اى الخيانه إلى اتعرضتلها أو اتعرضتيلها ؟

Watermelon_58952 🇪🇬's موضوع

احكى و طلع إلى جواك وخلى كلو يتعلم و يبقى عارف لو الكدبه أو الشي إلى حصل دا حصل معاه ياخد بالو💕💕

Grape_22054 🇪🇬

منذ 4 دقائق

شعور مكسور القلب

سؤال من قلب واحد بيصرخ بصمت 💔 ليه دايما لازم بين اي اتنين بيحبو بعض شخص بيحب اوي ويهتم اوي ويتعلق و مبيهونش عليه يشوف الطرف التاني زعلان حتي لو هو مضايق منه بيرمي كل حاجة علي جنب عشان يفكه ويفرحو وليه بقي الشخص التاني ده بيبقي خلاص من موقف أو اتنين يقرر يمشي ويسيبنا بسهوله 💔 ليه احب بجد وا

عبّر عن شعورك بشكل مجهول

سؤال من قلب واحد بيصرخ بصمت 💔

ليه دايما لازم بين اي اتنين بيحبو بعض 
شخص بيحب اوي ويهتم اوي ويتعلق و مبيهونش عليه يشوف الطرف التاني زعلان حتي لو هو مضايق منه بيرمي كل حاجة علي جنب عشان يفكه ويفرحو 
  وليه بقي الشخص التاني ده بيبقي خلاص من موقف أو اتنين يقرر يمشي ويسيبنا بسهوله 💔

ليه احب بجد واعمل كل حاجة ممكنه اقدر افرحك بيها وف الاخر عشان جت علينا فتره بنتخانق كتير ومبقيتاش متفاهمين تقومي ماشيه وسايباني وتبقي مفيش في قلبك ذره حب ليا زي الاول لا وكمان ماشيه وانتي متأكده من أن انا لسه بحبك 💔 
ماشيه وانتي عارفه انك بتدمري قلب اكتر حد حبك وحبتيه اكتر حد استحملك ومتغيرش عليكي وبالمناسبة جمله ( اكتر حد استحملتني ومتغيرتش عليا ) دي جملتك مش جملتي 💔
يعني عارفه اني اكتر بني ادم استحملتك وحبيتك وخوفت عليكي بجد ومع ذلك مشيتي وانتي عارفه انك بتدوسي علي قلبي وتكسريه تحت رجلك

طب هتحبي بعدي ازاي وانتي المفروض كل حاجة حواليكي بتفكرك بيا المفروض

بلاش انتي   انا انا هحب ازاي بعدك 
انتي كنتي اكتر حد فاهمني اكتر حد لما أكلمه وانا مخنوق وفيا كل الهموم فجاه كل حاجة بتهدى جوايا كأنك بتشيلي الفيشه بتفصلي دماغي عن المشاكل وببقي مبسوط وبفك ويفرح مجرد ما اسمع صوتك

وحشتيني ومش عارف حتي اكرهك حاولت اكرهك كتير جدا حاولت افتكر كلامك عشان اكرهك بس معرفتش اكرهك حاولت ابرر مليون سبب يخليني اكرهك بردو معرفتش مش عارف اكرهك مش عارف انساكي 
علميني طيب علميني ازاي انساكي علميني ازاي انساكي وانا كل حاجة حواليا بتفكرني بيكي علميني ازاي انسي مواقفنا سوا ازاي انسي خوفنا علي بعض ازاي انساكي وانسي سنيني معاكي علميني 
انا مكنتش استاهل منك كل ده والله 
انا حبيتك بجد بس انتي بطلتي تحبيني اختارتي تمشي عشان لاول مره من خمس سنين سوا يجي علينا فتره ونبقي مش متفاهمين وبنتخانق 
ما طول عمرنا لو اختلفنا علي حاجة بنيجي نصالح بعض ونتفاهم ونوصل لحل سوا طول عمرنا علاقتنا مختلفه عن اي حد علاقتنا قويه وطويله ومكناش اتنين بيحبو بعض وخلاص لا كنا اخوات وصحاب وسند وضهر لبعض كنا كل حاجة 
ازاي نسيتي طيب كل ده 💔
ازاي قلبك طاوعك ونسيني 
طيب لما تتخنقي وتزعلي من موقف حصلك هتحكي لمين ؟؟؟ 
هتيجي لمين وتفضفضيله وانتي مخنوقه 
طيب مين هيخليكي مجرد ما تبقي مخنوقه تفكي علطول 
طيب مين مش هيخليلك فرصه تزعلي أو تتخنقي في يومك من أي حاجة دائما هيقف جنبك ويسندك ويفرحك مين هيعمل كل ده مين !!

