ليه منعرفش نعبر عن حقنا للناس اللى عليها واجبات؟

Durian_52455 🇪🇬

منذ 3 أيام

ممكن احكيلكوا عن ابسط حقوقنا المُهدرة ؟ (فكّر قبل ماتكمل) هى اننا منعرفش نعبّر عن حقنا للناس اللى عليها واجبات تجاهنا مثلًا لو باباك رفض تعمل الحاجة اللى بتحبها، أو لو خطيبتك قالتلك معندهاش وقت تسمعك، أو صاحبك اللى مهما اتكلمت معاه كإنك متكلمتش معاه كل شخص من دول عليهم عليهم واجب ناحيتك كـ إبن و كـ خطيب و كـ صديق، وأول حاجة بنفكّر فيها بعد مانحس بالتجاهل/الإهمال/عدم الرغبة بنلجأ لأكتر حاجة مش هتفيدنا بس هتريحنا شوية.. إننا نكتب مشاكلنا ،اللى هيقراها مش مسئول عننا، ولا يعرفنا عن قُرب ولا عنده الحل السِحرى اللى هيغير حياتك واللى مش متوقع بقى إننا هندم بعد مانحكى… لإن نسبة كبيرة من الغرباء اللى بيسمعوك…. عندهم مشكلة هما كمان ومحتاجين إشباع لرغبتهم من خلالك ومش هتحس إنهم بيستغلوك ولا بيكدبوا عليك الا لو شخصيتك ذكية الغريب رغم كدة بنحب الكتابة والفضفضة.. مش مهم مين يسمعنا.. بس مهم اننا نعبّر عن نفسنا

هل كانت هذه المعلومات مفيدة؟

0

0