العلاج نتاج الرأسمالية وثقافة الهروب من الألم

Potato_76035 🇪🇬

منذ 9 ساعات

الثيرابي نتاج الرأسمالية، باعتبار إن الإنسان آلة والآلة دا ممكن إنتاجيتها تقل مع الوقت، وفي نظام هو بيخليك تقيم نفسك بمعيار إنتاجيتك وإنجازاتك كلها اللي تحتفل بيها بتتقيم على دا وبتضيع كس ام عمرك كله بتعمل "skills" وبتاخد كورسات، فطبيعي إن يكون فيه حاجة تحسن من سلوك الآلة اللي هي الإنسان علشان يخليه شخص منتج أكتر ويزود فلوس الناس اللي عمره ما هيشوفهم، هو بس طموحه اللي هيحتفل بيه إنه يبقى جزء من برانش له في الشرق الأوسط أو يروح أمريكا يشتغل وياخد فتات ويعمل فيديوهات عن الثقافة الأمريكية وليه المصريين ريحة بوقهم وحشة، وهنا بيكون شغل الثيرابي، إنه يخليك منتج أكتر ويخليك تقدر تـ fit in في مجتمع معاييره كلها قايمة على الإنتاج والسكيلز ومظاهر "النجاح" والتحقق اللي عمرهم ما بيتحققوا أصلا، المكنة مابتوقفش وحاجة تانية تخليني مش مؤمن بالثيرابي إن السوشيال ميديا وثقافتها طول الوقت قايمة على التعليب، اللغة والتواصل بيفقدوا معناهم مع كم الاختصارات دي، والاختصارات دي بتوصل كمان لشخصياتنا، يعني بدل ما أتعب وأخش في تجارب وأجرب حاجة جديدة كل مرة أعرف بيها عن نفسي، أنا أقدر أعرف مواصفاتي كلها من 16 شخصية كل شخصية فيهم بتختصر لأربع حروف، في عصر السرعة، انت مش محتاج تتحرك، إحنا هنجيبلك شخصية لحد عندك، وانت هتاخد الشخصية الـ generated دي، وتكتبها في البايو: أنا INTP، اللي معايير شخصيته واحدة يا جدعان بين كل الناس اللي حاملين الـ tag دا، وأي تصرف هعمله مخالف للـ criteria بتاعة الشخصية دي، فأكيد ليها تفسير تاني غير إني شخص معرص، أنا بس اتولدت في الزمن الغلط وانتو مش فاهميني، ويفضل عايش حياته كلها محتواه أنا حكيت للثيرابست بتاعي كذا النهارده، كأنه بقى كمان مظهر من مظاهر التباهي الاجتماعي، وهو لا فاهم نفسه، ولا فاهم مكانه فين من الواقع، ولا عارف آلامه وأحزانه جاية منين، وبيـ keep acting upon it، ومتخيل إنه بيتحسن علشان فيه واحد خريج آداب علم نفس بيقوله إزاي يعيش حياته ثقافة كاملة قايمة على الهروب من الألم، مش اعتبار إن الألم دا مكون رئيسي في الشخصية، وإنه نتاج تطوري من غيره كانوا أسلافنا فعلا انقرضوا علشان عمرهم ما كانوا هيتعلموا من غلطاتهم وسط طبيعة قاسية ومحتاجة احتياطات كتير للبقاء، ثقافة زي دي ماتلزمنيش بنكلة، الناس دلوقت بعد ما بتخش تجربة بدل ما تقعد تحفر فيها وتتعلم هي غلطت في ايه، علشان يبتدي يراكم ويتعلم ويبني شخصيته، بيروح أول حاجة يعملها يفتح أبليكيشن للفضفضة والدعم النفسي ويسأل: إزاي أتجاوز؟ بعد كل دا، كل واحد من دول يتخيل انه الفرد اللي مافيش زيه المعتز جدا بذاته وكل يوم ينزل ستوري عن خطواته في إزاي قدر يحب نفسه، وهو حرفيا نسخة كاربونية من اخواته البشر

هل كانت هذه المعلومات مفيدة؟

0

0