الجواز مش إشباع رغبة.. اختار تعيش راجل

Ice Cream_69497 🇪🇬

منذ شهر واحد

انا عارف ان عندك رغبة قوية للجواز وعايز تتجوز .. بس حابب اقولك ان الرغبة الملحة اللي عندك في الجواز زي أي رغبة لما تشبعها خلاص مش هتلاقي نفسك منبهر . زي رغبة الاكل لو كلت وشبعت مهما اتحطلك من اكل مش هتبقى ليك نفس تاكل مهما كان الاكل حلو . اللي اتجوز هيأكدلك كلامي ده .. فمش عشان الرغبة تخلي مستقبلك في ايد حد وتمضي قايمة تضيعك وتعيشك تقول حاضر ونعم حتى وانت شايف الغلط بعينك ومش قادر تفتح بقك عشان عارف ان في قايمة هتوديك ورا الشمس وتبقى سوابق . علاقة الجواز أكبر بكتير من التفكير في اشباع رغبتك . الهدف من الجواز هو الاستقرار والامان والحب والثقة والتفاهم المتبادل بينكم مش مجرد العلاقة وبس . والعلاقة اللي تبدأ بإيصالات امانة وتخوين عمر ما هيكون فيها استقرار ولا تفاهم ولا ثقة لانها بدأت بالتخوين . اختار تعيش راجل وافرش بيتك في حدود استطاعتك بالاساسيات بدون فشخرة كدابة واوعى تمضي قايمة وحافظ على بيتك واتقي ربنا في مراتك وعيالك .

هل كانت هذه المعلومات مفيدة؟

0

0