إحنا بنخلق قطط شيرازي.. مش فريسة للعالم

Jackfruit_74741 🇪🇬

منذ أسبوع واحد

القطة الشيرازي اللي بتهرب من البيت اللي فيه كل وسائل الراحة والدلع والأمان… أول ما تطلع للشارع مصيرها معروف. هي اتعودت إن عندها أنياب ومخالب… بس استعملتهم طول عمرها مع اللي ربوها واحتضنوها. لكن لما واجهت قطط زيها وماعرفتش تقاوم… وبقت فريسة. المشهد ده مش بعيد عن اللي بنعمله مع أولادنا. إحنا بنخلق قطط شيرازي بالمعنى النفسي: بخوفنا الزائد… بتدليلنا المفرط… وبإننا نقفل عليهم الدنيا ونخليهم يفتكروا إن الكون كله بابا وماما”. لكن لما يواجهوا العالم الحقيقي… بيبقوا هاشّين وضعاف من جوه مش فاهمين إزاي يتصرفوا وبيفقدوا الإحساس بالأمان والانتماء. 👁️ السياسة الصح مش إننا نحبسهم في قفص من حرير… لكن إننا نديهم ثقة في نفسهم نعلمهم يواجهوا… يغلطوا ونصححلهى … نديهم مساحة يتعاملوا مع الحياة تحت عينينا كأنك بتشرس ابنك بالوعي والتجربه مش بالقسوة… علشان ما يبقاش فريسة في عالم مليان قطط بلدي أقوى وأسرع منه . (منقول)

هل كانت هذه المعلومات مفيدة؟

0

0