رسالة وداع من حبيب مجروح.. سامحيني مشيت

Guava_65081 🇪🇬

منذ 5 أيام

إلى من فطر قلبي يمكن دي أكتر رسالة صعبة كتبتها في حياتي.. ومكنتش أتمنى أكتبها بالشكل ده.. ولا في اللحظة دي.. أنا بكتبلك الكلام ده في لحظة صعبة.. لحظة مليانة وجع وتعب مكنتش عارف أتكلم فيها.. ولا أشرح.. يمكن تكوني مش فاهمه أنا وصلت لإيه.. أو ليه وصلت لكده.. بس صدقيني.. ده مش عشانك.. ولا بسببك. إنتي كنتي أكتر حد فاهمني من غير ما أتكلم.. وأكتر حد حس بيا من غير ما أشرح.. وجودك كان زي الأمان في وسط كل حاجة بتوجع. إنتي كنتي الحاجة الحلوة الوحيدة في حياتي اللي كنت بتمسك بيها.. وعشان كده وجعي وأنا بسيبك مش بيتوصف. أنا تعبت.. مش منك.. ولا من الناس.. تعبت من جوايا.. من الصراع اللي بيحصل كل يوم في سكوت.. من الوحدة اللي حتى لو حواليها ناس.. مش بتروح. حاولت أتمسك كتير.. وإنتي كنتي السبب الوحيد اللي مخليني كنت لسه واقف على رجلي.. بس فيه حاجات لما بتتراكم.. بتتكسر جوانا حاجات صعب تتصلح. سامحيني إني بسيب ورايا وجع.. وسامحيني إني مشيت من غير ما أشرح كفاية. واسف إني مقدرتش أفضل أكتر. هتفضلي جوا قلبي.. مشهد حلو في فيلم خلص بسرعة.. بس عمري ما هنساه. بحبك قد كل دقه في قلبك.. بحبك قد كل ذكرى حلوه بينا.. بحبك قد كل السنين اللي كنت بتمنى أعيشها جنبك.. خليكي قويه.. وأوعي تفتكري إن دا ذنبك.. و افتكريني بالخير.. و عيشي مع السلامة.. من حبيبك المجروح

هل كانت هذه المعلومات مفيدة؟

0

0