير قذر معناه اني مش راجل واني قليل وكدا ودا كله ابوها وامها محدش منهم بيقولها اسكتي حتى  انا طبعا اعصابي اتفجرت وانا قادر أزعلها بس مبرضاش فاكتفيت بالشتيمة وطبعا كانت شتيمة صعبة: زي اني قلتلها يارب ما يتملك حاجة ولا فرح ويحرق كىىىم خطيبك ابن زانية متناكة وانتي شرموطة بنت شراميط لقيت امي بتقولي انت كدا حلو يعني قلتلها اسكتي يا مرا يبنت المتناكة لو فيكي الخير كنتي ربيتيها وقمت مشيت وفضلت اشتم وانا في أوضتي لأن دا مش أول موقف اتعرض فيه للإهانة بدون سبب وابويا كان قاعد ابويا طبعا فاهم ان ممكن حد يقولي ابوك شخصيته ضعيفة وكدا وانا فاهم وللأسف هو شخصيته ضعيفة مبيعرفش يمشي كلمة على بنته ومراته وانا لو حاولت اعمل حاجة يقولي ملكش دعوة انت مبتصرفش عليهم انا مبقاش فارق معايا وبقيت بحاول اعزل نفسي عنهم اكتر واكتر وبقول يمكن دا ابتلاء وربنا يصبرني بس انا اللي مزعلني اني شتمت أمي حاسس بحزن رهيب ومخنوق جدا عايز اللي يقرأ يفهم اني محترم ومش شمام وراجل بصلي وبحاول استقيم وابويا رجل محترم ومتدين والمفروض على ادعاء امي واختي انهم محترمين ومتدينين لكن الموضوع صعب يجدعان الموضوع مفهوش أي منطق مشكلة شاذة بكل ما تعنيه الكلمة لدرجة اني متأكد ان مفيش حد بيعاني من مشكلة زي دي بس لما بفكر برمي اللوم على أبويا وضعف شخصيته، انا حاليا حلفت بالله ما هحضر لها فرح وعايز أصالح أمي بس مش عارف ازاي ومش عايز حاجة تاني وربنا يصبرني انا واللي زيي
حياتنا فالبيت مليانة مشاكل كلها مشاكل فريدة من نوعها وشاذة حقيقي لدرجة لا يتقبلها العقل اللي حكيته دا مجرد جزء صغير ...🥀💔