Sugar_44866 🇪🇬's فكرة

فهمت ليه ربنا حرم كلام الولد والبنت

Sugar_44866 🇪🇬

منذ يوم واحد

دلوقتي فهمت حكمت ربنا في تحريم الكلام بين الولد والبنت عارفين ليه لان الكلام بين الولد والبنت، بياخد سكتين سكه بيكون فيها الاتنين محترمين وسكه واحد من الاتنين مش محترم او الاتنين نتكلم في السكه الاوله الاول الكلام بينهم بيكون عباره عن ان واحد بيحكي تفاصيل يومه للتاني بيكون مرتاح ليه وبيفضفض معاه وبتكون بينهم ثقه فا مع مرور الزمن واحد من الاتنين بيعجب بالتاني منغير ما يحس بعد فتره يحبه ويتعلق بيه يجي اللي اتحب يحب حد تاني فايحكي للي حبه عن الشخص اللي حبه ده طبعا اللي كان بيحب الشخص ده هيتكسر و يكتأب و الكلام يقل بنهم و تخلص علي كده واللي حب هيتكسر من اللي حبها ويفتقد اللي كان بيتكلم معاه ويكتأب برضو السكه التانيه بيكون اتنين مش هحترمين او واحد فيهم لو واحد بيقعد يسحب الشخص ده يسحب فيه لحد ما يخليه يبعت صور مش تمام وفي النهايه يهدد بيها او الاتنين بيتبادلو الصور والاتنين بيمسكوها علي بعض وبتحصل مشاكل كبيره... ده من وجهت نظري ليس الا

تمت كتابة هذا المحتوى بواسطة Sugar_44866 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

Lemon_66019 🇪🇬

لما تبطل تفكير.. كل حاجة بتيجي تحت رجلك!

عارفين ياجماعه والله والله والله بمجرد ماتبطل تفكير في الشيء الي شاغل بالك او تفك التعلق بالشخص الي مطنشك وتدخل في مرحله السلام واللآمبالاه مش هامك حد ولا فارق معاك حد ولا مهتم بحد هتلاقي نفسك بقيت زي المغنطيس كل حاجه انت عاوزها بتيجي تحت رجلك ! اشخاص بقى افكار مشاكل بتتحل من نفسها كوووول ده هيجي لحد عندك لكن طول مانت تايه كده وقاعد تفكر وتنتظر هتخسر وقتك وصحتك وطاقتك ونفسيتك .وبصراحه مفيش حاجه في الدنيا تستاهل انك تضحي بدول عشانها ...عرض المزيد

Popcorn_69812 🇪🇬

أول حاجه في العلاقات هتعلق بيك طول عمرك

في حاجه كدة ياجدعان اكتشفتها حابب اشاركها معاكم من خلال تجاربي البسيطه في العلاقات العاطفية احسن حاجه بتكون اول حاجه اول حاجه دي مش هتعرف تعلي عليها مهما حصل يعني تخيلي معايا واحد مثلا مصاحب واحده وخرج معاها السنيما و مسك ايديها وبعد فتره حصل مشاكل وبعدين سابها وصاحب واحده تانيه اول احساس بينه وبين اول واحده مش هيحسو مع التانيه ولا التالته مهما صاحب بمعني ان الحاجز ده اتكسر خلاص وبقا الموضوع عادي وهيبقي معتاد عليه ومش هو ده المطلوب الفكرة كلها ان الواحد ميتعلقش بحد الا اما يكون متاكد انو هيكمل معاه علشان اول حاجه هتعملها مع اي شخص هي اللي هتعلق معاكي طول حياتك بمعني اصح ان الشاب الخام والبنت الخام دول هيعيشو احلي تجارب مع بعض عكس اما يكون في واحد منهم خاربها ده مش هيبقي مستمتع كفاية لان في حاجه معلقه في دماغه مش عارف ينساها. وبالتوفيق ليكم جيمعا في حياتكم ...عرض المزيد