هقولك حاجة اخيره وانا متأكد وواثق منها :

محدش حبك ولا هيحبك قدي 
     محدش هيعرف يستحملك وبقدرك زيي 
     محدش هيهتم بأدق تفاصيلك زيي 
     محدش هيحاول عشانك كل ده زيي 
     محدش هيخاف علي زعلك وتعبك قدي 
     ربنا اللي عالم انتي عندي اي وكنتي اي 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_74008 🇪🇬

منذ 8 دقائق

شعور ضاق ذرعًا

عندي مشكله مع قاريبي مش قادرين يفهمو أن انا اللي مش موافقه اتخطب دلوقتي مش أن محدش بيجي يتقدم لا ومفكرين اني كده هكبر ومش هتجوز زي بنات خالتي اللي هما اصغر مني افهمهم إزاي أن ده نصيب وانا مش مستجعله انا لسه بعيش حياتي ومستنيه نصيبي الحلو من ربنا

Apple_73825 🇪🇬

منذ 9 دقائق

شعور محبط

اعاني من وحده قاتله علي الرغم من أنني متزوج ولكن نعيش كالمطلقين وبيت بارد ليس فيه حياه او روح حتي ابني الكبير نتيجه حقن أمه المستمر أصبحت العلاقه معه باهته فاتره حتي اني افكر جدا في الزواج من مطلقه او ارمله حيث أن عمري٥٤ عام

Coffee_68646 🇪🇬

منذ 15 دقيقة

شعور مهتم

عارفين ايه مشكلتي ال مش عارف احلها التفكير ف ال جاي والفراغ بتاع بليل يعني بفكر مثلا هل المشاريع بتاعتي هتنجح ولا لا هل الماديات هتساعدني اعيش كويس ولا لا مع ان الحمدلله شريك ف مشروعين والدنيا ماشيه انما التفكير صعب والفراغ بتاع بليل صعب هل الواحد يتكلم مع حد هنا او يفضل لوحده او يسكت او يعيش نفسه خ

Hazelnut_72929 🇪🇬

منذ ساعة واحدة

شعور مرهق

السلام عليكم انا اول مرة ادخل الابلكيشن دا بقالى فترة طويلة اوى ف تعب وارهاق بسبب علاقة سامه مع نرجسى وبحاول اتعافى لكن انا مش عارفة قلقانه خايفة مش بعرف انام بقى يجيلى رعشة كدا ف رجلى بالليل مبنامش بسببها بتخلينى عاوزة اقطعها ولعياذو بالله انا خايفة اوى بجد ومش عارفه اعمل اى

Marshmallow_74240 🇪🇬

منذ ساعة واحدة

شعور قلق

عبّر عن شعورك بشكل مجهول

السلام عليكم انا عمري ١٧ ومن يوم ماكان عندي شهرين بابا اخدنا معاه السعوديه عشان شغلو وعشت هناك حياتي كلها ولسه جايه من شهر عشان جامعتي 
بس انا هناك كنت بتعامل معاهم كتير وتعلمت لهجتهم وكدا وكنت اسوي صداقات اونلاين مع البنات سواء سعوديات او مغربيات او يمنيات او غيرو 
بس بالصدفه تعرفت على ولد عمرو ٢٣ مش عارفين بعض من زمان اوي يعني يمكن ٦ شهور او اكتر وحبينا بعض وهو فعلا عايز يتقدم ليا وانا واثقه فيه مرا بس خايفه من اهلي اصلا ازاي حشرح لهم او ازاي حيجي يتقدم وفيه بيننا اختلافات بالذات ان جنسياتنا مختلفه هو سعودي وانا مصريه 
وخايفه مايوافقوا واحنا تعلقنا ببعض 
هو حرفيا مستعد يستناني اربع سنين او خمسه بتوع الهندسه اللي حدرسهم  
مدري ايش اسوي اسيبو عشان مش نتعلق ببعض اكتر ونهايتنا مش معروفه ومش مضمونه 
ولا اتفائل 
هو بيشتغل وحالتو الماديه مش واو يعني لا عاديه جدا
و قال انو عايز يكلم اهلو عشان يقولهم انو عايز يتقدم ليا 
بس المشكله ايه الطريقه؟ هو بابا لسه بيشتغل هناك واحنا جينا بس عشان الجامعات بتاعتي انا واختي وبابا حيجلس هناك لحالو واحنا حنروحلو في الاجازات 
فهو قال ليا لو جيتو في الاجازه حجي اتقدم 
بس مش عارفه ازاي اصلا وهل دا عادي ولا لازم يجي مصر؟ 
و احنا اصلنا من قريه ريفيه واهم حاجه السمعه بالنسبالهم
منجد متلخبطه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_72927 🇪🇬

