نصيحة على السريع: اياك تسخر من غلطة حد

Watermelon_63268 🇪🇬

منذ أسبوع واحد

جاية اديكم نصيحة على السريع وماشية، اياك، ثم اياك، ثم اياك، تسخر من غلطة حد او تقول الحمدلله انا متربي/ة ومش بعمل كدا، علشان هتقع فيها ومش هتعرف تقوم بسهولة. وقعتك انت بسبب غرورك في نفسك وظنك انك مش بتعمل الغلط دا بسبب شطارتك مش رحمة وتوفيق من ربنا هيخلي الاختبار بتاعك اصعب واصعب. حد بيعمل حاجة غلط وربنا كشف ستره وانت عرفت، قول الحمدلله اني برحمة ربنا وتوفيقه ما وقعتش في الغلط دا وادعي للشخص اللي غلط ربنا يهديه وانصحه من باب انك عايزله الهداية علشان تاخد أجر بس، انما اياك تفرح بنفسك علشان هيا مش بشطارتنا والله يا جماعة، والوقعة بسبب الموضوع دا صعبة وبناخد وقت طويل اوي علشان نقف على رجلينا تاني، احنا اولى بالوقت دا، نعيشه في طاعة ربنا ورضاه، احسن ما يتعاش واحنا بنحاول نفوق من غلطة احنا فكرنا اننا مش هنقع فيها ابدا. ربنا يهدينا واياكم يارب.

هل كانت هذه المعلومات مفيدة؟

0

0