Orange_64537 🇪🇬

الحياة حلوة بس تختلف انت عيشها ازاي - ركز على عيونك

ازيكم عاملين اى أنا أول مرة بكتب حاجه على التطبيق ده حابه اقوله من ساعت ما نزلته وانا عماله اقرأ حاجات كتير اغلبها حزن وحاجه كدا تخليك تقول الحمد الله على كل شى لأننا كلنا بنمر بمشاكل وكل واحد يختلف بمشاعر ومشاكله وصدفه فى الحياة بتخليه يمر بالأوقات الحلو وكمان المرة بس احنا الشعب المصرى بنكبر من حجم المشكله اوى لدرجه ما بنخليها ليه حل ابدا ونعجز عن الحياة ونيأس اوى أننا كدا واننا غيرنا احسن و نفضل على حال ده لدرجه ممكن لسبب ده جه مفهوم( الإنتحار ) ربنا ميز البنى آدم منا بالعقل لانه الدنيا دى مش للحفلات ولهو دايما انا بمثلها بالمدرسه بمثل المدرسه بالحياة انه المدرسه فيها امتحانات وفيها احتفالات آخر السنه وعطله ورحلات وكل حاجه ممكن تلهينا عن الدراسه احنا سعادتنا بتحدد باهدافنا اهتمينا بالامتحانات حتى مش لازم نجيب الدرجه النهائية نكفى اننا نعدى سالمين وناجحين بالتالي هنستمتع بالاجازة واحنا مطمنين ونروح رحلات ونبقى مبسوطين ومش هنزعل اننا مقصرنا وعلى العكس فى الناحيه التانيه شغلنا بالنا هنلبس اى فى رحله او ويترى هنروح فين فى العطله ونسينى الدراسه هنزعل ونضايق من نفسنا اننا اقصرنا علشان ما أطول عليكم الحياة ابسط من كدا كل مشكله فى يومنا بسيطه او كبيرة نقدر نحلها بالحكمه او حتى لو ما عندنا الإنسان مش بيعمل كل شيء نسأل حد كبير أو نصلى ربنا يمكن هوا يحلها لينا و وصلنا للصح بنوره انا بكتب ده كله فى بدايه يومى اتفالوا ياشباب لسه عندنا عمر لنعيشه وقصه احنا جزء كبير منها واحنا اللى كل يوم بنكتبها أنا رغم اللى مريت فيه ما راح اقول اى هوا لانه انا يكفيني ربنا يعلم بيه والإنسان اللى يطلب الحل او مساعدة من إنسان زيه اى الفايدة الحاجه اللى تعلمتها من الحياة ربنا وحده اللى بيساعد وناس مجرد وسيله المهم رغم اللى حسيته وعيشته من ألم اخترت نفسى اخترت اكون انا لو اى حصل اخترت السلام والحب اخترت السماء الصافيه بعد غروب الشمس وانا بكتب ده دلوقتى وانا فى المكان اللى كل ما زعلت فى حياتى بروح وابكى فيه فوق السطح وكنت ابكى وابص للسماء لأنى كنت برتاح وكنت فى نفس اليوم برجع اضحك من تانى وانسى اللى زعلت عشانه وربنا بيشيل ده من قلبى لانه شافنى وعارفنى دايما بحكى معاه وبشكيله من كل شئ صدقوني الحياة حلوة بس تختلف انت عيشها ازاى ركز على عيونك مو مميزاتك واعرف ازاى تتخلص منها حبوا الناس اللى حواليكم وعاملوهم كويس حتى لو مش كويسين محدش يستاهل انه مزاجك يتعكر لأى سبب معامله طيبه للوحش مو غلط بالعكس لو إنسان كويس يستاهل تمام طلع إنسان مايستاهل تجاهله لو اتعاملت معاه عامله كويس لانه ده بيعكس معدنك وفى الآخر انا اتكلمت كتير بس ده كله لأنى ارتحتلكم اوى وحبيت اشيل عنكم بكلامى وكلمه أخيرة لا تستسلموا ابدا واتمنى يكون كلامى وصل لقلوبكم زى ما وصل لقلبى وانا بكتبه ليكم 🤍🤍🤍🤍🤍شكرا لكل اللى قرأ كلامى 🤍🤍🤍🤍🤍🤍🤍🤍🤍 ...عرض المزيد

التجربة أفضل عبر التطبيق

حمّل تطبيق توهيل على هاتفك لتجربة أسرع