منذ ساعتين

شعور شاعر بالملل

لما بتحسوا انكوا زهقتوا من الروتين المتكرر، ايه الافكار المجنونة اللي بتبقوا عايزين تنفذوها عشان ترجعوا تحسوا انكم عايشين؟ وازاي بتتعاملوا ف اوقات الملل، ومحدش يقول تطوير ذات وبتنجان، جماعة سؤال كمان هو حد هنا بيبقا مثلا بيتكلم عادي سواء ف موضوع او مع حد ويزهق فجأة ويحس ان ايه الهبل دا احنا لسه هنك

Nutella_73953 🇪🇬

منذ ساعتين

شعور محبط

لما تلاقي نفسك عملت كل اللي عليك عشان شخص معين وحاولت معاه مره واتنين وتلاته وهو مقدرش ده إمشي احسن عشان هو عمره ماهيقدرك عشان لو فضلت هتبقي بتئذي نفسك ومتجيش علي نفسك كتير عشان حد عشان مهما عملت في الاخر مش بتتقدر وبتتساب متبينش لحد انك قد ايه بتحبه وبتموت فيه عشان برضو مش هيفرق معاه كل ده في الاخر

Orange_74010 🇪🇬

منذ ساعتين

شعور عاطفي

انا كنت مرتبط بواحدة وكنت بحبها جداا بس هيا جت فترة زعلت ومعدش بترد عليا المهم اتقابلنا وصالحتها وبعد فترة م الموضوع عده عليه كتير في واحد صحبي قالي دا البت كذا كذا انا بقيت يكلمها فنا انصدمت وقولتلو يا عم لا سيبك من الي انت بتقولو دا لغاية موراني الشات بعيني وبعتالو ريكوردات بقيت واقف مش عارف اقول

Watermelon_72728 🇪🇬

منذ 3 ساعات

شعور آسف

السلام عليكم كنت حابب احكي ع مشكله بعاني منها انا قاعد ف بني سويف وطلعت اشتغل مرتين وكانو مرتب زي الزفت ٨ ساعات ب ٦٠ ومره ١٢ ساعه ب ١٠٠ منغير وجبه ومفيش شغل كويس وانا كان نفسي ف شغل كويس اوي والله عشان اكفي نفسي ونفسي اعمل حاجه لله نفسي اعمل كوردير أو اعمل اطعام او اي حاجه تفيد ناس الغلابه ونفسي ف ش

Strawberry_74100 🇪🇬

منذ 3 ساعات

شعور ضائع

ازاي أقدر أتغلب على كسلي؟ ازاي أكون نسخة أفضل مني؟ ازاي أقدر أعتمد على نفسي ماديًا؟ يعني تفتكروا ايه المهارة اللي ممكن أتعلمها بسرعة وبسهولة وتساعدني؟ احكولي ايه الكورسات أو الفيديوز اللي أفدتكم في حياتكم؟

Chocolate_74052 🇪🇬

منذ 3 ساعات

شعور مرهق

كل مره بتسألني السؤال دا جزء مني بيتقطع بيبقي نفسي ارمي نفسي تحت قطر وانه دا الحل الوحيد عشان اريحها من السؤال واريح نفسي من الاجابه هو ازاي فيه ام كدا وهيا فاكره انها هيرو بس بردو عارفه اني كل مره بكرها اكتر من المره الي قبلها بس السؤال دا بالذات بيقطعني مش بحس اني عاوزه اعيش بعد السؤال دا

Onion_73823 🇪🇬

منذ 4 ساعات

شعور مستنزف

انا عاوز أفهم يعني أي أفضل احب ومتعلق بشخص فعليا هي كانت بالعقل والمنطق بتنقصني مش بتزودني .. عارف أما تبقي مع حد انت قابل بكتير ومتنازل كتير عن حجات وساكت وابتعدي عشان بتحبه ... بس ف نفس الوقت هو مبيتنازلش ديما عاوز أحسن حاجه وتتعب أكبر تعب وتبذل كل حاجه إنما هو لا لاكن انت مبسوط وساكت عشان بتحبه

Chocolate_74052 🇪🇬

منذ 4 ساعات

شعور مكسور القلب

انا مشكلتي بق مع ماما بحس انه دايما مش فاهمين بعض بقيت ساعات كتير اخاف اتكلم معاها بسبب انها دايما بتاخد كلامي بطريقه غلط وبتكربه علي مزاجها هيا درجه التواصل بينا صفر وكل ما تتحسن ترجع اسوء من الاول تاني مش عارفه الغلط فعلا عندي ولا عندها بس انا تعبت من كتر الخناقات والجدال الي مش بيخلص

