Banana_78073 🇪🇬's فكرة

العلاقات محتاجة راحة بال مش خطة خمسية

Banana_78073 🇪🇬

منذ يومين

أكتر حاجة بتضحكني إن في ناس فاكرة "العلاقات محتاجة مجهود من الطرفين" يا عم هو إحنا في شركة بنعمل مشروع؟ 😅 العلاقات محتاجة راحة بال مش خطة خمسية للتفاهم! لو محتاج تشرح كل تصرف وتبرر كل كلمة… يبقى العلاقة دي محتاجة “مستشار قانوني”، مش “مشاعر”! الموضوع بسيط… لو اللي قدامك مرتاح، هتكون أنت كمان مرتاح. بس لو كل مرة بتحس إنك بتمتحن، انسحب قبل ما تطلع بـ"دكتوراه في الخيبة". 🎓💔

تمت كتابة هذا المحتوى بواسطة Banana_78073 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

Marshmallow_69067 🇪🇬

ليه اختيار شريكة الحياة بقى مواصفات شكلية بس؟

عندى مشكلة مش خاصة بيا بس مشكلتى في فهم المجتمع بتاعنا وطريقة تفكيرة .. جماعة احنا معظمنا مبيعرفش يحب مبيعرفش يختار مش عارفين احنا عايزين ايه،بنمشي معايير عرفية عقيمة وسطحية واحنا الى بندفع التمن.. عندي سؤال للرجالة انت بتختار شريكة حياتك بناءا على ايه، عندك تصور؟؟فاهم احتياجاتك وعندك تصور عن النت الى عايز تكمل معاها بشكل يخلى حياتك الطف بشكل يخليك حابب ترجع البيت عشان فيه حد فاهم وحاسس بيك وبتقدر تتكلم معاه ولا القصة قصة مواصفات شكلية وبس.. انا بتكلم كدا لانى حوليا ناس كتير بتوفق ناس لبعض فبلاقي ان الراجل كل مقاييسه بتكون في إطار الشكل واللون بيحدد لون البشرة والطول والوزن والسن ونوع لازم يكون فرق كبير وواقف عند سن معين بعد بسنة لا حتى لو لسه هو اكبر منها وبالنسبه للتعليم مش فكرة ان اهم حاجة تكون متعلمه لا دا بيختار نوع الكلية ، انا بحس ان الى بيوفق بين العرسان دا بيروح يفصل بنت عند خياط .. هو من امتى الانسان بيتقيم كدا مين قالك ان هو دا الى هيسعدك انت هتعيش مع شكل ولا روح حقك تحب تكون مع بنوتة حابب شكلها ومناسبة اجتماعيا وكل حاجة بس مش بالطريقة دى انا والله بيبقى قدامى عرايس بيكونوا مناسبين جدا اجى اعرض الفكرة يتقالى بس دي مش بيضة.. احسن احسن بنات تربية واخلاق وعلم وكل حاجة ممكن راجل حقيقي ووالله بيبقوا كلهم زي القمر بس لا هو عايز حاجة معينة وياريت اصلا هو بيكون عارف واجباته هو شايف ان بنت الأصول لازم ميكونش عندها إستحقاق او طلبات مادية هو اصلا الراجل الحقيقي بيحب يبذل ويحب يكفي أهل بيته لكن الموضوع بقا فيه فصال، انا مش بقول ان مفيش بنات بتكون طماعة بس اصلا البنات الطماعة دي هي الى بتتحط فوق الراس لكن البنت الى بتتكسف تتكلم في الماديات ةو تطلب حاجة الراجل بيستغل كسوفها دا مع ان المفروض يحصل العكس.. ليه انت كراجل متدين بتروح لبنت مش مقتنع بحجابها او ليه انت كراجل مش مقتنع بالنقاب تروح لبنت منتقبة وليه الى عايز بنت بتشتغل بيروح للى مش بتشتغل والعكس.. فكرة السن كمان والله بتبقى رجاله كبيرة في السن وبيطلب مواصفات شكلية لبنت في العشرين وطالب كلية معينه ومختار القسم وكاتب تقديرة في الكلية كانوع من ان انا جامد هو انت داخل تقدم على وظيفة؟؟ وليه راجل كبير عايز بنت صغيرة ما تاخد المناسب ليك بنات كتير زي القمر وزي الفل بتتظلم في النص بسبب طلبات الرجالة .. بص انت حر لكن هل انت بعد كل دا بتكون سعيد؟؟ احنا ربنا خلقنا عشان نختار بعض بالشكل دا ؟؟ انت ممكن تلاقي بنت فيها كل المواصفات الشكلية الى بتحلم بيها والاجتماعية وتكون مش أمينة او متحبهاش او حاجات كتير .. جماعة اتعلموا تحبوا اتعلموا تطلبوا من ربنا يختار ليكوا اتعلموا ان الشكل شئ مهم مهم في انك تبص في وشك حد تحب ملامحه مش فكرة لون او طول او عرض .. نفس المجتمع دا بيلوم ع البنت الى مثلا يترعض عليها عريس وميعجبهاش شكلة يتالها الراجل ميعبهوش غير جيبة وانتى مغرورة وارضي عشان ربنا ميحاسبكيش طب ماانا من حقي اكون مع حد مرتاحه لكل حاجة قفيه مش بقول متفصل لا حد اشوفه زي ماهو ارتاح ليه الراحة دي بتبقي من عند ربنا .. المشكلة ان رجالة كتير بيقربوا لحد ال ٥٠ من غير جواز بسبب انه كل م يشوف بنت ممكن تعجبه بس يقول لا ممكن الاقي حد احلا ممكن واحد يدخل كذا بيت ورا بعض ويقارن بينهم ويختار الافضل جماعة هى دى طريقة اختيار ؟؟ انت بتختار عروسة لعبة تحطها في النيس ولا عايز ونيس بجد ست أمينة تشيل همك وتصون بيتك وتحبها اكيد وتحبك دا حقك اصلا بس انتوا كرجالة المفروض ناضجين بتختاروا اختيارات انتو الى بتدفعوا تمنها وبدفع عيالك المستقبليين تمنها لانك هتتعود ع شكل مراتك وهتكتشف ان مفيش توافق روحي بينك وبينها وانت وهي هتعيشوا عشان خاطر العيال .. او هتفضل تدور على مقاييس مش هتلاقيها وهتموت وحيد في الاخر ايوا هو نصيب لكن الإنسان مخير وهيتحاسب على إختيارة .. ولما بيكون فيه رجالة كويسة بجد بيشتكوا انهم مش لاقيين بنات كويسة مع إنهم موجودين كتير اوى لان المجتمع خوف كل الاطراف من بعض لدرجة ان لما نشوف راجل احلا شكليا شوية من مراتة او لونه افتح منها شوية بتقولوا دي اكيد سحراله لكن الحقيقة انه عرف يلاقي السعادة ومش نهتم بكلامك السعادة الى انت هتفضل طول عمرك تدور عليها ومش هتلاقيها لانك بدور في سكة غلط ...عرض المزيد

