Toast_66105 🇪🇬's فكرة

الشغل بيخلصك من النقص والخنقة.. نصيحة من الواقع

Toast_66105 🇪🇬

منذ أسبوع واحد

في حد قبل كدا قالي ان الشغل بيضيع اي خنقة او اي شعور بالنقص من الي حواليك . فا نصيحة بجد لو خسرت حاجة في حياتك او حياتك ناقصها حاجة اشتغل و اعمل لنفسك حياة بنفسك دور علي حاجة حلوة و مفيدة تشغل بيها وقتك و حياتك انزل جيم او اتعلم حاجة جديدة لغة او روح كورس لحاجة نفسك تعملها من زمان العب رياضة انتا بتحبها و في الاخر لو ملقتش كل دا انزل دور علي شغل اشتغل اي حاجة شغلانه تجيب شغلانة احسن مش يمكن تقدر تعمل حاجة لنفسك و تبقي مش محتاج لحد ولا حاجة ساعتها لما نصيبك او نفسيتك تتحسن مش هتحتاج لحاجة من حد . و دي نصيحة من واحد منمش غير ٣ ساعات و نازل رايح شغله لان هو الملجاء الوحيد الامن في الحياة دي حرفيا 💙

تمت كتابة هذا المحتوى بواسطة Toast_66105 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

Chilli_65835 🇪🇬

نصيحة غيرت حياتي: مش لازم تكون قوي طول الوقت

يا جماعة، لو فيه نصيحة واحدة بس كنت أتمنى أسمعها زمان، كان زمان حياتي اختلفت كتير. النصيحة دي هي: "مش لازم تكون قوي/ة طول الوقت." يمكن تبان بسيطة، بس وقعها كان كبير عليا. كنت فاكر/ة إن لازم أظهر صلابة قدام أي موقف، وأتحمل فوق طاقتي، وده استنزفني جداً. لما بدأت أتقبل فكرة إني ممكن أكون ضعيف/ة أحياناً وأطلب المساعدة، حسيت براحة كبيرة وتغيير إيجابي ملحوظ في نفسيتي. Advice like this can be a game-changer. ...عرض المزيد

Carrot_52708 🇪🇬

لما العلاقات بتنتهي بصمت... وقلبك بيتكسر من غير كلام

في الحياة، الناس مش دايمًا بتصرّح. في ناس بتتكلم بصوت عالي، تحط مواعيد، تحدد حدود، وتقولها بوضوح: "آخر فرصة آخر الشهر، لو ما أخدتش خطوة، هبعد." ناس بتحط Deadline. لكن في ناس تانية… ما بتقولش. بس بتحس. وتعدّي، وتتحمّل، وتضحّي، وفي الهدوء التام… جواهم بيتكتب تاريخ ما حدش يعرفه: "تاريخ انتهاء صلاحية العلاقة." --- في الحب، ممكن تفتكر إنه لسه موجود، لسه بيحب، لسه بيحاول. بس الحقيقة؟ خلاص… مبقاش شايفك زي الأول. مش لأنه فجأة بطل يحب، لكن لأنه انتظر كتير، وزعل كتير، وسكت كتير… لحد ما جوّاه حاجة اتكسرت، وما رجعتش. --- في الشغل، مش لازم الإهانة تكون بكلمة صريحة أو خصم من مرتب. أوقات التقليل بيجي على هيئة "هزار". ضحكة مصطنعة على مجهودك، تعليق سخيف قدام زمايلك، نظرة استهزاء كل ما تقول فكرة، ونبرة صوت بتقول: "انت مش مهم"… حتى لو كانوا بيضحكوا. ومع التكرار… الضحك بيبطّل يضحّك، والهزار بيبقى وجع، والشغل اللي كنت بتروح له عادي… يبقى عبء على روحك. لكنّك ساكت، بتعدّي عشان عندك التزامات، بتسكت عشان "كله بيهزر"، بس جواك… بتكتب التاريخ: "اليوم اللي مش هسمح فيه لحد يستهين بيا… حتى لو بهزار." ولما تمشي، هيستغربوا: "إزاي؟ ده كان بيضحك معاهم!" ومحدش هيفهم إنك كنت بتنسحب كل يوم… بس بصمت. --- في الصداقات، صاحبك اللي كان دايمًا أول واحد يرد، أول واحد ييجي، أول واحد يحس… تلاقيه بقى بارد، بقى بعيد، بقى بيرد بعد أيام. مش لأنه اتغير، لكن لأنه تعب. كان مستني تبص ناحيته، ولما ما لقاكش… قرر يمشي، بس من غير ما يلفت انتباهك. --- الناس دي مش درامية، مش بتعمل دوشة، لكنهم لما يحطوا Expiry Date… بيبقوا صادقين فيها أكتر من أي وعد. فلو لقيت حد بيبعد بهدوء، ما تفتكرش إن ده طبيعي. اسأله… طمّنه… شوفه. لأن اللي بيحط Deadline… لسه عنده أمل. لكن اللي حط Expiry Date… قلبه خلاص، ما بقاش هنا. --- وبعدين تيجي اللحظة اللي تفهم فيها كل ده، وتقولها بقلب هادي: "والله فعلاً… الدنيا فانية. ولا تستاهل زعل، ولا حرقة أعصاب، ولا توتر، ولا إنك تيجي على نفسك عشان ترضي ناس مش شايفينك أصلاً." ثانية واحدة… ممكن تكون الأخيرة. ممكن تروح، وتقابل وجه رب كريم، أحنّ من كل اللي كسرك. فاللهم إن كنت أنا القادم، فتوفنا وأنت راضٍ عنّا، وارزقنا حسن الخاتمة، ونجنا من قلوب ما بتعرفش ترحم، ولا تقدر. ...عرض المزيد

Cookies_59710 🇪🇬

كيف غيرت حياتي بعد التوقف عن العادة السرية؟

السلام عليكم يا رب تكونوا بخير عايز اقول لكم يا جماعه ان اسوء حاجه ممكن تعملها في نفسك انك تبقى بتمارس العاده السريه قسما بالله ستجد عيشه ضنك ... والله العظيم انا اتغيرت بشكل غريب جدا لما بطلتها لمده كام شهر ..انا بقيت افضل نسخه من نفسي ذهن صافي حماس غير عادي قوة تركيز مش طبيعيه شكل وجهي تغير كتير للأحسن وغير دا اكتر بكتير الحمد لله على كل حال وربنا يهدينا جميعاً ...عرض المزيد

التجربة أفضل عبر التطبيق

حمّل تطبيق توهيل على هاتفك لتجربة أسرع