Tofu_76193 🇪🇬's فكرة
مش هتتصلح مشاكلك غير لما تصلح علاقتك بربنا
Tofu_76193 🇪🇬
منذ 11 ساعة
أحيانًا بنفتّش عن أسباب وجعنا، بندوّر فكل حاجة حوالينا ،في الناس، في الظروف ،في الماضي ..وبننسى نرجع للأصل الحقيقة إن أغلب مشاكلنا النفسية مش بتيجي من فراغ، لكن من البُعد عن ربنا.لما القلب يبعد،بيتعب ، ولما نهمل علاقتنا بربنا، بنفقد التوازن،حتى لو كنا باينين إننا "كويسين" من بره الطريق الحقيقي للعلاج مش في إننا ندور على مسكن، لكن في إننا نرجع لكتالوج الحياة اللى ربنا نزله لينا ' الدين' الدين مش بس عبادات ، الدين هو طريقة تفكير ومنهج حياة ونور ينور طريقنا وسط الزحمة والضياع لو صحّحنا افكارنا ومشينا على طريق ربنا بصدق ، هنكتشف إن الراحة كانت دايمًا قريبة ..بس إحنا كنا بعيد مشكلتنا إننا بنحاول نصلّح أنفسنا من غير ما نرجع لصاحب النفس لكن لما نرجع له، كل حاجة هتتظبط لوحدها ، النفس هتهدى، والقلب هيروق ، والدنيا هتبقى أبسط مما كنا فاكرين علشان كده دايمًا وهفضل أقولها لنفسي ولأي حد مهما حاولت تصلّح مشاكلك ، مش هتتصلّح غير لما تصلح علاقتك بربنا الأول !
تمت كتابة هذا المحتوى بواسطة Tofu_76193 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.
هل كانت هذه المعلومات مفيدة؟
0
0
التجربة أفضل عبر التطبيق
حمّل تطبيق توهيل على هاتفك لتجربة أسرع