Marshmallow_76424 🇪🇬

الحب عمره ما كان أساس العلاقة!

الحب عمره ما كان اساس للعلاقة! العلاقة لازم تُبنى على أساسيات مش من ضمنها الحب الحب لو جه ف العلاقة هتبقى كويسه فعلا ومريحة، ولكنه مش أساس جملة "بحبك حب غير مشروط" غير صحيحة، يعني ايه بحبك لو ضربتني وآذتني وآذيت الناس الي بحبهم، يعني ايه بحبك ولو مسحت بكرامتي الأرض، يعني ايه هحبك لو فضلت معيشني في قوقعة طول عمري ونازل فيا كلام سلبي وجارح! امتى هحبك كده لو انا مختل عقليا، مريض نفسي، متهمنيش نفسي اصلا العلاقة السليمة مبنية على: التفاهم، حسن التعامل، المعاشرة الحسنة، المعاشرة بالمعروف، الأمان، التغاضي عن بعض الأمور.... الى آخره لكن الحب عمره ما كان من أساس العلاقات مش بس في الزواج لا حتى في الصداقة، او علاقات العمل او غيره ...عرض المزيد

Mango_64637 🇪🇬

الونس عندي له شكل تاني.. مش مجرد هروب من الوحدة

مش كل وجود حواليك اسمه "ونس" ومش كل حد بيملالك الوقت.. يبقى بيملالك الروح. في ناس بتدور على الونس عشان تهرب من الوحدة، حتى لو كان الشخص ده مختلف تمامًا، لا بيشبههم، ولا بيطمنهم، بس وجوده بيكسر الصمت.. وده بالنسبالهم كفاية. لكن أنا؟ أنا مختلف تمامًا. الونس عندي له شكل تاني خالص، هو إن حد يبقى معايا، فأحس إني مع نفسي، نفسي التانية.. اللي بتفهمني، اللي بتدخل حياتي بسلاسة، مش بالعافية، ولا بالعجز، ولا لمجرد سدّ فراغ. حد يشبهني.. مش غريب، مش عبء، ومش مختلف لدرجة ترهقني. الونس مش وسيلة للهروب من الوحدة، لأني أصلاً عاشق للعزلة. الونس الحقيقي هو اللي يحسسني إني مش محتاج أهرب من نفسي أصلاً. ابعد عن الزحمة اللي بتحسسك إنك لوحدك، ودوّر على اللي يشبهك بجد. 💙 ...عرض المزيد

التجربة أفضل عبر التطبيق

حمّل تطبيق توهيل على هاتفك لتجربة أسرع