Tofu_19483 🇪🇬

منذ 4 ساعات

شعور محبط

عبّر عن شعورك بشكل مجهول

لا أخفيكم سرًا إخوتي في الله،أنا مبقيتش عايزه أتجوز خالص وبقيت رافضه الفكره رفض قاطع بسبب اللي بيحصل واللي بشوفه،الذكوريين بقوا منتشرين بشكل مقرف وكل شويه واحد قتل مراته والمشكله الأكبر ف تعليقات الشباب بيقولوا أحسن وشوفوا عملت ايه ويتهموها ف شرفها كل ما واحده تتقتل يتهموها ف شرفها مع إن قذف المحصنات حرام وأنت متعرفش حاجه لأنك مشوفتش حاجه وإن حتى لو واحده عملت فاحشه ف القرآن حدد ليها عقاب للزاني والزانيه ألا وهو الجلد،ف مش من حقه يقتلها،ده غير إن القتل بيبقى لأتفه الأسباب أصلا ده لو واحده اتنفست ف بيت زوجها بتتقتل أنا بقى عندي رعب أتجوز واحد ألاقي نفسي مقتوله،ده غير الفكر السام اللي منتشر بين الشباب على إن الزوجه عبده عنده ده غير إنهم مش عايزين يطبقوا شرع ربنا ويعاملونا بما يرضي الله ده غير إن دلوقتي الشباب بيقولوا لازم الست تصرف على البيت وفاهمين معنى القوامه على مزاجهم فاهمينه إن الست تطيعه لكن عند المصاريف لا تصرف،ده غير فاهمين آية واضربوهن على مزاجهم برده وفاهمين الطاعه على إن المرأه تكون بتعبد الرجل وتطيعه طاعه عمياء مع إن مفهوم الطاعه مش كده،الطاعه بالمعروف ولا ضرر ولا ضرار،سؤالي هنا ليه البنات والشباب ميعملوش بشرع ربنا من غير تحريف فيه أو فهمه على مزاجهم،مش بقول إن فيه ذكوريين بس لا كمان فيه نسويات وأنا ضد الاتنين والفئتين دول دمروا المجتمع نسب الطلاق زادت ونسب القتل زادت والعنف ضد المرأه زاد ونشوز النساء زاد
ليه منعملش بشرع ربنا كما قال الله مش نفهم الدين على مزاجنا؟
ليه منشوفش ربنا والرسول أمرونا ب ايه ونعمله؟
ليه منكونش بيت وأسره هاديه حنينه بيت قايم ع الموده و الرحمه والحب بيت سوي نفسيًا ونربي جيل سوي نفسيًا بدل ما طالعلنا جيل مليان بالسفاحين،ليه معظم الشباب عايزين يهينوا المرأه مع إن الدين والإسلام كرمنا والله العظيم كرمنا بس همه عايزين يقللوا منا مع إن الدين مقللش منه بل رفعنا وأكرمنا يكفي إن فيه سورة في القرآن بإسمنا سورة النساء يكفي إن معظم الآيات بتنهى عن حزن المرأه،ف ليه ؟
ليه بجد كل ما أدخل على ثريدز أو فيس ألاقي شباب بيحللوا الضرب المرأه،شباب بيقولوا أنت واخدها خدامه ولو ساعدت زوجتك متبقاش راجل،شباب بيقولوا الست تصرف على البيت 
بنات بيحرضوا البنات على إنهم يبقوا نواشز
ليه؟..ما كل واحد وواحده يلتزم بشرع ربنا من غير تألي على الله،ربنا أكرمنا ليه بسبب التعليقات المريضه غير المسلمين خدوا فكره عن إن المرأه في الإسلام مهانه وبيستشهدوا بكلام الناس المريضه،ليه الشباب ميتفقهوش في الدين ويفهموه صح بدل ما بيفسروا على مزاجهم
وليه البنات ميشوفوش ربنا أمرهم ب ايه ويطبقوه 
احنا مش طالبين غير إن شرع ربنا يتنفذ نعمل بأوامره ونواهيه 
نعمل بشرع ربنا كما أنزل مش زي ما احنا عاوزين نفسره على مزاجنا
نشوف كلام علماء الدين في الفقه الإسلامي ونتفقه في دينا وكل طرف يعرف اللي ليه واللي عليه 
أنا بقيت خايفه من فكرة الزواج مع إني كل اللي كنت نفسي فيه إني أعمل أسره هاديه لطيفه ودافيه كل واحد يعامل فيها التاني بشرع ربنا وبس لا زياده ولا أقل هو شرع ربنا علشان ربنا مظلمش حد فينا 
ليه الرجاله معظمهم دلوقتي ببحسسونا إننا عبيد أو إننا على الهامش مينفعش نحس مينفعش نتنفس ومينفعش نعترض على إهانه أو ضرب
وليه البنات معظمهم دلوقتي بيسهلوا فكرة النشوز وإن المرأه تعمل ما بدى لها حتى لو حرام 
ليه الطرفين مش ملزمين بتطبيق شرع ربنا في المعامله مع بعض !
ليه وصلنا لكل ده نفسيتي تعبت م اللي بشوفه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع